One of My Favourite Artists!

තරිඳු දම්සර කියන්නෙ ලංකාවෙ ඉන්න දක්ශම ඒ වගෙම කැමතිම ආර්ටිස්ට් කෙනෙක්. මියුසීශියන් කෙනෙක්. හැබැයි මේ ළඟකඳි රිලීස් වුණ සිංදු වල ඒකාකාරී ගතියක් තිබුණ නිසයි, පද රචනා වලත් ඒ ගතියම දැනුණ නිසයි ටික කාලයක් මම ඒවා අහන්නෙ නැතුවත් හිටියා. හැබැයි ඒකෙන් කියන්නෙ නෑ මං ඒවට ආස නෑ කියලා.

Source

එක දවසක් මං තරිඳු දම්සර අයියත් එක්ක කතා කරලත් තියෙනවා. ඒ කතාවෙ නම් එච්චර ලොකු වැදගත්මක් නෑ මෙතනට. මගෙ යාලුවෙක්ගෙ පොඩි මෝඩ වැඩක් නිසා තමයි කතා කරන්න වුණෙත්. හැබැයි ඉතින් අන්න ඒ දවසෙදි එයා පෙන්නුව කලාකාරයෙක්ගෙ ළඟ තියෙන්න ඕනෙ සංයමය, නිහතමානීකම වගේ දේවල් මට තාම මතකයි දැන් ඕක වෙලා අවුරුදු දෙක තුනකට වැඩි වුණත්.

තරිඳු දම්සර කියන්නෙ දක්ශ ගායකයෙක්. පද රචකයෙක් සහ සංගීත නිර්මාණය කරන කෙනෙක්.කොච්චර ඇහුවත් සමහර නිර්මාණ එපා වෙන්නෙම නෑ. උදාහරණයක් විදියට රොබරෝසියන්,ප්‍රේම සජ්ජානයෙ වචන ටික, සඳ (මේ දවස් වල නිතරම අහන එක), අත්සන, ලු වගේ සිංදු ටික මතක් කරගන්න පුලුවන්.

රෝමියෝ නම් වෙන්න එපා සිංදුවෙ තියෙන නිදහස් ආදරේට, ඒ වචන ටිකට මම නම් හරිම කැමතියි. සඳ කියන්නෙ මේ දවස් වල මම ගොඩාක්ම අහන සිංදුව කියලා මම කිව්වනෙ. ඒක හරිම ලස්සන එකක්.