පළවෙනිම දවස-2
ඔන්න අන්තිමේදි ට්‍රේන් එක ආවා. සහන් නම් කිව්වෙ ඇඟිල්ල ගහන්න ඉඩක් තියෙන එකක් නෑ කියලා. ඒ වුණාට එහෙම වුණේ නෑ. වාඩි වෙන්න ඉඩ තිබුණා. ඒත් මට ඕනෙ වුණා දොරේ වාඩිවෙන්න. මම දන්නවා නිතර ට්‍ර්‍රෙන් එකේ යන එන කෙනෙක්ට ඒක ඒතරම් දෙයක් නෙමෙයි. ඒත් රේල් පාරක් වත් නැති මොණරාගල පැත්තෙ කෙල්ලෙක්ට ඒක ලොකු දෙයක්.
හතර දෙනෙක්ට වාඩි වෙන්න ඉඩ තිබුණා දොරේ. ඒක හරිම ශෝක්. අනේ මේක නියමයි කියලා හැමදාම ට්‍රේන් එකේ එන යන ළමයත් කෑ ගැහුවා. ඉතින් කොළඹට එනකම් කතා කරන්න ගොඩාක් දේවල් අපිට තිබුණා.
කවුරුහරි කියවලා තියෙනවද "ඩෙනිස්ගේ දස්කම්" කියලා පොතක්. අන්න ඒක අවුරුදු ගාණක් හොයමින් ඉන්න ළමයෙක් ඉන්නවා. තියෙන කෙනෙක් ඉන්නවා නම් කියන්න. රෑටත් ඇහැරගෙන ඉන්න නගර ලස්සනයි. දොරේ වාඩි වෙලා එනකොට ඒ ඔක්කොම හොඳට පේනවා.
කලුතර කොළඹ 🚆 පාරෙ මුහුද ඒ වෙලාවෙ නම් හරිම ගුප්තයි. එක්කෙනෙක් කියනවා ඉමැජින් කරගන්නලු එකපාරම සුනාමියක් එනවා. ඒවා නම් ඉමැජින් කරගන්න වත් හොඳ දේවල් නෙමෙයි. ගියාට වඩා වැඩි ඉක්මනින් අපි කොළඹට ආවා. කොටුවට එනකොට ට්‍රේන් එකක් තිබුණා ගම්පහට. ගුවනිව පරිස්සමට ට්‍රේන් එකට දාලා අපි තුන් දෙනා එන්න ආව.
නෙලුම් කුලුණට විරුද්ධව ගොඩාක් විවේචන තියෙනවා මේ දවස් වල. මම එකඟයි. හැබැයි රෑට පේන ලයිට් දාපු නෙලුම් කුළුණෙ ලස්සන වර්ණනා නොකර ඉන්න බෑ මට ඒක හේතුවක් කරගෙන. උඩින් තියෙන නෙලුම් පොහ්ට්ටුවේ පාට කහ, දම්, රෝස විදියට චේන්ජ් වෙවී යනකොට ඒක මාරම ලස්සනක්. ෆොටෝ එකක් ගත්තා.ඒත් ඒක ගොඩාක් පැහැදිලි නෑ.
ඉතින් අන්තිමටම අපි ඔක්කෝම සතුටින් තම තමන්ගෙ බෝඩිම් වලට විසිර ගියා.
ඉතින් ඒ ගමනත් ඉවරයි. තවත් පොඩි ට්‍රිප් එකකින් ආයෙ හම්බවෙමු.!
Footboard eke wadi wela kakul eliyata dan yana eka nam echchara hoda deyak newei e pare 😬. Platform eka laginma yanne kakule gawena nogawena tharamata samahara station wala.
Podi kale kiyewwa..imagination sahenna tyena kathawakwage matakai..
Aththa aththa. Etkta kakul udata gththa. Hbi kotuwedi lawata wduna ekkenkge. Dan dnnwneh. Aye krnne naa.😁
පොත නම් ගෙදර තියෙනවා.
අනේ.❤
මම නම් කියන්නේ මොන විවේචන තිබ්බත් ඕවගේ ඒවා නරබන්න කියල.