ගඟෙන් එහාට - 5% to Sl Charity

ඉතින් කොහොමද අපේ යාලුවෝ ටිකට... මාසයක් විතර කාලයක් නිහඬව ඉඳලා ඔන්න අද තමයි මේ පැත්තට ආවේ. මං නැතිටිකේ අපේ ලමයිටික දඟ වැඩ එහෙම කරේ නෑනේ නේද😎😎. පහුගිය ටිකේම වැඩත් එක්ක ගොඩක්ම කාර්යබහුල වෙලා හිටියේ. ඉතින් නිදහසේ දෙයක් ලියන්න තරම් විදියක් තිබුනේ නෑ🥺🥺. මේ මාසේ ඇතුලත Steemit එකේ ගොඩක් දේවල් වෙනස්වෙලා තියෙනවා මං දැක්කා. ඉතින් ඒ වෙනස්කම් වලට ගැලපෙන විදියට ලිපියක් ලියන එක ගැන අවබෝධයක් ගන්න චැට් එකේ @randulakoralage දීලා තිබුණු උපදෙස් වගේම @saman88 සහ @imanthadd දෙන්නගෙන් ලැබුණු උපදෙසුත් ප්‍රයෝජනවත් උනා 🙏🙏. ඉතින් club5050 එකට ගැලපෙන විදියට ලිපියක් ලියන්න මේ සැරේනම් පුළුවන්කමක් නෑ. තව දවස් හතරකින් විතර වගේ තමයි ඒකට මං සුදුස්සෙක් වෙන්නේ.

ප්‍රාදේශීය ලේකම් කාර්යාලය ළඟ

කතාවට කියනවා අහලා තියෙනවා නේද "බෙන්තර ගඟෙන් එහා" කියලා. ඔන්න ඉතින් මටත් ගිය සතියේ යන්න උනා බෙන්තර ගඟෙන් එහාට. ඒ කියන්නේ දකුණු රටට. මේ සතියේ ඉරිදා මට අම්බලන්ගොඩට යන්න උවමනාවක් තිබුනා පොඩි වැඩ වගයකට. ඉතින් කාර් එකේ තමයි ගමන යන්න යොදාගෙන හිටියේ. ඒත් ඊට සතියකට විතර කලින් කාර් එකේ අදායම් බලපත්‍රය ඉවරවෙලා තිබුනේ. අලුතෙන් ගත්ත වාහනය හින්දා තවම තියෙන්නේ පරණ අයිතිකාරයාගේ නමට. එයා හක්මණ කෙනෙක්. ඒ කියන්නේ "බෙන්තර ගඟෙන් එහා". අදායම්ඉ බලපත්ති‍රය හදාගන්න්නනම් දකුණු රටට යන්නම වෙනවා. දවස් කිහිපයක්ම ඒ පැත්තට යන කෙනෙක් අතේ ලියකියවිලි යවලා වැඩේ කරවගන්න හැදුවත් වැඩේ සාර්ථක උනේ නැහැ. තමන් හිසට තම අතමය සෙවනැල්ල කියලා කතාවකුත් තියෙනවනේ. ඒක සනාථ කරන්නත් එක්ක ගිය සතියේ සිකුරාදා ඔෆිස් එකෙන් වරුවක නිවාඩුවක් දාලා මං තනියම ගමන යන්න තීරණය කරා.

මගේ ගමන් මාර්ගය

මං සැලසුම් කරලා තිබුනේ දවල් 2.00 ට විතර කොළඹින් පිටත්වෙන්න. මැප් එකේ පෙන්නන විදියට කොළඹ ඉඳලා යන කෙනෙකුට මේ වැඩේ කරගන්න ලඟම තැන තමයි බෙන්තොට ප්‍රාදේශීය ලේකම් කාර්යාලය. එතනට යන්න මට පැය එකකුත් විනාඩි හතළිහක් වගේ පෙන්නනවා. ඉතින් හතරට කලින් ගියාම ඇති කියලයි මං හිතන් හිටියේ. ඒත් අදායම් බලපත්‍ර දෙන එක හවස 3.00 වෙද්දී නවත්තනවා කියලා උදේම යාලුවෙක් මට කිව හන්දා නිකන් අවධානමක් ගන්න ඕනි නෑනේ කියලා මං දවල් 12.50 වෙද්දී කොළඹින් පිටත් උනා. බයික් එකෙන් තමයි ගමන පිටත් උනේ. ඇත්තටම ගාලු පාරේ බයික් එකක් පැදගෙන යන එක මං හිතුවට වඩා ටිකක් අමාරු උනා. ඒත් එක්කම 3.00 ට කලින් යන්න බැරිවෙයිද කියන බයත් හිතට දැනුනම ටිකක් වේගෙන් යනවා ඇරෙන්න මට වෙන විකල්පයක් තිබුනේ නෑ. මට වැඩිය හුරු පාරකුත් නෙවෙයි හන්දා මඟදී තැන් දෙක තුනකම නවත්තලා මගේ ගමනාන්තයට යන වෙලාව ගැන අවබෝධයක් අරන් තමයි දිගටම ගියේ. ඔන්න ඉතින් දෙයියනේ කියලා බෙන්තර ගඟේ පාලම පැනගත්තම තමයි හිතට පොඩි සහනයක් දැනුනේ. එතන ඉඳලා විනාඩි පහක දුරක් තමයි යන්න තිබුනේ. 2.40 වගේ වෙද්දී මං බෙන්තොට ප්‍රාදේශීය ලේකම් කාර්යාලය ළඟ. වැඩි සෙනගක් හිටියේ නැති හින්දා විනාඩි දහයක් වගේ යද්දී මගේ වැඩේ කරගෙන එළියට බහින්න පුලුවන් උනා.

ආපහු එද්දී ලොකු හදිස්සියක් තිබුනේ නැති හින්දා වට පිටාවේ සුන්දරත්වයත් විදගෙනම එන්නම් කියලා හිතුවත් වැස්සකින් ඒ සිතුවිල්ලට බාධා උනා. එද්දී බේරුවලින් අලුත් මාළු ටිකකුයි ඉස්සෝ ටිකකුයි ගන්නත් අමතක කරේ නෑ. ඇත්තටම ඒ මාළු මෙහෙන් අපි ගන්නවට වඩා ලාබයි වගේම නැවුම්වත් තිබුනා. ඉතින් එද්දී වැස්සේ තෙමුනට වැඩටික ඔක්කොම කරගත්ත එක ගැන හිතට තිබුනේ සතුටක්. හවස 5.00 ට කලින් ගෙදරට එන්න පුලුවන් උනනිසා පවුලේ අයත් එක්ක වෙනදට වඩා කාලයක් ගතකරන්නත් පුලුවන් උනා. ඒ වගේම ඉරිදා අම්බලන්ගොඩ ගමන යන්නත් පුලුවන් උනා. ඒ ගැන විස්තරේ මං ඉස්සරහට කියන්නම්කො. එතකන් ඒ ගමනෙදි ගත්ත මේ ෆොටෝ එක බලන්නකෝ...

අම්බලන්ගොඩ ගමනේදී