නිධානයක්!| 5% to SL Charity

ඉරිදා නිවාඩු දවස. නිවාඩු දවසෙ ටිකක් එළියට බැහැලා ඇවිදින්න ඕනෙ කියලා හිතුණා. ඊට කලින් පොඩ්ඩක් වටපිටාවේ ඇවිදලා තිබුණ මගේ යාලුවෙක් ලස්සන දෙයක් හොයාගෙන තිබුණා. ඒක තියෙන්නෙ නාරාහේන්පිට ආර්ථික මද්‍යස්තානය ඇතුළෙ. එහේ තියෙන ගොඩාක් කඩ අරින්නෙ හවසට කියලා දැනන් හිටියත් ඉරිදා නිසා උදේට ඇරලා තියේවි කියලා අපි හිතුවා. පයින් යන දුරක තියෙන හින්දා අපි හිතුවා ගිහින් බලන්න. අපි හිතුවා වැරදි. මට යන්න ඕනෙම වෙලා තිබුණ තැන වහලා.ඉතින් ඒක අරිනකම් අපි පොඩි shopping experience එකක් ගන්න හිතුවා.

මේ අවට ඇඳුමක් ගන්න කඩයක් හොයාගන්න නෑ. ඉතින් ඒකට බොරැල්ලටම යන්න වුණා. බොරැල්ලටම ගියත් හිස් අතින්ම තමයි එන්න වුණේ. අපි ආයෙත් නාරාහෙන්පිට ආර්ථික මධ්‍යස්තානයට එනකොට මට යන්න ඕනෙම වෙලා තිබුණ තැන ඇරලා තිබුණා. ඉතින් මොකක්ද ඒ තැන?

ඒක second hand book shop එකක්. ඒ කියන්නෙ අලුත් සුවඳ, පෙනුම නැති වුණත් ඒ පොත් වල ඇතුළෙ තියෙන දේ අලුත් පොතක වඩා අඩු ගානකට මිලදී ගන්න පුලුවන්. අදාළ වටිනාකමෙන් භාගයකට වගේ. ඇත්තටම ඒක මට නම් කියන්න බැරි තරම් වටිනවා. තෝරගන්න බැරි තරම් පොත් ගොඩාක් එතන තියෙනවා. ගොඩක් තියෙන්නෙ ඉංග්‍රීසි පොත්. ඕනෙ නම් පොතේ වටිනකම ගෙවලා පොත් අරන් ගිහින් ආයෙම ගිහින් දෙන්නත් පුලුවන්.

එතනම එහා පැත්තෙ සිංහල පොත් තියෙන පැත්තකුත් තියෙනවා. හැබැයි ඒකෙ වැඩි වෙලාවක් ගත කරන්න බැරි වුණා. පයින් යන දුරක තියෙන හින්දා මට නිදහස් වෙලාවක යන්න පුලුවන්. මට ඉතින් මේක නිධානයක් ලැබුණා වගේ තමයි.

ඉතින් එදා අරන් ආවෙ මේ පොත. ඒක රුපියල් 400කට තමයි ගත්තෙ. ඒත් දැන් වෙනකොට ඊට වඩා ගොඩාක් වැඩි ඇති. 1993 දී මේක ප්‍රකාශයට පොත් කරනකොට මිල රුපියල් 93.00ක්. පුණ්‍යාකාන්ති වීජේනායක මහත්මියගේ The waiting earth! The waiting earth කියන්නෙ ලස්සන නමක්. ඒ නම දැක්ක ගමන් මං කැමති වුණා. කතාවත් ලස්සනයි. ඉතින් මම තාම ඒක කියවන ගමන්!