Makna Hukôm Lam Hadihmaja
Lam hudèp nyöe ban mandum geutanyöe na hukôm nyang atô. Hukôm beugi geutanyöe ureuéng Aceh lagèe geukhéun lé ureuéng tuha jemèun lam Hadihmaja: Adat bak Poteumeureuhôm, Hukôm bak Syiah Kuala, Qanun bak Putröe Phang, Reusam bak Bentara.
Meukeusud hadihmaja nyan nakeuh bahwa, hukôm adat na bak jaröe raja (Poteumeureuhô), hukôm agama bak jaröe ulama (Tgk Syiah Kuala), hak peugét undang-undang bak Putoe Phang seubagöe lambang waki rakyat, nyan jaméun nyöe takheuen seubagöe lembaga legislatif atawa dewan. Di likôt nibak nyan, kuasa lam haro-hara na bak panglima prang (Bentara).
Lam hadihmaja laén geupeugah, adat ngôn hukôm lagèe zat ngôn sifeuét, sit ka han jéut meupisah dua. Makna jih, kuasa peuliték nanggröe (adat) ngôn hukôm Islam nyan lagèe zat ngôn siféut, meusaböh han jéut tapisah-pisah.
Makna laén jih, antara Sultan sibagöe raja nangröe nyang mat kuasa peuliték keurajaan ngôn Mufti (ulama) nyang peutrang hukôm agama, nyan dua ureuéng nyan han jéut meupisah. Mandua ureuéng nyan sabé-sabé saban-saban seumikè keu beujrôh nanggröe, makmu rakyat man sigom Aceh.
Mandua böh hadihmaja nyang tapeugah bunöe nyan, nakeuh seubagöe falsafah hudép geutanyöe uruéng Aceh. Sigala bhah lam hudép nanggröe ngôn rakyat, mandum meuneumat jih bak hukôm Islam.
Lam Islam ka geuatö meubagöe peukara. Haleu haréum syit ka meuhat, cok keumeuneumat geutanyöe hamba. Lam hadihmaja laén nasyit geukhéun lé ureuéng jaméun, adat syara’ hukôm saban, ngôn peutimang manusia.
Nyan meunan jamaah Pehtem ban sigom donya makna dari lhèe hadihmaja bhah hukôm nyang jeut long surah uroë nyoë. Di likôt nibak nyan teuntèe na syit hadihmaja laèn sebagoë fasafah hudep geutanyoë ureuéng Aceh nyang ka geukubah lè Endatu ke aneuék cuco.
Poto alue di Tibang, Banda Aceh keu gamba peulengkap tulesan beh poto
Baaaang... Kiban takhèun huruh ó..kiban ji musue🤔
sang hana tanda koma di ateuh huruf o lagee nyan, yang na antara huruf jiduk koma meunan, cineubaca bak postingan awai long. meunyoe koma meubalek bak ujong kata nyang baca jih agak choe alis sengau.
Hahaha.. abang tuléh lam tulesan nyou bak paragraf terakhir ci kalôn🤭
Salah ketik mungken nyan. Payah ta pelajari lom sama-sama cara tuleh meunuleh lam bahsa Endatu. Ka long perbaiki bak kata "geuatö" ha ha ha ha
Beutoi bang... Agak sulét bak ta ingat Tanda trema dan aksen, pih beda pengucapan bak tiép wilayah, maka kadang beda cara tuléh...löen syit meutuka2 sabèe😂
tanda trema dan diftong bah lumboi dua ilee, nyang penteung tuleh laju dan ureung pasti meuphom maksud tulesan nyan.
Lagee bahasa kamoe di Itali n Prancis meunan.. memang Aceh nyoe cit seuleubeh jih.. sejajar ngon Inggreh, Portugeh...