السلام وعلیکم

کمیونیٹی کے تمام ممبران کو میری طرف سے السلام علیکم دوستو آج جمعۃ المبارک کا دن ہے اور آپ سب مسلمان بھائیوں کو میری طرف سے جمعہ مبارک ہو۔ اللّٰہ تعالٰی آپ سب کی حفاظت فرمائے اور آپ کے رزق اور کاروبار میں آسانیاں پیدا فرمائے۔ اور جن کے والدین زندہ ہیں اللّٰہ تعالٰی ان کو صحت والی زندگی عطاء فرمائے، اور جن کے والدین وفات پا گئے ہیں اللہ تعالیٰ جمعۃ المبارک کے صدقے ان کی مغفرت فرمائے۔(آمین)

صبح کی مصروفیات

دوستو آج جون کی 24 تاریخ ہو چکی ہے اور اس مہینے میں گرمی اپنے عروج پر ہوتی ہے لیکن بارشوں کی وجہ سے گرمی کی شدت میں کمی واقع ہوئی ہے۔ میں جب صبح سویرے اٹھا تو اس وقت ایسا محسوس ہو رہا تھا جیسے اگست کے مہینے کے آخری ایام ہوں۔ صبح کے وقت کافی ٹھنڈ تھی۔ میں نے وضو کیا اور مسجد کی طرف روانہ ہو گیا۔ مسجد میں میں نے نماز باجماعت ادا کی اور پھر میں واک کرنے کے لیے نکل پڑا۔ میں واک کے لئے جا رہا تھا تو میرا گزر قبرستان سے ہوا جہاں پر میرے والدین کی قبریں ہیں۔ میں نے وہاں پر ان کی مغفرت کے لیے دعا کی اور پھر میں وہاں سے واک کرنے کے لیے چلا گیا۔ واک کے دوران مجھے ایک دوست ملا جو اپنے نئے مکان کی تعمیر کروا رہا تھا۔ اس نے مجھے کہا کہ میں آپ کو اپنے مکان دکھاتا ہوں۔ ہم مکان والی سائٹ پر پہنچ گئے مکان کی چھت پر کام جاری تھا مستری اور مزدور کام میں مصروف تھے میں نے اس کے مکان کا جائزہ لیا اور پھر میں وہاں سے گھر کی طرف روانہ ہو گیا۔

گھر کے لیے خریداری

گھر پہنچا تو سب ناشتہ کرنے کے لیے میرا انتظار کر رہے تھے میں نے بیوی سے ناشتہ کے لیے کہا۔ میری بیوی نے ناشتہ لگایا اور ہم نے اکٹھے بیٹھ کر ناشتہ کیا۔ ناشتہ کرنے کے بعد میں نے جانوروں کے لئے چارہ کٹائی کیا اور اسے گھر لے آیا۔ جانوروں کو چارہ دیا اور پھر میں مارکیٹ میں گیا وہاں سے کچھ سبزیاں وغیرہ لیں اور گھر واپس چلا آیا۔ سبزیاں گھر پر چھوڑیں اور پھر میں اپنی دکان کے لیے روانہ ہو گیا۔

دکان میں مصروفیات

میں دکان پر جا رہا تھا تو مجھے راستے میں ٹریکٹر والا کھیتوں میں دکھائی دیا میں نے اسے کچھ بقایا جات دینے تھے میں وہاں رکا اور اسے رقم ادا کی اور پھر دکان کی طرف روانہ ہو گیا۔دکان پر پہنچ کر دکان کا دروازہ کھولا اور صفائی کی صفائی کرنے کے بعد میں کپڑوں کی سلائی شروع کر دی۔ 11بجے میں نے دکان بند کر دی اور گھر کی طرف روانہ ہو گیا تاکہ بروقت کھانا کھا سکوں اور جمعہ کی نماز کے لیے تیار ہو سکوں۔ گھر پہنچ کر کھانا کھایا اور پھر کچھ دیر کے لئے آرام کیا۔ ایک بجے سے پہلے میں اٹھا اور نہایا نہانے کے بعد میں مسجد میں جمعۃ المبارک ادا کرنے کے لئے چلا گیا۔ جمعہ کی نماز ادا کی اور پھر میں گھر واپس پہنچ گیا۔ میری بیوی نے میرے لیے چائے تیار کی اور پھر میں نے چاۓ نوش کی اور ساتھ ہی ساتھ اپنی آج کی ڈائری بھی تحریر کی۔ میں امید کرتا ہوں کہ آپ کو میری ڈائری ضرور پسند آئے گی اللّٰہ تعالٰی آپ سب کا حامی و ناصر ہو

Photographer	Aamirhayat
Camera	mobile phone camera
Mobile phone	Redmi 9t
ISO	auto
Location	Mianwali Punjab Pakistan
Flash	No flash

Special mention to
@steemit-pak| @event-horizon
@vvarishayy | @hassanabid
for their support and guidance.