කේක්....වෙනස් විදියට ....

කේක්....ඔබ ඇතිවෙන්න කාලා ඇති .නිවසේ නිර්මාණය වෙන ඕනෑම උත්සව,වගේම විශේෂ අවස්තාවන් වලදී කේක් අනිවාර්ය අංගයක් බවට පත්වෙලා.කෙනෙක් ගෙදරට එනකොටත් කේක් එකක් අරගෙන එන එක සාමාන්‍ය දෙයක් බවට පත්වෙලා.කෙනෙක්ගේ උපන් දිනයක් සමරන කොට කේක් එකක් කපන එක දැන් චාරිත්‍රයක් වෙලා.මේ වගේ වෙලාවක සමහරුන් කඩෙන් කේක් එකක් අරගෙන ඇවිත් උපන් දිනය සමරනවා .තව සමහරුන් තමන්ගේ හැකියාව භාවිතා කරගෙන ගෙදරදීම රහට හැඩට හිතේ හැටියට කේක් නිර්මාණය කරගන්න පුරුදු වෙලා ඉන්නවා.

අපි සාමාන්‍යයෙන් උපන් දින කේක් එකකදී දකින පොදු පින්තුර ටිකක් තියෙනවා . වැඩි දෙනෙක් ඒවායින් එකක් තමයි තමන්ගේ කේක් නිර්මාණයත් එක්ක එලි දක්වන්නේ .එහෙම නැත්නම් හදන කෙනා කැමති එකක් හදලා දුන්නම ඒක අරගෙන ඇවිත් තමන්ගේ අවශ්‍යතාවයට යොදා ගැනීමක් තමයි වැඩිපුරම සිද්ද වෙන්නේ.සමහර අය ඉන්නවා ටිකක් වෙනස් විදියේ නිර්මාණයකට කැමති,ඒත් කේක් හදන අය ඒ වගේ වෙනස් දේවල් වලට යන්න ටිකක් අකමැතියි.ඒකට හේතුව ඒක ටිකක් අමාරු නිසා,වැඩිපුර වෙලාවක් යන නිසා ,එහෙමත් නැත්නම් ඒ තරම් මහන්සි වෙලා ලොකු මුදලක් අයකරන්න බැරි නිසා .

මේ වගේ විවිධ හේතු නිසා අලුත් විදියට හිතන එකට වැට කඩුලු දා ගත්ත අය අතරේ අලුත් දෙයක් කරලා අත්දැකීම් වගේම තමන් කරපු වැඩේ ගැන තෘප්තිමත් වෙන කෙනෙක් මට මුණගැහුණා ගෙදරදීම.ඒ මගේ බිරිඳ ,ඇය සාමාන්‍යයෙන් කෙනෙක් නොහිතන විදියේ නිර්මාණවලට අත ගහනවා.ඇනවුම ලබාදෙන කෙනාගේ අවශ්‍යතාවයට අනුව සැපයුම ලබා දෙන්නට උත්සාහ කරනවා හැම වෙලාවකම වගේ .ඒ නිසාම තමයි සාමාන්‍යයෙන් පිරිමි කෙනෙක් කථා නොකරන මාතෘකාවක් ගැන මට ඔබත් එක්ක කථා කරන්න හිතුනේ .ඉතින් අර මම කියපු වෙනස් විදියේ නිර්මාණවලින් කීපයක් ඔබට බලන්න දෙන්න හිතුනා.

අපි ඒ ටික බලලා කේක් කථාවේ ඊ ළඟ කොටසට යමු ආයෙමත් දවසක ....තවත් දේවල් බලන්න ඕනෙ කියලා ඔබට හිතුනොත් විතරක්....