රැගින් සහ ජේශ්ටයෝ!
මේක කියවන හැම කෙනෙක්ම සීනියර්ස්ලා ගැන දන්නවා කියලා මම දන්නවා. ඉතින් මේ දවස් වල රැගින් සහ සීනියර්ස් ලා ගැන ලියවිලා තිබුණ ගොඩාක් දේවල් එක්ක මට හිතුණා මටත් ලියන්න දේවල් තියෙනවා කියලා නේද කියලා.
මගේ මුල්ම කැම්පස් එක සබරගමුව. ඒක ගොඩාක් ලස්සන කැම්පස් එකක් නිසා ඇත්තටම මම එහෙ ගියෙත් සතුටින්! කැත ඇඳුමත් කමක් නෑ ඔන්න ඔහෙ කියලා සතුටින්. Orientation ඉවර වෙලා ලෙක්චර්ස් පටන් ගත්තම තමයි මට තරු විසික් වුණේ.
උසත් නැති මහතත් නැති මම රබර් සෙරෙප්පු දාල, දිග සායක් ඇඳලා, කොණ්ඩෙ ගොතලා යනකොට මට මාවම කැතයි.! ඊටත් වඩා හැමදාම අහන බැනුම්, හැමදාම අහන ප්‍රශ්න, රූකඩයක් වගේ එහෙට මෙහෙට විසික් වෙන එක, කුණුහරුප අහන එක, අනේ මන්දා තව ගොඩාක් තියෙනවා.
මං එහෙම මාසයක් විතර ඉන්න ඇති. පස්සෙ මම හොඳටම ගල් වුණා. ඒකට කියන්න වෙන චචනයක් මම දන්නෙ නෑ. එක දවසකදි දවල් එකපාරටම මට හිතුණා මේ ඇති කියලා. මම අම්මට කෝල් කළා. මම ගෙදර එනවා කිව්වා. එදයින් පස්සෙ මම ආයෙ කවදාවත් ඒ කැම්පස් එකට ගියේ නෑ. නිකමට වගේ කොළඹ කැම්පස් එකට ඇපීල් එකක් දැම්මම මාව සිලෙක්ට් වුණේ නැත්නම් මගේ කැම්පස් ගමන එදයින් සදහටම ඉවර වෙන්න තිබුණා.
ලංකාව කියන්නෙ seniority එක ඉතාම දරුණුවට තියෙන රටක්. මං හිතන්නෙ ගොඩාක් තැන් වල එහෙමයි. මං hospital යන නිසා මම දන්නවා එතැනත් එහෙම බව. සමහර සීනියර්ස්ලා උත්සාහ ඉන්නවා ගරුත්වය කියන දේ බලහත්කාරයෙන් උපයා ගන්න. සීනියර්ස්ලා ජූනියර්ස් ලට උගන්වනවා සහෝදරත්වය ගැන. සහෝදරත්වය කියන්නෙ මහා ලොකු වචනයක්! තව කෙනෙක්ට ඒක උගන්වන්න අපි ඒක දැනගෙන ඉන්න ඕනෙ!
ඒ කොහොම වුණත් මගේ ජූනියර්ස් ලා වෙනුවෙන් මම මටම වුණ පොරොන්දුවක් තියෙනවා. පළවෙනි දේ මම එයාලව මානසිකව තළන කොටසක පොඩි කෑල්ලක් වත් වෙන්නෙ නෑ කියන එක. අනෙක මට ඔය විකාර ගරුත්වය කොහෙත්ම එපා. එයාල කොඳු කෙලින් තියාගෙන ඉන්නයි ඕනෙ. දැනුම අත්දකීම් කියන්නෙ මනුස්සයෙක්ගෙ ජීවිතේ තියෙන එක කොටසක් විතරයි. දැනුම අත්දැකීම් තියෙන ඒත් මිනිස්සුන්ට සත්තුන්ට වගේ සලකන ජේශ්ටයො මං හොස්පිට්ල් එකේදියි එයින් එළියෙනුයි ගොඩාක් දැකලා තියෙනවා. ඉතින් මගේ අත්දැකීම් සහ මම හිතන දේ ඇති.
ආහ් කියන්න අමතක වුණා. කොළඹ කැම්පස් එක හරිම සුන්දර තැනක් වුණා. කවුරුවත් කාවවත් තලන්න බලන් හිටියෙ නෑ.අපි ලස්සනට ඇන්දා. ලස්සනට හිටියා. ඔයාලයි ඔයාලගෙ සීනියර්ස් ලයි අතර තියෙනෙ බැඳීම හරිම පුදුමයි කියලත් මමම අහලා තියෙනවා. ඊට එහායින් මොනවද? අපි සුන්දර බැච් ගොඩක් වෙලා එකට හිටියා.
සමහර විට ඔයාලට ජේශ්ටයො සහ රැගින් ගැන ඉතාම සුන්දර අත්දැකීම් තියෙන්න පුලුවන්. අසුන්දර වෙන්නත් පුලුවන්. පහළින් ලියලා තියන්න!
Ape rate godak dewal function wenne hierarchy ekata. Godak ayata seniority complex eka darunuwatama tiyanawa.
Eka thmi apita mehem suffer krnn wela tynne.
ඒ වගේ වැඩ නම් හරිම ගෝත්‍රිකයි.
aththatama rag ekata arthayak dena ayath ona tharam innawa cmps wala, aa athare gothrika weda karana ayath innawa. eyala nisa thami me rag kiyana eka epa wenne.
රැගින් තියෙන්න ඕන ඒත් ඒක බලෙන් ගෞරවය ගන්නවත් මානසිකව වට්ටල අමුතු සතුටක් ගන්නවත් බලන් තියෙන්න ඕන නැහැ. සින්නො ඉස්සරහ ඔලු පහත් කරන් යන්න ඕන කියල හිතන , හැම වැඩක්ම සින්නො කියල
හිතල කරවගන්න පුලුවන් කියල හිතනවනම් ඔහුට හෝ ඇයට තියෙන්නෙ මානසික ලෙඩක් 🙂
manasin parinatha unu, sundara minisunge rag wenna tharam apa pin kara netha... Jiwithayata meet une une ehema ekkenai .. mage aluth bosa....eth wayasa 31k eka unahama.... hebei e wachanayakin wath benala nemei...Hinawela....