වෙසක් නිවාඩුව | 5% for SL-Charity
වෙසක් පෝයත් කෙමෙන් කෙමෙන් ගෙවිලා ගියා.
අවුරුදු ගණනකට පස්සේ වෙසක් පෝය අපිට මෙහෙම හරි සමරන්න ලැබුණු එක ඇත්තටම ලොකු සතුටක්. ගෙවූ අවුරුදු 3 තුන වෙසක් පොහොය අපි ගත කළේ ඇඳිරි නීති එක්ක. ඒ විවිධ හේතූන් නිසා. 2019 කිතුනු දේවස්ථාන වලට එල්ල වුණු වු බෝම්බ ප්රහාරය නිසා, 2020 සහ 2021 කොරෝනා වෛරසය නිසා අපිට වෙසක් පෝය සමරන්න වුණේ නෑ. මේ අවුරුද්දත් රටේ පවතින ආර්ථික අර්බුදයත් එක්ක මිනිස්සු පුළුවන් පුළුවන් විදියට වෙසක් පොහොය සැමරුවා.
ගොඩක් අය ගෙවල්වල කරන්නේ වෙසක් පෝයට ඉස්සෙල්ලා කොහොමහරි වෙසක් කූඩු ටිකක් හදාගන්න එක. අපිත් මේ පාර වෙනදා වගේම වෙසක් කූඩු හැදුවා. මුලින්ම වෙසක් කූඩු හදන්න කෝටු ටික කපාගෙන ඒ ටික ගැට ගහල පට්ටම හදාගත්ත. පට්ටම හදාගෙන අලවන්න වෙසක් කොල ගේන්න කඩේට ගියාම තමයි අනිත් පැත්ත හැරිලා ගෙදර එන්න උනේ. මොකද වෙසක් කොළ වැඩිපුරත් එක්ක ගේන්න ගෙනියපු සල්ලි වලින් අවශ්ය කරන වෙසක් කොල ටික වත් ගන්න බැරි වුණා. වෙනදට වඩා වෙසක් කොලයක මිල හතර පස් ගුණයකින් වැඩිවෙලා. කොහොමහරි අන්තිමට කොල ටික ගෙනල්ලා කූඩු ටික නම් අලව ගත්ත. වෙසක් එකට ඉස්සෙල්ලා දවසම ඒ ටික එල්ලලා ඉවර කලා.
පස්සේ අපිට කරන්න විශේෂ වැඩක් තිබ්බා. එය තමයි යාළුවො ටිකත් එක්ක එකතු වෙලා පෝය දවසෙ උදේ පාරේ ඉන්න සත්තුන්ට කන්න දෙන්න යන එක. ඒකට නම් කියන්නේ බලු කපුටු දානයක් කියලා. ඔයාලා ඒක දන්නව නේ. පහුවදා රෑ ම අපි ඒකට අවශ්ය කරන බඩු ටිකක් සූදානම් කරගත්තා. පෝය දා උදේම නැගිටලා සත්තුන්ට කන්න දෙන ආහාර පිළියෙල කර ගත්තා. පස්සෙ අපි ඒ ටික ට්රැක්ටර් එකක ගිහින් ගම වටේම ඉන්න සත්තුන්ට කන්න බෙදුවා. ඒ වගේ දෙයක් කරාම සිතට ලොකු සතුටක් තියෙන්නේ. අපි මේ විදියට පෝය දවස ආරම්භ කළේ හරිම සතුටින්.
මෙහෙම ඉඳලා අපි රෑ වුණාම පන්සල් යන්න තීරණය කළා. අපිට තිබ්බ ලොකුම ගැටලුව තමයි යන්න බයික් වලට පෙට්රල් නැති ප්රශ්නේ. අන්තිමට අපි කතා වෙලා පයින් යන්න තීරණය කළා. අපි ගමේ තිබ්බ කූඩුත් බලාගෙන ඒ ගමනත් ගිහින් ආවා.
මෙහෙම තමයි අපි මේ පාර වෙසක් නිවාඩුව ගත කලේ.
ස්තුතියි..!!
බලු කපුටු දානය ගොඩක් හොඳ වැඩක්. මොකද සත්තුන්ට බඩගිනි උණාම කන්න ඕන කියල ඉල්ලන්න බෑ. ඒ නිසා ඒ ක්රියාව උතුම් වගේම ගොඩාක් පින් ලැබෙන වැඩක්. දන්සැල් දුන්නම ගොඩාක් කන්නේ කෑම බිම තියන මිනිස්සුමයි. මේ වැඩේ නම් මම ගොඩාක් අගය කරණවා. ඔබ සැමට තිසරණ සරණයි.
මාත් හිතන්නේ නිකන් දානයත් දෙනවට වඩා කන්න බොන්න නැතුව ඉන්න අසරණ සතෙකුට හෝ මිනිසුන්ට කන්න දෙන එක ලොකු පිනක් කියලා.
mata mehema samaranna une na me para wisheshen. eth dekkama sathutui me dewal
ගොඩක් අය අමාරුවෙන් තමයි වෙසක් උත්සවය සැමරුවේ.
Rs. 3 ta thibba kola me sare Rs.20 i neda. 😁😁😁😁
ඒක තමයි මටත් හිතාගන්න බැරි වුණා.😕😁
Can't think of any other way to start a poya day... Job well done!
Yes It is correct.🥰