Trinco බලා.. | Day 2 | 5% for SL-Charity
කොහොමද යාලුවනේ...❤❤
මම අද කියන්න යන්නෙ අපි Trinco ගියපු ගමනේ දෙවන දවස ගැනයි. පළවෙනි දවසේ අපි කොහෙවත් ඇවිදින්න ගියේ නැතත් අපි නැවතුන තැන පෙරදා රාත්රිය සින්දු කියමින් විනෝදයෙන් ගත කරා.
මෙතනින් බලන්න පුළුවන් අපි පලවෙනි දවස ගත කළ ආකාරය.
පෙර දවසේ අපි එළිවෙනකම් සින්දු කියපු නිසා උදේ නැගිටිද්දී නම් නවය විතර වුණා. අපි එදා දවස ප්ලෑන් කරන් හිටියේ නම් Pigeon Island ගිහින් Nilaweli Beach යන්න. කොහොමහරි අපි නවය හමාරට විතර Pigeon Island යන්න පිටත් වුණා.
හැමෝටම බඩගිනි නිසා අපි උදෑසන ආහාරය ගන්න කඩයක නතර වුණා. පස්සේ ඒ කඩේ මුදලාලි කිව්වා මේ දවස් වල Pigeon Island යන බෑ කියලා. ඒ කතාව ඇහුවම හැමෝම දුක්වුණා. මොකද අපි එතනට යන්න හිතාගෙන ම තමයි Trinco ගමන ආරම්භ කළේ. පස්සේ මුදලාලි හේතුව විදියට කිව්වේ අපි ඒ ගියපු දවස්වල මුහුදේ රැල්ල වැඩි නිසා බෝට්ටු යන එක නවත්තලා කියලා. පස්සේ කිව්වා ගිහින් බලන්න කියලා. අපිත් එතනට යන්නම හිතන් ආපු නිසා ආපසු හැරෙන්න නැතුව එතනට ගිහින් එන්න හිතාගෙනම අපේ ගමන ආරම්භ කළා. අපේ වාසනාව කොච්චරද කියනවා නම් අපි එතනට යද්දී බෝට්ටු යන්න පටන් අරගෙන. ඒ නිසා අපිටත් පුළුවන් වුණා Pigeon Island එකට යන්න. ඇත්තටම එතන හරිම ලස්සන place එකක්. diving කරන්නත් පුළුවන්. විවිධාකාරයේ ලස්සන මාළු ගොඩක් බලාගන්න පුළුවන්. මගේ ජීවිතයේ ප්රථම වතාවට මම ඒ වගේ දෙයක් දැක්කේ. හරියට නිකං මාළු ටැංකියක් ඇතුලේ පීනනවා වගේ.
පස්සේ ටික වෙලාවක් යද්දි අපිව guide කරපු කෙනා අපිට ඉක්මනට යන්න කතා කළා. මොකද හවස් වෙද්දි රැල්ල වැඩි වෙන නිසා ඉක්මනට යන්න වෙනවා කිව්වා. එහෙම කිව්වේ නැත්නම් එතන අපිට දවසෙම වුණත් ඉන්න පුළුවන්. ඒ තරමට ලස්සනයි. පස්සේ අපි ඉක්මනටම එතනින් පිටත් වුණා.
හැමෝම හොදට නාගෙන හිටපු නිසා කට්ටියටම හොඳටම බඩගිනියි. Trinco ඉන්න යාළුවෙක් අපිට එදා දවල් කෑමකට ගෙදරට එන්න කිව්වා. හොඳටම බඩ ගින්නේ හිටපු අපි එහෙන් හොඳට කෑවා.🙊
පස්සෙ අපි ඒ යාලුවත් එක්ක නිලාවෙලි බීච් ගියා.
එතන නම් සෙනග පිරුණු තැනක්. ඒ නිසා අපි නම් එච්චර කැමැති වුණේ නෑ එතනට යන්න. ඒත් අපේ යාළුවා එතන කවුරුවත් යන්නේ නැති තැනකට අපි එක්කන් ගියා. එතන හරිම නිදහස් වගේම හරිම ලස්සනයි. මේ තියෙන්නෙ ඒ ප්ලේස් එක.
ඔයාලත් Nilaweli Beach එකට ගියපු වෙලාවක එතනට යන්න.බීච් එකේ දකුණු පැත්තෙ කෙලවරේ තියෙන්නෙ. පුංචි ගල් තලාවක් එක්ක ලස්සනට හැදුනු තැනක්. අපි එතන සින්දු කියලා එතනින් අපේ ගමන අවසන් කළා. ඊට පස්සේ අපිට යන්න තිබ්බේ අපේ බෝඩිං වලට.
මේ විදියට තමයි trinco ගමන අවසන් උනේ...
ස්තුතියි..❤❤
දැන් නම් හැබැයි ට්රිප් යනවා කියන එකත් හිතන්න බැරි වැඩක්..කරන්නත් ටිකක් අමාරු වැඩක් 🤕
ඒකනම් ඇත්ත මේ ජීවිතේ නම් දැන් පිස්සු හැදෙනවා.😕
kohe hari yanna ona kiya kiya iddi dakke 🙊 hari lassanai wage ohe. gihin na mn
ගිහිල්ලම බලන්න ඇත්තටම ලස්සන තැනක❤්. ඒ කිව්වට ඉතින් යන්න තෙල් නෑනේ🙊😕
ලස්සණට ලියලා.
Thank You.