Law For Life ~ Let's avoid road accidents. Do you know the laws regarding road accidents?

imagesource

රිය අනතුරු.. මේ කාල වකවානුවේ නම් අසන්න අඩු මාතෘකාවක් වුණත් උත්සව සමවලදී නිතරම අහන්න වෙන දෙයක්. ඔයාල දන්නව අපේ රටේ මේ රිය අනතුරු නිසා වසරකට වටිනා ජිවීත ගොඩක් අහිමි වෙනව. මේකට ලොකුම හේතුවක් විදියට මම දකින්නෙ ස්වයං විනයක් නොමැතිකම වගේම නීතිගරුක නොවීම. යකඩ ගොඩක් උඩ තියෙන හැම ජීවිතයකම වටිනාකම හැම කෙනාම තේරුම් අරගෙන ගමන් කරනවා නම් තමයි ගොඩක් හොඳ!!!

හරි , ඔයලා දන්නවද රථ වාහන සම්බන්ද නීති වගේම රිය අනතුරකට ඔබේ වරදක් නැතිව මුහුණ දුන්න නම් ඒකට ගන්න ඕන ප්‍රතිකර්ම මොනවද කියල? අද මම මුලිනම ඒ ගැන කියන්නම්. සිවිල් හා අපරාධ යන වරදවල් ද්විත්වයම පැවරිය හැකි වරදක් තමයි මේ රථවාහන අනතුරු කියන්නෙ.
මේ සම්බන්දයෙන් , මෝටර් වාහන පනත ( MOTOR TRAFFIC ACT ) අදාල ප්‍රතිපාදන දක්වනවා. . පනතේ 149 වන වගන්තියට අනුව ඕනෑම ආකාරයක අනතුරක් වලක්වා ගැනීමට සෑම රියැදුරකු ම කටයුතු කළ යුතු බව දක්වල තියෙනවා . මේ පනතේ ප්‍රතිපාදන උල්ලංඝනය කරන ඕනම වාහනයක අයිතිකරු හා රියදුරු කියන දෙදෙනාව ම වගකිවයුතු පාර්ශව විදියට සලකන බවත් අපි විශේෂයෙන්ම මතක තියාගන්න ඕන.

imagesource

නොසැලකිලිමත් වගේම අපරික්ෂාකාරී ලෙස රිය පැදවීම

අලුතින් වාහයනක් ගත්තම , ලයිසන් එක ගත්තම සමහර අයට ජීවිතේ වටිනාකම අමතක වෙලා යනවා. මම හුගක් වෙලාවට දකිනවා වීඩීයෝ වෙනුවෙන් ජීවිත අනතුරේ දාගන්න ගොඩක් තරුණ ජීවිත. අපිට වාහන අනතුරුවලින් ජීවිතේ රැක ගන්න නම් මේ තියන නීති හොදටම ඇති. අවශ්‍ය වෙන්නෙ කලින් කිවුවා වගේම විනය.

මේ යටතේ වැරදි වෙන්නෙ වේග සීමා නොතැකීම, ඉරි කැපීම , මාර්ග සංඟ්දා පිළි නොපැදීම වාගේ දේවල්.
අපරීක්ෂාකාරී සහ අනතුරුදායක ලෙස රිය පැදවීමේ වරදකට චෝදනා ලබපු කෙනෙක් මහේස්ත්‍රාත්වරයකු ඉදිරියේ රුපියල් 10,000 කට නොඅඩු රුපියල් 25,000 කට නොවැඩි දඩයකටත් ඒ වරදට ම දෙවැනි වර වරදකරුවකු වූ විට රුපියල් 14,000/- නොඅඩු රුපියල් 30,000 කට නොවැඩි දඩයකට යටත් වෙන්න පුලුවන්.
ඒ වගේම තාවකාලිකව රියදුරු බලපත්‍රය අත්හිටුවන්නත් පුලුවන්.
ඒ වරදටම ඔයා තුන්වෙනි පාරටත් වරදකරු වුවහොත් රුපියල් 20,000/- නොඅඩු රුපියල් 40,000 කට නොවැඩි දඩයකට වගේම මාස 6 කට නොවැඩි සිර දඩුවමකටත් යටත් වෙලා ලයිසන් එක කැන්සල් වෙලාම යන්නත් පුලුවන්. ඒ නිසා පරිස්සමෙන් !

imagesource

බීමතින් රිය ධාවනය

මෝටර් වාහන පනතේ 151 වගන්තියෙන් බීමතින් හෝ නොසැලකිලිමත් ලෙස රිය ධාවනය නොකළ යුතු බවත් දක්වල තියෙනවා. ඒ වගේම බීමත්ව රිය ධාවනය නිසා සිදුවන අනතුරු සඳහා දඬුවම් 216 වන වගන්තිය යටතේ දක්වල තියෙනවා.
මේ වරදට රුපියල් 25,000 කට නොඅඩු රුපියල් 30,000 කට නොවැඩි දඩයක් සහ හෝ මාස 6 කට නොවැඩි සිර දඬුවමක් නියම කිරීමේ හැකියාවක් තියෙනවා . බීමත්ව රිය පදවා සිදුවූ අනතුරකින් ජීවිත හානියක් සිදු වුණොත් රුපියල් 100,000/- නොඅඩු, රුපියල් 150,000/- නොවැඩි දඩ මුදලක් සහ හෝ වසර දෙකකට නොඅඩු, වසර දහයකට නොවැඩි සිර දඬුවමක් නියම කරන්න පුලුවන්.

තුවාල සිදුවීමකදී රුපියල් 30,000/- නොඅඩු රුපියල් 50,000 කට නොවැඩි දඩයක් ද වසරකට නොවැඩි සිර දඬුවමක්ද නියම කරන්න පුලුවන් වගේම

බරපතළ තුවාල සිදු වුනොත් රුපියල් 50,000 නොඅඩු, රුපියල් 100,000 නොවැඩි දඩයක් සහ හෝ වසර පහකට නොවැඩි සිර දඬුවම් නියම කළ හැකිය.

ඒ වගේම තමයි මේ කිව්ව වගේ සිදු වීමක් වුණ අවස්ථාවලදී රියදුරු බලපත්‍රය අවලංගු කිරීම සඳහා නියෝගයක් නිකුත් කරන්නත් බොහෝ විට ඉඩ තියෙනව. ඒ වගේම කරුණු දැක්වීම අනුව මේ වන්දි ප්‍රමාණයන් වැඩි කරගන්නත් පුලුවන්කම තියන්වා.

මේ වගේ අනතුරක් සිදු කරා නම් ඔයාට හරි ඔයාගෙ යාලුවෙක්ට හරි අතමාරුවලින් හරි කට වහරින් අපි ශේප් වෙමු කියන්නෙ. ඒ දේට කවදාවත් එකග වෙන්න එපා.. ඔයාලට හුගක් අය කියයි ඕවට උසාවි ගානෙ රස්තියාදු වෙන්න ඕන. හරි කරදර වැඩ. ඔය වගේ එකී මෙකී නොකී කතා ගොඩක් කියාවි. නමුත් මතක තියාගන්න. අපි වගකීම් සහගත පුරවැසියො වෙන්න ඕන එක්තරා කාලකදි විතරක් නෙවෙයි. මුලු ජීවිත කාලයටම. ඔබට ඒ වගේ අනතුරකට මුහුණ දෙන්න වුනොත් නීතියෙන් පමණක් පිහිට පතන්න.

imagesource

රිය අනතුර වෙලා අවුරුදු. දෙකක් යන්න කලින් ඔයා නඩු කටයුතු පටන් ගන්න ඕන. මොකද ඊට පස්සෙ නඩු දැම්මට වැඩක් නැහැ.
ගොඩක් අය කියනවනෙ වන්දි ගත්තට වැඩක් නෑ උසවිවලට ඊට වඩා වියදම් කියලා. මේකටත් නීතියේ සහනයක් තියෙනවා කියල ගොඩක් අය දන්නෙ නැහැ. මම නඩු තීන්දුවකින් ම කියන්න්ම්කෝ.

ගෆූර් එදිරිව විල්සන් හා තවත් අය (1990) 1SLR 142
කියන නඩුවෙදි තීන්දු කරල තියෙනවා නඩුව පවරපු දවසෙ ඉදන් ඒක අහල ඉවර වෙලා වන්දි මුදල ගෙවන තෙක් ම පොලියත් එක්කම වියදම අය කරන්න පැමිණිලිකරුට ඒ කියන්නෙ රිය අන්තුරට මුහුණ දුන්න කෙනාට පුලුවන් කිය්ලා. ඒ නිසා බය නැතිව වන්දි ගන්න නඩුවක් දාන්න.

තමන්ගේ අයිතීන් මත නිදා නොසිටින්න කියලා ප්‍රකට කියමනක් තියෙනවා. මේ වගේ රිය අනතුරු වැරදිකරුවන්ට ඔබ නිදහස දෙනවා කියන්නෙ සමහර විට තව මනුස්සයෙක්ගෙ ජීවිතයක් නැති කරන්නත් දායක වීමක් වෙන්න පුලුවන්. ඒ නිසා වගකීම් සහගත වෙන්න. රිය අනතුරු වළක්වා ගන්න. ජීවිතයට, ජීවිතයකට ආදරේ කරන්න.

ස්තූතියි.