සිතුවිලි

අද ටිකක් විවේකී දවසක් වුනා හවස 6 න් පස්සේ .මොනවා හරි දෙයක් ඔබත් එක්ක බෙදා ගන්න හිතුනා.ලියන්න හිතෙන හැම වෙලාවෙම මගේ හිත කියන්නෙ මොකක් හරි නිර්මාණයක්ම ලියන්න කියලා.සමහර වෙලාවට හිතෙනවා ඒක ඔබට එපා වෙනවද දන්නෙත් නෑ කියලා .මම ලියපු ගොඩාක් දේවල් වලට පාදක වුනේ මම අහල තියෙන,දැකල තියෙන,එහෙමත් නැත්නම් කාගේ හරි ජීවිත අත්දැකීමක්.ඒ දේවල් මට හිතෙන විදියට ප්‍රති නිර්මාණය කරන එක තමයි මම වැඩිපුරම කරන්න කැමති .ඒවා අති උසස් ගණයේ නිර්මාණ නොවෙනවා වෙන්න පුළුවන් .ඒත් පුංචි හරි වින්දනයක් ඔබට ලැබෙනවා ඇති කියලා හිතලා මම ලියනවා.
මම සංචාරය කරන්න යන්න වැඩිපුරම කැමති පැත්තක් තමයි "අනුරාධපුර - පොලොන්නරුව " පැත්ත.ඒ පැත්තේ ගියාම අවට තියෙන හැම දෙයක්ම බලන්න යන එක හරි කැමැත්තෙන් කරන දෙයක්.එහෙම ගිය වතාවක "ඉසුරුමුණි පෙම් යුවල " ළඟ ඉඳගෙන ගත්ත photo එකක් අහම්බෙන් හම්බවුනා පරණ චායාරූප එකතුවක තිබිලා .ඒක දිහා බලාගෙන ඉන්නකොට අද කාලෙ සිද්ද වෙන දේවල් ගැනත් හිතනකොට මට හිතුන දෙයක් තමයි ඔබ දැන් කියවන්න යන්නෙ .
මේක ඔබට විඳින්න පුළුවන් වෙයි කියලා විශ්වාස කරනවා ..එහෙම දැනුනානම් මට කියන්න ..මට හිතුන දේ වැරදිනම් ඒකත් කියන්න ....

හිත්වලින් ආදරේ දැනෙනකොට හිතෙන්නෙම
ලංවෙලා ඉන්නමයි සුව ගෙනෙන
එක හිතක ....

අත් දෙකෙන් අල්ලලා හිස මත්තෙ දිවුරනා
පෙම් කථා නැවතිලා
ආදරෙන් තව හිතක ....

මහමෙරක් ආදරේ දෙනකොටත් සමහරුන්
නවතින්න හදන්නෙම
රහක් නැති හිස් තැනක ....

ගල්වලින් හැදුවෙ නැති වුනානම් ඉසුරුමුණි
පෙම් යුවල වුනත් අද
ඉන්නෙ වෙන තැන් දෙකක ....