Meurunoe Diftong Lam Bahsa Aceh

Lam bahsa Aceh na pdum-padum boh diftong atawa huruh hudép rangkap. Miséu jih diftong EU, UE, IE, OE, EUE. Kiban man diftong nyan? Jinoë Nyak Kaoey surah bacut sapéu moga na meunamfaat kemandun jamaah Pehtem.

Diftong EU
Diftong atawa huruf hudép rangkap lagèe EU. Nyan nakéuh diftong khas Aceh. Cara baca jih “u” hana that deuh. Seuréng tatuméung lam kata:

Eu (lihat), eumpung (sarang), beukah (koyak), beuneung (benang), geunteut (hantu jangkung), keu (kepada), keubah (simpan), meunan (demikian), neunoh (pasungan), pineung (pinang), reubah (tumbang), seumah (sembah).

Jinöe taci cuba pasöe kata bahsa Aceh nyan lam kalimah

1. Ci eu peuka jipeulaku nyan si agam
2. Di công bak makén na eumpung siwah
3. Pakôn beukah ija bajèe kah?
4. Kajôk nyöe keu yah keuh beh gam!
5. Hoka beuneung kunéuk cop bajèe
6. Si agam that yöe keu geunteut
7. Bék teuga that peuhabèh péng keubah bacut keu uröe raya
8. O meunan rupajih meukeusud kah
9. Ureuéng pungö nyan ka geupasöe lam neunoh
10. Pineung ruék teumon ranup
11. Bak keureundông ka reubah di leun
12. Awak kafe seumah patông

Diftong UE
Diftong atawa huruf hudép rangkap lagèe UE. Nyan nakéuh diftong khas Aceh syit. Cara baca jih rap saban tapi mandua deuh. Seuréng tatuméung lam kata:

Ue (tersumbat), Muesuci (bersuci), pubuet (mengerjakan), aduen (abang), plueng (lari), glueng (tendang), tuebèe (tebu), glue (licin), krueng (sungai), pluek (kupas).

Jinöe taci cuba pasöe kata bahsa Aceh nyan lam kalimah

1. Kajép iè bék eu keuh gam
2. Keunéuk seumayang meusuci ilèe
3. Hai gam pubuet kah keunan?
4. Pakôn hana kapeugah hana ngôn aduen?
5. Plueng göb plueng jih aleh hö jiplueng
6. Nyan ka karasa ka keunông glueng le si gam?
7. Pancuri tuebèe meubulèe dada
8. That gleu eungkôt seumilang nyöe
9. Si gam ka jilangué krueng
10. Pluek kulét deuh asöe

Diftong IE
Diftong atawa huruf hudép rangkap lagèe IE. Nyan nakéuh diftong khas Aceh syit. Seuréng tatuméung lam kata: ie (air), bieng (kepiting), sie (sayat), glie (geli), ariet (iris), gasien (miskin), teublie (terbelalak), lupie (dingin), trieng (bambu), diet (sedikit).

Jinöe taci cuba pasöe kata bahsa Aceh nyan lam kalimah

1. Menyöe grah jep ie beu lé
2. Mie bieng mangat lagoina
3. Bek sie ija bak keuiéng
4. Glie teuh tadeungö haba jih
5. Kon bak ta ariet patah
6. Meunyöe gasien meukuwien lam tapéh
7. Teublie mata bak inonton bola
8. Lupie haté tadeungöe jimeulagu
9. Trieng beutong ubé bé raya
10. That diet ka tinggai ie lam mon

Diftong OE
Diftong atawa huruf hudép rangkap lagèe OE seuréng tatuméung lam kata: asoe (daging), pasoe (isi), bloe (beli), baroe (kemarin), dhoe (sumbat), ludoe (kemudian), pugoe (membangunkan), ragoe (jinak), Manoe (mandi), bunoe (tadi).

Jinöe taci cuba pasöe kata bahsa Aceh nyan lam kalimah

1. Peu asoe talam nyan?
2. Pasoe laju ie beu lé lam guci
3. Bloe siploh publoe sikureuéng lam ruweuéng tarék laba
4. Peu kapeuget baroe kah gam?
5. Lueng ka dhoe ie han jilè
6. Awai pubuet ludoe piké
7. Soe tijeut pugoe rimuéng teungöh éh
8. Ragoe that rimuéng nyan
9. Manoe bagah jak sikula
10. Ho kajak bunoe gam?

Diftong EUE
Diftong EUE nakeuh diftong EU nyang geutamah ngôn huruf udep E, watèe tabaca sujih anatar EU ngôn E, leubèh teurasa E pepet. Diftong EUE seuréng tatuméng lam kata :

Aleue (lantai), bateue (batal), breueh (beras), keue (depan), peue (apa), luweue (celana),
Pageue (pagar), kupeue (untuk apa), cabeueng (cabang), miseue (misal), uteuen (hutan), bayeue (bayar).

Jinöe taci cuba pasöe kata bahsa Aceh nyan lam kalimah

1. Lagèe aleue hana ranté
2. Khanduri hana jadék ka bateue
3. Kajisiprék breueh padé jipeusunténg
4. Kajak u keue kah gam
5. Peue kapeugah bröh-bröh putöh kah
6. Kasôk luweue bék leumah pha bak gob
7. Taharap keu pageue kubeue pajöh padé
8. Kupeue kapeugah nyang hana meunafaat
9. Cabeueng bak mamplam ka patah
10. Meunan miseue lön böh umpama
11. Lagèe jôk lam uteuen
12. Menyoe cok pulang utang bayeue

Nyan ban jamaah Pehtem, nyang get neutuéng nyang brôk neubéh, neupilèh téh nyang meuguna. Pat na salah neupeubeutoi sigra, meuseubab Nyak Kaoey pih mantông meureunöe syit.

Poto watee Nyak Kaoey Pehtem ngon rakan di Harbour Bay, Batam [Poto: ata droe]