Lovely Runner!

මම korean drama fan කෙනෙක් වත් නිතර korean drama බලන කෙනෙක් වත් නෙමෙයි. හැබැයි මං කීපයක් ආසාවෙන් බලලා තියෙනවා. අන්නතෙන් ආ තරු කුමරා, Full house සහ playful kiss. මං හිතන්නෙ මට මතක විදියට මං ඔච්චරයි බලලා තියෙන්නෙ. ඉතින් මේ දවස් වල මං ගෙදරම ඉන්න නිසයි, මගේ batch එකේ හිටිය යාලුවො suggest කරපු නිසයි මං හිතුවා K drama එකක් බලන්න ඕනෙ කියලා. ඉතින් එහෙම බලපු K drama එක ගැන අද ඔයාලත් එක්ක බෙදාගන්නයි යන්නෙ.

Facebook

Lovely Runner කියන්නෙ IMDB එක 7.9 k තියෙන ආසන්න වශයෙන් පැයේ episodes 16 ක් තියෙන ලස්සන k drama series එකක්. කාල තරණය හරහා ඉරණම වෙනස් කරමින් යන ලස්සනම ලස්සන ආදර කතාවක්. මේ ආදර කතාව සිද්ධ වෙන්නෙ ඉම් සෝල් සහ සන් ජේ අතර. පාසල් කාලෙන් පටන් අරන් සෑහෙන කාලයක් දක්වා දිවෙන ආදර කතාවක්.

K dramas වලින් අපිට ඉගෙන ගන්න ගොඩාක් දේ තියෙනවා කියලා එක්තරා මහාචාර්යවරයෙක් එයාගෙ face book ගිණුමෙ සටහනක් තියලා තිබුණා. ඒ කතාව ඇත්ත කියලා මම මේක බලන් යද්දි මට තේරුණා. එකක් තමයි ළමයි වැඩිහිටියො විදියට වැඩුණට පස්සෙ එයාලට ස්වාධීන මිනිස්සු වගේ හිතන්න, වැඩ කරන්න ඉඩ හදලා දෙන දෙමව්පියෝ. අනෙක තමයි දෙමව්පියන්ටත් පෞද්ගලික අවකාශයක් සහ නිදහසක් ඕනෙ කියලා කියන එක. ඉතින් ඒවා හරිම develpoed attitudes විදියට මං දකිනවා.

අනෙක් ලස්සනම දේ කියන්නද? ඒ තමයි ඉම් සෝල් ගෙ cute ලස්සන ඇඳුම්. ලස්සනම ලස්සන පාට පාට කුඩ. ඒවයින් කීපයක්ම try කරලා බලන්නත් මං හිතන් ඉන්නවා. පුදුමයක් නෙමෙයි ඉස්සර චංගුමී telecast වෙන කාලෙ ච්ංගුමී කොණ්ඩ කටු, cards වගේ ඒවා popular වෙලා තිබුණ එක. ආහ් අනෙක් කෙනා ගුජුම්පියෝ!

කොහොම වුණත් හැම korean drama එකකම ආදරණීය පිරිමියෙක් ඉන්නවා. සන් ජේ ත් එහෙමයි. මං හිතන්නෙ ඒක තමයි කොල්ලෙක්ට තියෙන්න පුලුවන් ආකර්ශණීයම දේ. ඒකනෙ ලංකාවෙ අපි ඒ කොල්ලන්ට එච්චරටම කැමති!

කොහොම වුණත් සන් ජේ ගෙයි ඉම් සෝල් ගෙයි ලස්සන ආදර කතාව වෙලාවක් තිබුණොත් බලන්න!