අම්බලන්ගොඩට ගමනක් - දෙවන කොටස - 5% to Sl Charity

ඔන්න ඉතින් මගේ කතාවේ දෙවැනි කොටස අරන් තමයි මං අද ආවේ. ඔයාලට කියවන්න බැරි උනානම් මේ තියෙන්නේ පලවෙනි කොටස. ඔන්න ඉතින් හයිවේ එකෙන් එළියට ඇවිල්ලා වීදුරුවට දුම්කොළ සත්කාරෙකුත් කරගෙන ටික දුරක් යද්දී වැස්ස නතර උනා. කොහොමහරි යාළුවා එවලා තිබුණු ලොකේෂන් එකට 8.00 විතර වෙද්දි යන්න අපිට පුලුවන් උනා. අපි යද්දි අනිත් යාලුවෝ ඔක්කොම වගේ ඇවිල්ලා හිටියත් අපේ කතා නායකයා සහ එයාගේ වයිෆ් ඇවිල්ලා හිටියේ නෑ. එයා වයිෆ්ට කියලා තිබුනේ එයත් එක්ක රෑ කෑමකට එළියට යමු කියලා විතරයි. ඉතින් යාළුවොත් එක්ක මේ වගේ ලොකු සැමරීමක් තියෙනවා කියලා එයාගේ වයිෆ් දැනගෙන හිටියේ නෑ.

පාර්ටි එක තිබුනේ අම්බලන්ගොඩ මුහුද අයිනේ හෝටලයක. අපිට වෙන් කරලා තිබුනේ මුහුදු වෙරළේ මේස කිහිපයක් හා ලොකු ගිනිමැලයක්. ඔන්න ඉතින් ටික වෙලාවකින් යාළුවා එයාගේ වයිෆ්වයි පොඩි දරුවවයි එක්කරගෙන රෑ කෑමට( එයාගේ වයිෆ් දන්න විදියට) ආවා. ඉතින් එයාගේ වයිෆ් නොහිතපු විදියට එයාගේ යාලුවෝ ඔක්කොම වගේ එතන ඉන්නවා දැක්කම එයාට ඒක අදහාගන්න බැරි උනා. යාළුවා හිතපු විදියටම එයාට වයිෆ්ව surprise කරන්න පුලුවන් උනා. 8.30 වගේ වෙද්දි party එක පටන්ගත්තා. කට්ටියම කනවා, බොනවා ,සින්දු කියනවා. පැත්තකින් ලස්සනට ගිනිමැලය පත්තු වෙනවා.

මුහුදක් අයිනේ ඒ වගේ අත්දැකීමක් කියන්නේ හිතටත් පුදුම සහනයක් දැනුනේ. ඒ අතරේ අපේ යාලුවෙක් හිටියා ලස්සනට සින්දු කියන්න පුලුවන්. එයාගේ සින්දුවලින් party එක තවත් රසවත් උනා. රෑ 12.00 ට ලංවෙද්දි මං දැක්කා හෝටලේ වැඩකරන අය මුහුදු වෙරල පැත්තේ මොනවදෝ හදනවා වගේ. ඒත් ගිනිමැලේ එළියට එයාලා කරන දේ පැහැදිලිව පෙනුනේ නෑ. 11.50 වගේ වෙද්දී අපේ යාළුවා අපි හැමෝටම වෙරළේ එක පැත්තකට එන්න කියලා කතා කලා. දැන් පෙබරවාරි 14 වෙනිදා ලබන්න ඔන්න මෙන්න වගේ තියෙන්නේ. ඒ කියන්නේ එයාගේ විවාහ සංවත්සරය, වයිෆ්ගේ උපන්දිනය සහ ආදරවන්තයන්ගේ දිනය එළඹෙන්නයි යන්නේ. හරියටම 12.00 වෙද්දී ලස්සනම ලස්සන මල්වෙඩි සංදර්ශනයක් ලෑස්තිකරලා.

ඒක අපි කවුරුවත් දැනගෙන හිටිය දෙයක් නෙවෙයි. අපේ යාළුවා ඒ වෙලාවේ අපි හැමෝවම surprise කරා. ඒ හැමදේටම පස්සේ එයාලා ලස්සන කේක් එකක් කැපුවා. ඒකෙනුත් කෑල්ලක් කාලා ඉවර උනාට පස්සේ මෙන්න යාළුවා එනවා තවත් මොනවදෝ බඩු වගයක් උස්සගෙන. එයා අපේ ලඟට ඇවිත් Wishing Lanterns එහෙමත් නැත්නම් Sky Lanterns වලින් එක ගානේ අපි හැමෝටම බෙදලා දීලා ප්‍රාර්ථනාවක් කරනගමන් ඒවා දල්වන්න කියලා ආරාධනා කරා. ඇත්තටම ඒක අලුත්ම අත්දැකීමක් උනා. මාත් ඉතින් වයිෆ් එක්ක ඒකක් පත්තු කරලා අහසට මුදාහැරියා .

මුහුදේ හුළඟත් එක්ක හැමෝගෙම ප්‍රාර්ථනාවන් එක පෙලට ඉහලට ඇදිලා යද්දී හරිම ලස්සනට තිබුනා. ඒ වැඩටික ඉවර වෙලා ආයෙත් සින්දුවක් කියලා නටලා බලද්දි වෙලාව පාන්දර 4.00 යි. උදේම වැඩට එන්නත් ඕනි හින්දා අපි අරන්ගිය තෑගි එයාලට දීලා ආපහු එන්න පිටත් උනේ පුදුමාකාර හිතේ සතුටකින්.