PSYCHO (1960)
"A son is a poor substitute for a lover."
දෙවන වතාව.
මං හිතන්නේ Psycho තමයි Alfred Hitchcock ගේ හොඳම ෆිල්ම් එක. තාම මගේ කැමතිම එක නම් Dial M for Murder තමයි. ඒ වගේම Hitchcock ගේ මුල් කාලයේ වැඩ වැඩිය දැකලත් නෑ මං. නමුත්.. මං බලල තියෙන පොරගේ අනික් චිත්‍රපටවලට වඩා මේක.. ගැඹුරුයි. මට කියන්න ඕන දේ වචනෙන් කියන්න අමාරුයි. කොහොමහරි මේ තමයි මනුස්සයෙක්ගේ හිත ඇතුලට බැහැල මේ විදියට hitchcock කතාකරනවා දැක්ක පළවෙනි ෆිල්ම් එක. මට මේක විශිෂ්ට චිත්‍රපටයක් වෙන්න ප්‍රධාන හේතුවක් ඒක. දවසක් මගේ යාලුවෙක් North By Northwest (1959) බලල ඇහුවා ඇයි මෙච්චර හොඳ වර්ණ තාක්ෂණයක් තියෙද්දී කළු සුදු ෆිල්ම් හැදුවේ කියලා. මට උත්තරේ වචනෙට නගාගන්න බැරි උනා, නමුත් ඒකට උත්තරේ මෙතනදී හොඳින්ම පේනවා. 1959 දී North By Northwest වර්ණයෙන් හදපු hitchcock ම 1960 දී Psycho කළුසුදු වලින් හදනවා. උත්තරේ නිකම් මේ වගේ එකක්. එකම දේ, color පින්තූරයක් ගත්තමයි, කළුසුදු පින්තූරයක් ගත්තමයි අපිට පේන එකේ, ඔලුවට එන එකේ වෙනසක් තියෙනවා. බොහෝවිට කළුසුදු පාවිච්චි කරන්නේ මතුපිටට වඩා ගැඹුරින් පෙන්නන්න.( මට හිතෙන විදියට.. උදාහරණයක් Schindler's List (1993). ඒක කලර් ගැහුවනම් මේ වගේ ෆීල් වෙයිද?) මේ ෆිල්ම් දෙකේදී මේක හොඳින්ම පේනවා. ඇත්තටම එක පාරට නෝට් නොවුනට North By Northwest එකේ Eva Kendall කියන්නේ මං මේ සිනමාවේ දැක්ක fashionable ම කාන්තා චරිතවලින් එකක්. ඒ කතාවේ ගලායාමට ඇත්තටම එයාගේ ඇඳුම පවා සෑහෙන්න උදව් වෙනවා. හැබැයි මෙතනදී තත්වය වෙනස්. මේක කලුසුදු නොවී කලර් කරානම් මේ ෆීලින් එකෙන් සීයෙන් පංගුවකවත් ෆීල් වෙයි කියල මං හිතන්නේ නෑ...(ඇත්තටම 1998 දී මේක කලර් shot by shot රීමේක් කරලා ඇනෙනවා. ඇනෙනවා කියන්නේ හැම අතින්ම. Good Will Hunting, My own private idaho, elephant, drugstore cowboy වගේ සුපිරි ෆිල්ම් හදපු Gus Van Sant ට worst director සම්මානෙකුත් හම්බෙනවා)
Psycho Horror කැටගරියට දාන්න පුළුවන් උනාට මහා scary එකක් නෙමෙයි. ඒ උනාට නියම psychological thriller එකක්. ඇත්තටම අද මේ උඩ දාල කතාකරන psychological thriller වලට පදනම මේ Psycho එකේ කන්සෙප්ට් එක වෙන්න ඕන. ෆිල්ම් එකේ thrill එක පොඩ්ඩක්වත් අඩුවෙන්නේ නෑ. Shower scene එකනම් පට්ට පහරක්. ඒකට තමයි ආට් එක කියන්නේ. Anthony Perkins ගේ රංගනය, ආලෝකකරණය, cinematography එක, ත්‍රිල් එක, ඒ කන්සෙප්ට් එක, අතිශය පැහැදිලි රූප... විතරක් නෙමෙයි දෙබස් අතිනුත් ඉතාම ඉහලයි. 9.5/10
IMDb Rating - 8.5
Rotten Tomatoes - 97%
Metacritic - 97%
Letterboxd - 4.4/5
Dir: Alfred Hitchcock.
අලුත් ෆිල්ම් බලනවට වඩා බලපු ඒවා ආයේ ආයේ බලන එක මට අල්ලලා යනවා වගේ🤔..දැන් තමයි ගොඩක් දේවල් පේන්නේ.
Thank you, friend!
I'm @steem.history, who is steem witness.
Thank you for witnessvoting for me.
please click it!
(Go to https://steemit.com/~witnesses and type fbslo at the bottom of the page)
The weight is reduced because of the lack of Voting Power. If you vote for me as a witness, you can get my little vote.