එන්න අපි Random photos ගැන කතා කරමු.

ලියන්න තරම් සුන්දර දෙයක් අද වුනේ නැති නිසා Gallery එකේ පහලට ගිහින් බැලුව මොනව හරි miss වුණ කතාවක් තියනවද කියල. එතකොට තමයි දැක්කෙ මම මොනවට හරි ගන්න හිතාගෙන තියාගත්ත ලස්සන photos ටිකක්. මම photos වලට ලස්සනට pose කරන, photos වලට ලස්සන කෙනෙක් නෙවෙයි. එත් ඉඳල හිටල අහම්බෙන් වැදිච්ච හොඳ photos ටිකක් මේ ලඟදි හම්බු වුණා. ඉතින් මම හිතුව ඒ Randoms ගැන ලියන්න.

ඉතින් Randoms කියල සාමාන්යෙන් අපි කියන්නෙ අහම්බෙන් කැමරාවට අහුවෙන photos. ගොඩක් වෙලාවට අපි නම් කරන්නෙ Random කියල පෙන්න රඟපාල photo එක ගන්න එක. ඇත්තටම එක Random නෑ කියල බලන කෙනෙක්ට දැනෙනව .

මම photography ගැන දන්න කෙනෙක් නෙවෙයි. එත් ගොඩක් events වල මම දැකල තියන දෙයක් තමයි Randoms ගන්න photographers ල ගොඩක් මහන්සි වෙනවා. ඇත්තටම එකේ ප්‍රතිපලයත් ගොඩක් ලස්සනයි. අපේ @anupama නම් මේ ගැන හොඳට දන්නවා ඇති.

ඇත්තටම හිතල ගන්න photo එකකට වඩා මෙහෙම අහම්බෙන් වැදෙන photo එකක් දැක්කම ලැබෙන සතුට වුනත් වැඩි. වෙලාවකට හිතෙනව ඇත්තට pose කරල ගන්න එකකට වඩා random වදින photos හොඳයි කියලත්.

පහුගිය මාසෙ එහෙ මෙහේ ඇවිද්ද නිසා හිතට හොඳයි කියල හිතෙන randoms කිහිපයක්ම වැදිලා තිබුණ. ඒ අතරිනුත් මම ගොඩක්ම ආස වුණේ convocation එක දවසෙ මාමා ගත්ත photos ටිකට. එයා හොඳ අවධායනයෙන් එදා කැමරාව මානාගෙන හිටිය.

ඔයාටත් ඇති තමන්ව ලස්සනට පේන Randoms. එන්න අපි Random photos ගැන කතා කරමු.