Nothing | 5% to SL-Charity

සමහර දවස් තියනවා හිතේ මුකුත්ම නැති දවස්. බඩගින්නක්, නිදිමතක් වැදගත් අදහසක් වගේ මේ කිසි දෙයක් හිතට එන්නේ නැති දවස්. අන්න ඒ වගේ දවස් කීපයක්ම ගත වුණ නිසා තවත් දවසක් නාස්ති වෙන්න නොදී හිතට පොඩි විවේකයක් දෙන්න මම හිතුව.

පුරුද්දට වගේ ලියන්න ගත්තත් පැය බාගෙකට වඩා type කරලත් හිතේ තාමත් කිසිම අදහසක් නෑ වගෙයි මට දැනුණේ.

ඒ අතරේ තමයි හික්කඩුවට කිට්ටුව ආරච්චිකන්ද ඉස්පිරිතාලේ ICU එකට අලුතින් ඔක්සිජන් නල පද්ධතියක් හදන්න සල්ලි එකතු කරන බවක් ආරංචි වුණේ. අපට උදව් කරන්න පුළුවන් තත්වයක් තියන නිසා අපි call කරල තත්වේ බැලුව. මුලු වැඩේටම මිලියන 2ක්. දැනට ලක්ෂ 9 ක් වගේ තමයි පොරොන්දු වෙලා තිබුණේ. ඒ නිසා @sl-charity fund එකෙන් සැලකිය යුතු ගානක් ඒකට දෙන්න හැමෝම කතා වුණා. quotation එක ලැබූන ගමන් වැඩි විස්තර දෙන්න පුළුවන් වෙයි.

ඒ ආරංචිය එක්ක තිබුන කම්මැලි කම ටිකක් අඩු වෙලා ගියා. මල්ලි ගත්ත data package එකේ පිහිටෙන් ලයිට් උපාලි අලුත් video එක බැලුව. එක නම් බලන්නම ඕන. ඒ හැම දේම අතරේ ටික ටික article එක ලියල අන්තිමට පැය ගානකට කරපු දෙයක් නෑත් වගේ. ඒත් ගෙවුන හැම දවසටම වඩා හෙට දවස හොදින් ගත කරන්න මේ විවේකය පොඩි හරි වෙනසක් කරාවි.