Aksen Tiruet Ngon Aksen Miyup Lam Bahsa Aceh
Kali nyoë tameurunoë suai aksen lam bahsa Aceh, na dua aksen yang akan tabéut, yakni aksen tiruet ngon aksen miyup.
Aksen Tiruet
Aksen tiruet atawa pancöng nakèuh aksen nyang geuguna tanda baca (‘) di ateuh huruh. Biasa tatuméung bak huruf é. Miséu lagèe lam kata : Waréh (kerabat), Sakét (sakit), Aréh (arif), Wahé (wahai), Haté (hati), Maté (mati), Cicém (burung), Hasé (hasil), Ék (naik), Awé (rotan), Maséng (tiap), Ubé (sebesar), Biléh ( ikan teri), Geunténg (langsing, gunting).
Jinöe taci cuba pasöe kata bahsa Aceh nyan lam kalimah.
- Waréh kawöm ngôn keurabat ban ka meusapat geukhéun syedara
- Lam sakét sinan mangat lam nékmat sinan ceulaka
- Ureuéng aréh hantöm kanjai ureuéng lè akai hantöm binasa
- Wahé rakan jinöe lông peuingat nyöe ubat raja peunawa
- Ubat haté Allah Allah ubat sosah piyasan beuna
- Maté aneuék mupat jeurat, gadéh adat pat tamita?
- Na saböh cicém jiphè u laôt jingiéng u likôt aneuék jih kana
- Padum gunca hasé meugöe kali nyöe?
- Beubagah ék u rumöh jak pajöh bu
- Apit apit awé söe nyang keunông nyan nyang maté
- Lagèe jôk teungöh uteuén maséng-maséng peuglah pucôk dröe
- Ubé blang irôt ubé laôt irang
- Lagèe bilèh jeumeurang kruéng ulèu beuntéung lawan nuga
- Man saböh nanggröe kalhéuh ulôn ngiéng nyang geunténg keu’iéng kalông tanda
Aksen Miyup (Accent Grave)
Aksen miyup nakèuh aksen nyang geuguna tanda baca (`) di ateuh huruh. Biasa tatuméung bak huruf è. Miséu lagèi lam kata :
Asèe (Anjing), ulèe (kepala), Barèh (Baris), Gulè (Gulai), Lahè (kurang waras/gila), Pèt (petik), Limèng (belimbing), Meucurèh (tergores), Lungkèe (Tanduk), Gurèe (guru), Kayèe (Kayu), Malèe (Malu).
Jinöe taci cuba pasöe kata bahsa Aceh nyan lam kalimah
- Asèe glé nyang pajöh jagông asèe gampông keunông geulawa
- Malém ulèe ngui kupiyah malém babah kréuh meudakwa
- Baca beugét tièp-tièp barèh ngat bagah carông
- Kuwah gulè rampöe mangat lagoina
- That lahè kah lagöe hana malèe sagai
- Jak u lampöh pèt böh muliéng péh keu umpiéng uröe raya
- Böh limèng lumiék asam eungkôt brôk
- Beutèh ka meucurèh ngôn duröe
- That panyang lungkèe rusa nyan
- Ayah ngôn Poma seureuta gurèe ureuéng nyan man lhèe tapeumulia
- Beurijuék kajidông di công kayèe
- Muka tubai hana malèe
Nyan ban syèdara meutuwah, kali ukéu lam postingan laén akan tabahas suai diftong dan kata khas lam bahsa Aceh. Seumoga na meunafaat ke bandum rakan sinaroë di sinoë.
Poto aneuék miét di Taman Sari Bustanussalatin Kota Banda Aceh sebagoë pelengkap mantông, bek hana gamba sagai [poto: ata droe]
Saleum meuturi. Bereh story droneuh
Tabik
Waalaikumsalam @midiagam inan bereh syit hai.
Siipp
Droun teungku @isnorman, neu puduek jebakan betmen bak nomboi 6, tiruet Dan miyuep... Tapi iloeng han löen peugah salah, saweub kadang laén aksen teugantong padum brat ceurakè lidah teuh.
Kata gadéh (hilang) bak nomboi 6 aksen tiruet, bak kamôe hagu, han meunan geu lafadh. Ijieh lagé œ lam mantông (masih, cuma,saja), meunan chit ngôn nomboi 7, jiphé (terbang)
Bak nomboi 6 aksen miyup, pét (petik) ngôn pèh (giling) sang meutuka Tanda, saweub dröen puasa 🤣 pét hinan berarti tutup yg khusus utk mata. sedangkan pèh hinan kôn giling, tapi pukul lagè bak pèh.
Kiban... ?
Ka carong Kak @cicisaja ka lisek bak neubaca, nyan keuh meunan-meunan laju, meunyoe na keliru neupeutupat sesuai dengan emoyu hemsiski laju.
Droun mangat, na so peuruno bahsa Aceh, loen meumada "sok tahu"
ngôn editor mode 🤣 ocd level pemula.
Jadi meuno Teungku, neu buka dilee lafadh pengucapan huruh yoh galom ta boh aksen, a i u e o tanpa aksen kiban ta kheun. E bahsa toko versi Aceh beda ngôn E versi jawa pih laèn bacut. E bak Entah ngôn Emansipasi kan beda. Kiban ta peubeda bak tanyou?
Na 2 cara kheun o, o bak boh (buah) atawa bak boh (letak) lagèe bak mogok dan Oh
Long meurunoe keudroe syit bacut-bacut secara otodidak. suai lafadh huruh nyan akan trok bacut-bacut intreuk bak postingan laen. Asai na watee luweung akan long tuleh ala kada kemampuan long, maklum sarjana akuntasi tuleh suai bahasa kon ka neuteu-oh kapasitas jih? Nyan peunteng Pehtem laju-laju
Koppalo... Sarjana akuntansi glaih keudèh bak meu bahsa, sarjana peternakan han jadeh suwah glueng abée😁
Kheun awak Indoneh ala bisa karena biasa. Sibuleun neuteumuleh laju-laju lam bahsa Aceh jeut keudroe intreuk.
Beutoi... Nyan miseu han batat🤣 Akai man saboh badan, jiduek dari lahée, tak mempan diajar kheun mak loen 😔
Gawat kali kok si @cicisaja kecil itu ha ha ha ha
Ini bacanya seperti bahasa Jerman Yaa😁
Lebih dekat ke bahasa Prancis
Untuk aksen mungkin it's, tapi soal pengucapan dan sengaunya agak beda, karena Jerman dibaca seperti ditulis.. makanya waktu saya baca kedengaran seperti Jerman, bisa keseleo lidah.. Nyerah🙌🤣🤣🤣
Bilang sama kak @cicisaja banyakin asam sunti dalam kuah di rumah, biar lidahnya ikut lidah orang Aceh he he he he
Serius bung 😂 dia bikin asam Sunti buat dibagi ke temannya, di rumah sekarang nggak boleh ada masakan bernama asam Dan pedas kecuali garang asem (itu juga stlh dia ganti belimbing dgn tomato)😔
Ya ya ya Bang @dipoabasch itu namanya sambinoe yang paham kondisi samlakoe.
Hahahaha.. bek lah, bah loen translet mantông