THE HIRE - BMW Short Film Series | 10% for SL Charity

මේ ගැන මට දැනගන්න ලැබුනෙ John Woo ගෙ තව බලන්න වටින ෆිල්ම් මොනවද කියලා හොයල බලනකොට. Clive Owen ඉන්න පෝස්ටරයක් දැක්කම පුදුම හිතුනා මේක අහලා නැතිවෙන්න බෑනෙ කියලා. බලනකොට Hostage කියලා ෂෝට් ෆිල්ම් එකක්. කැමතිම ඩිරෙක්ටර් කෙනෙක්ගෙ කැමතිම නළුවෙක් රඟපාන ෆිල්ම් එක බලන්න හදනකොට තමයි දැක්කෙ ඒක සම්පූර්ණ සීරීස් එකකින් එක ෆිල්ම් එකක් විතරයි කියල.

_Source

මේ The Hire කියන්නේ එතකොට කිව්වත් වගේ Short Film Series එකක්. මේකේ තියෙන විශේෂත්වය තමයි මේ චිත්‍රපට නිෂ්පාදනය කරලා තියෙන්නේ BMW කියල අපි හැමෝම අහල තියෙන්න ජනප්‍රිය මෝටර් රථ සමාගම. ඉතින් මෙයාලා බේසිකලි කරන්නේ එයාලගේ කාර් මාකට් කරගන්න ෂෝට් ෆිල්ම් කීපයක් යොදාගන්න එක.අපිට ඉතින් සාමාන්‍යයෙන් හම්බවෙන්නේ feature length ෆිල්ම්ස් හදන්න කලින් short films හදන්න ට්‍රයි කරන ෆිල්ම් හදන්න කැමති අය, කොටින්ම සාමාන්‍යයෙන් low budget එකකින් හැදෙන ෂෝට් ෆිල්ම්ස් නේ. නමුත් මේවා හැදෙන්නේ සෑහෙන ලොකු බජට් එකක් මත, BMW නෙ ඉතින්.

වැදගත් දෙයක් තමයි, මෙයාල මේ ෆිල්ම් සෙට් එක හදන්න හයර් කරනවා ලෝක සිනමාවේ ඉහලම මට්ටමේ අධ්‍යක්ෂකවරුන්ව. යම් කතාවස්තුවක් ගොතලා, ඒක ඇතුලට BMW කාර්වල performances හයිලයිට් කරවන එක තමයි අදහස මේකේ, හැබැයි ෆිල්ම් එකේ කොලිටි එකත් වැදගත් වෙන නිසා තමයි හොඳම අයව මේ වැඩේට යොදාගන්නේ. David Fincher, Ridley Scott, Tony Scott වගේ අය Producer කණ්ඩායමේ හිටිය විතරක් නෙමෙයි, Wong-Kar-Wai, Alejandro Gonzalez Inarritu වගේ විශිෂ්ටයෝ දායක වෙච්ච මේ ෂෝට් ෆිල්ම්වල, අපිවගේ එයාලගේ නිර්මාණ රසවින්ද රසිකයන්ට ඒ නිර්මාණකරුවන්ට අවේනික වෙච්ච එයාලගේ visual styles, trademarks එහෙමත් අඳුනගන්න පුළුවන්. ඒ නිසා තමයි මට ගොඩක්ම interesting උනේ මේ ටික.

මේ ෆිල්ම් ටිකේ කතන්දර ගොඩනගන්නේ 'Driver' කෙනෙකුට මුහුණ දෙන්න වෙන සිදුවීම් වටේ. මේ තියෙන්නෙත් මූලිකවම අපි අර Drive (2011), Transporter (2002) වගේ ෆිල්ම්වල දැක්ක Driver සංකල්පයමයි. Transporter ෆිල්ම් සෙට් එක පදනම් වෙලා තියෙන්නෙත් මේ The Hire සීරීස් එකෙන් ය කියල මට අහන්න ලැබුනා. The Driver ගේ චරිතයට පණ පොවන්නේ Clive Owen. මං පෞද්ගලිකව පට්ටම කැමති නළුවෙක්, ඒ කාරණාව අතෑරියත්, පොරව ගත්ත ක නම් පට්ටම casting choice එකක් බව කියන්නෝන.

විනාඩි දහයක ෂෝට් ෆිල්ම් එකක ඉතින් ලොකූ දේවල් කරන්න ඉඩවත් වෙලාවකවත් නෑනේ, ලස්සන කාර් එකක් පාරේ වැඩ දානවා පොඩි කතන්දරයක් පසුබිමෙන් තියෙද්දී. ඕක තමයි සරලවම වෙන්නේ, ඇක්ෂන් ෆිල්ම් වලට රහවැටුන එකෙක් විදියට මටනම් ඒ ඕනවටත් වඩා ඇති.

Ambush - කතන්දර මාලාවට එන්ටර් වීම. මේක අධ්‍යක්ෂණය කරන්නේ Ronin (1998), Seconds (1966), The Manchurian Candidate (1962) වගේ ෆිල්ම් හදපු John Frankenheimer. ඒ කිව්වට මං තාම ඒවා බලල නැති නිසා වෙන්න ඇති, අනික් ඒවා තරම් කනෙක්ට් වෙන්න බැරි උනා මේකත් එක්ක. මේකේ කතාව තියෙන්නේ දියමන්ති ටිකක් එක්ක වාහනේට නගින වයසක මනුස්සයෙක්ව තුවක්කුකරුවන් සෙට් එකක් පස්සෙන් පන්නන් එක සීන් එකක්. BMW 740i කියන කාරෙක තමයි මේකේ යොදාගන්නේ.
-IMDb Rating: 7.1
-Personal: 3.5/5

_Source
....

Chosen - මේ ෆිල්ම් එක අධ්‍යක්ෂණය වෙන්නේ Life of Pi, Crouching Tiger Hidden Dragon, Eat Drink Man Woman, Brokeback Mountain වගේ ෆිල්ම් හැදුව Ang Lee අතින්. ආසියානු 'chosen' දරුවෙක්ව ආරක්ෂා සහිතව deliver කරන්න ඩ්‍රයිවර් ට පැවරෙන මේකෙදි BMW 540i කාරෙක තමයි යොදාගන්නේ. අපිට Ang Lee ගේ culture-based වගේ වයිබ් එක දකින්න පුළුවන් මේකෙන්. සෑහෙන්න කැමති උන, බලන්න වටින එකක්.
-IMDb Rating: 6.9
-Personal: 4/5

_Source
....

The Follow - මේකේ අධ්‍යක්ෂක Wong Kar Wai ගැන නම් අඳුන්වල දෙන්න දෙයක් නෑනේ. Forest Whitaker, Micky Rourke, Adrianna Lima වගේ දන්න මුහුණු ටිකක් තමයි රංගනයෙන් දායක වෙන්නෙ. මේකෙදි ඩ්‍රයිවර් ට පැවරෙන වැඩේ තමයි චිත්‍රපට තරුවකගේ බිරිඳ ගේ ගමන් බිමන් ගැන සෙවිල්ලෙන් ඉඳල එයාව follow කරන එක, හරියට ඔය අපි දකින Private Investigator ලට පැවරෙන වැඩක් වගේ. ඉතින් මේකේ අර අනික් ඒවාට වඩා 'ඇක්ෂන්' ගතිය අඩුයි, ඉමෝෂනල් පැත්තකට තමයි වැඩිපුර නැඹුරු වෙලා තියෙන්නේ. Loneliness එක්ක මුසුවෙච්ච පාට, ස්ලෝ melancholic මියුසික් එක්ක sunglass දාගත්තු කාන්තාව. තනිකරම Wong-Kar-Wai. කොටින්ම Chunking Express එකේ ෂොට් එකක් එහෙම්ම recreate කරලත් තියෙනවා. තවත් ගොඩක් කැමති වෙච්ච වැඩක්. BMW 328i Coupé සහ Z3 Roadster කාර් දෙක තමයි යොදාගන්නෙ.
-IMDb Rating: 7.4
-Personal: 4.5/5

_Source
....

Star - Guy Ritchie කියන්නේ මට මේ වෙනකම් හරියට කනෙක්ට් වෙන්න බැරිඋනු, ඒත් ගොඩක් අය ගොඩක් කැමති ඩිරෙක්ටර් කෙනෙක්. මේ වෙනකම් බලපු පොරගේ ඒවායින් මේක තමයි හොඳටම සෙට් උන එක, සහ Guy Ritchie ගේ ස්ටයිල් එක කියල යම් අවබෝධයක් ලැබුන එක. මේකේ ඩ්‍රයිවර් ට පැවරෙන්නේ අහංකාර celebrity කෙනෙකුව එයාගේ premiere එකට ඇරලවන්න. Madonna තමයි රඟපාන්නේ celebrity විදියට. මරු fast driving sequence ටිකක් එක්ක යන ආතල් වැඩක්. මේ සීරීස් එකේ මන් වැඩියෙන්ම කැමති එකද මන්දා. BMW M5 කියන වාහනේ තමයි යූස් වෙන්නේ මේකෙදි.
-IMDb Rating: 7.7
-Personal: 4.5/5

_Source
....

Powder Keg - Alejandro Gonzalez Inarritu.. Death Trilogy එක, The Revenant සහ Birdman. පොරගේ මේ වැඩේ කතාව යන්නෙ දරුණු යුද්දෙකට මැදිවෙච්ච ලතින් ඇමරිකාවේ හිරවෙලා ඉන්න war photographer කෙනෙක්ව බෝඩරෙන් මෙහාට ආරක්ෂා සහිතව අරන් එන එක. Grainy විෂුවල් ස්ටයිල් එකක් එක්ක, පොරගේ පලවෙනි ෆිල්ම් එක Amores Perros ට සමාන වයිබ් එකක් තමයි මේකේ පාවිච්චි වෙන්නේ. කොටින්ම Dog Tags පවා ඇතුලත් වෙනවා element එකක් විදියට. මේකත් සෑහෙන්න හොඳ මට්ටමේ වැඩක්.
-IMDb Rating: 7.6
-Personal: 4/5

_Source
....

මේ මුල් ෆිල්ම් සෙට් එකට ලැබුණු ජනප්‍රියත්වයත් එක්ක BMW කොම්පැනිය දෙවෙනි සීසන් එකකුත් නිෂ්පාදනය කරනවා. 11 million views එක්ක සේල්ස් ත් 12% කින් ඉහල නැග්ගලු. කොහොමහරි, මේ සීරීස් එකේ ප්‍රධාන දෙයක් තමයි, කලින් ෆිල්ම් වල එකින් එක ෆිල්ම් එකට වෙනස් කාර් පාවිච්චි උනත්, මේ සීසන් එකේ මාකට් කරන්නේ BMW Z4 Roadster කියන කාරෙක. මේ වාහනේ ඔය කාර් ගේම් ගහපු සෙට් එකට හෙම මතක ඇති, ලස්සන convertible එකක්.

Hostage - මටනම් ඉතින් 'Directed by John Woo' කියන්නේ සුපිරිම බ්‍රෑන්ඩ් එකක්. උඩින්ම කිව්වත් වගේ පොර හරහා තමයි මේ සීරීස් එක බලන්න සෙට් උනේ, ඒ නිසාම මේකට තමයි ගොඩක් බලාපොරොත්තු තියන් හිටියෙ. ඒත් දුක කියන්නේ මේකේ ට්‍රයි කරලා තිබුනේ Woo ගේ ආවේණික හොංකොං ස්ටයිල් එකට වඩා පොරගේ Paycheck, Face Off වගේ හොලිවුඩ් වැඩවලින් ආභාෂය වැටෙන විදියට. ස්ටිල් ගුඩ්, ඒ උනාට මං බලන් හිටියේ අර වයිබ් එක Clive Owen එක්ක විඳින්න ලැබෙයිද කියලයි. මේකේ action sequences පාවිච්චි වෙනවා වැඩියි අනික් එව්වට වඩා, ඒත් ඒක නිසා pace එකේ බැලන්ස් එක නැති උනාද මන්ද කියලත් හිතෙනවා.
-IMDb Rating: 7.2
-Personal: 3.5/5

_Source
....

Ticker - මේක අධ්‍යක්ෂණය වෙන්නේ මට මීට කලින් හමු නොවුණු Joe Carnahan කියල ඩිරෙක්ටර් කෙනෙක් අතින්. ඇක්ෂන් සීන් ටික හොඳ උනත්, මේකේ දෙන්න හදපු දේශපාලනික මැසේජ් එක මට වැඩිය සෙට් උනේ නෑ, ඒක කාවද්දන්න කරන ට්‍රයි එකත් නැචුරල් නෑ forced වගේ හිතුනා. කොහොම උනත් පොඩි කාලයක් උනත් මේකේ Don Cheadle ගේ ඇක්ට් එක මතක හිටින තරමට තියෙනවා.
-IMDb Rating: 7.6
-Personal: 3/5

_Source
....

Beat The Devil - මේකත් සෑහෙන්න ආතල් වැඩක්. ජනප්‍රිය ගායකයෙක් වෙච්ච James Brown (I Feel Good සින්දු කෑල්ල අහල ඇතිනෙ) සහ Gary Oldman තමයි රංගනයෙන් දායක වෙන්නෙ. මං Tony Scott ව අඳුරගන්න තරමට එයාගේ ෆිල්ම් නම් බලල නෑ, හැබැයි පොරගේ trademark විෂුවල් ස්ටයිල් එකකින් තමයි මේකත් හදල තියෙනව තියෙන්නේ. කතාව තියෙන්නේ James Brown යනවා යක්ෂයා ව හමුවෙන්න, යක්ෂයා එක්ක කලින් ගහපු 'ආත්මයට ජනප්‍රියත්වය' contract එක අලුත් කරගන්න. ඒකට යෝජනා වෙන්නේ ඩ්‍රයිවර් යක්ෂයා එක්ක Drag Race එකක් ගිහින් දිනන්න ඕනැයි කියලයි. ඉතින් spiritual ලෝකයක් දිහා මෙහෙම බලන එක ටිකක් ආතල් කන්සෙප්ට් එකක්. මේක ෂූට් කරලා තියෙන විදියත් හෙනම නයිස්, රතු තැඹිලි පාට පසුබිමෙන් 'ගින්දර' වගේ යන වාහන. කම්පුටර් ගැජමැටික් එකක්ද දන්නෑ, බට් නයිස්.
-IMDb Rating: 7.4
-Personal: 4/5

_Source
....

The Escape - අර දෙවෙනි සීසන් එකෙන් පස්සේ වැඩේ නවත්තන්න කම්පැනිය තීරණය කරන්නේ ටිකෙන් ටික ෆිල්ම් වලට යන වියදම වැඩිවෙන්න අරන් කියල තේරුම් යන නිසා. කොහොම උනත් ආයෙත් අදහසක් එනවා 2016 දී, සීරීස් එකට පන දෙන්න ඕන කියලා. එහෙම තමයි මේ The Escape හැදෙන්නෙ. Neil Blomkamp අතින් හැදෙන මේකෙදි ඩ්‍රයිවර්ට බාරවෙන්නෙ human cloning ලැබ් එකක් FBI එකෙන් වටලන්කොට එතන ඉන්න අන්තිම specimen එක ඒකෙ ඩොක්ටර් කෙනෙකුට deliver කරන්න. මේකත් මට සාපේක්ෂව අඩුවෙන් සෙට් උන, යමක් මිසිං කියල හිතුන එකක්. Vera Farmiga සහ Dakota Fanning රංගනයෙන් දායක වෙන මේකේ පාවිච්චි වෙන්නේ BMW 5 Series (G30) කියන කාරෙක.
-IMDb Rating: 6.9
-Personal: 3.5/5

_Source

දිගත් වැඩිද මන්ද, එනිවේ, 'Must Watch' කියලනම් කියන්න බෑ, ඒත් සාමාන්‍යයෙන් ඇක්ෂන් ෆිල්ම් වලට කැමති අයට බැලුවට පාඩුවක් වෙන්නේ නැති විනාඩි දහය ගානේ ෂෝට් ෆිල්ම් සෙට් එකක්. Just Cars Driving Fast with little bit of this and that.