My First Go Live Experience

ඊයෙ දවස ටිකක් වැදගත් දවසක්. මගේ පලවෙනි Go-Live එක. Go-Live කියල කියන්නෙ කාලයක් තිස්සෙ අපි Develop කර System එක ඇත්තම Users ල ඇත්තම data යොදාගෙන , ඇත්තම scenarios වල පාවිච්චි කරන දවස. මේක හරියට නැවක් මුහුදට දාන දවසක්, විභාගයක් ලියන දවසක්, රොකට් එකක් හඳට යන දවසක් වගේ වැදගත් මොහොතක්. අවුරුද්දකට අසන්න කාලයක් වැය කර මුදල්, ශ්‍රමය සහ කාලය එක්ක ගත්තම මේ මොහොත ගොඩක් expensive මොහොතක්.

source

ඉතින් මේ system එක අපි හදල දුන්නේ ප්‍රසිද්ධ මධ්‍යම පරිමාණයේ බැංකුවකට. මම එකතු වුණේ මේකෙ code development ඔක්කොම ඉවර වෙලා තිබුණ මොහොතක. මට ගොඩක්ම තිබුණෙ environment වැඩ බලාගන්න. මුල් කාලයේ නම් පොඩි පොඩි ප්‍රශ්න තිබුණත් පහු වෙද්දී මම වැඩියෙන්ම බැඳුනු project වුනේ මේ project එක. පලවෙනි හේතුව මම environments ගැන ගොඩක් දේවල් ඉගෙන ගත්තේ මේ project එකෙන්. මේකේ පොඩිම දේ ඉඳන් ඔක්කොම අ යන්නෙ ඉඳන් ඉගෙන ගන්න මට ලැබුණ. අනෙක් අතට ලොකු පිරිසක් අඳුන ගන්නත් මේ නිසා අවස්ථාව ලැබුණ. ඉතින් මම ආසම වගේම පණ වගේ හදාගත්ත project එකේ Go-Live දවස අන්තිමට ආව.

source

කලින් දවසෙ හවස සැලසුම තිබුනෙ උදේ 7.30 ට වැඩ කටයුතු පටන් ගන්න. මට නියමිත වුණේ උදේ 7.00 ට server එකට login වෙලා පොඩි පරීක්ෂාවක් කරන්න. ඉතින් උදේ 4.45 ට නැගිටින්න කියල හිතාගෙන මම නිදාගත්ත. උදේ නැගිටිද්දියි දැක්කෙ උදේ 5.30 ට වැඩ පටන් ගන්නව කියල bank එකෙන් email එකක් ඇවිත්. වෙලාව 4.45 යි. ඉතින් ඉක්මනට කට හෝදල කිරි එකක් එහෙමත් හදාගෙන 5 වෙද්දි Teams session එකට join වුණා. checkup එක කරල ටික වෙලාවකින් team එකේ අනිත් අයත් join වුණා. Business Analyst කෙනෙක් Devops Engineers ල දෙන්නෙක් සහ Software Engineer කෙනෙක් එක්ක අපේ COO වැඩේට ඇවිත් තිබුණ. උදේ 5.30 ට Bank එකෙන් System එක Initiate කරන්න හැදුවත් එක සැරේටම නොහිතපු ප්‍රශ්නයක් එනවා දැක්ක. ඇත්තටම අපි බය වුණා. මාස 8ක් වගේ test කරද්දී හොඳට වැඩ කරපු System එකට මොකද වුණේ කියල. ටිකක් බලද්දී තමයි දැක්කේ එක user parameter එකක් වැරදියට set වෙලා තිබුන නිසා operation එක auto freez වෙලා. ඉතින් එක හොයාගෙන ප්‍රශ්න විසඳලා ඉවර වෙලා System එකට පණ එද්දි උදේ 9 වගේ. ඒ තරම් ලොකු ප්‍රමාදෙකුත් නැහැ වැඩ පටන් ගන්න.

source

branches වල කට්ටිය වැඩ පටන් ගත්ත. අපි දිගටම Teams session එකේ ඉඳල logs බලාගෙන හිටිය. විටින් විට ප්‍රශ්න කිහිපයක් වාර්තා වුනත් ඒවා ඉක්මනට sort out team එකට පුළුවන් වුණා. ඔක්කොම වැඩ ඉවර වෙලා day end process එකට යනකන්ම මම ඉවසීමෙන් Teams session එකට login වෙලාම හිටිය.

පලවෙනි දවස එහෙම ගෙවිල ගියා. දෙවෙනි දවසෙත් ඒ විදියටම සුදානමින් ඉන්න අපි වගබලා ගත්ත. උදේ 5ට තත්වෙ පරික්ෂා කරල කලින් දවසට වඩා smooth විදියට ගැටළුවක් නැතුව අද හැම දේම සිද්ධ වුණා. ඉතින් මම ගොඩක්ම ආදරේ කරපු project එක සාර්ථකව මේ විදියට Live ගියා.

10% to SL-Charity