LAW FOR LIFE - Introduction of law
නීතිය නොදැනීම සමාවට කරුණක් නොවේ.
නිතර දෙවේලේ ඇසෙන මේ වාක්‍ය ඛණ්ඩය ඔබට නුහුරු වචන කිහිපයක් නොවන බව මට විශ්වාසයි. නමුත් එය මහපොළොවේ යතාර්ථය නොවේ. සැබැවින්ම එදිනෙදා ජීවිතයේ කටයුතුවලට අවශ්‍ය නීතින් පිළිබඳ පවා අල්පමාත්‍රයක්වත් නොදන්නා අය කොතෙකුත් මගේ වවෘත්තිය ජීවිතයේ හමු වී තියෙනවා. මේ සම්බන්ධයෙන් මගේ දැනුම සමාජගත කරන එක මගේ එක අරමුණක්. ඒ කියන්නේ නීතිය පිළිබද මූලික දැනුම බෙදා හැරලා නීතිය නොදැනීම සමාවට කරුණක් නොවේ කියන සිද්ධාන්තයට උපකාරයක් දෙන්න.
මම මේ සමූහයට අලුත්. ඒ නිසා මුලින්ම මම ගැන හැඳින්වීමක් කරන්නම්. මම දැනට නීතිඥවරියක් වශයෙන් කටයුතු කරනවා. කොළඹ විශ්වවිද්‍යාලයේ නීතී පීඨයට මම 2016 වර්ෂයේ ඇතුළත් වෙනවා. පළමු වසර මුල්ම එසයින්මට් එක අපරාධ නීතිය. මුල්ම ඇගයීම සමාජෙට බැහැල කරුණු දත්ත එක්‍ රැස් කරන් හදන වාර්ථාවක්. අපට කරන්න තිබුණෙ දණ්ඩ නීති සංග්‍රහයෙ 363 වගන්තිය ගැන විග්‍රහයක්. ඒ කියන්නෙ ස්ත්‍රී දූශණය සම්බන්දයෙන්. මේ එසයින්මට් එක කරන්න ගත්තම තමයි නීතිය නොදැනීමෙ බරපතළකම තේරුම් ගියේ.
ස්ත්‍රී දූෂණය නිසා ඉතා අඩු වයසින් විවාහ වෙන්න, ගබ්සා සිදු කරන්න , මනුෂ්‍ය ඝාතන, බරපතළ තුවාල සිදුකිරීම් වගේ අපරාධ රැසකට මෙය හේතුවක් වෙලා තිබුණා. වින්දිතයන් නීතිය නියමාකාරයෙන් නොදැනීම නිසා අපරාධකරුවන් නිදැල්ලේ ජීවත්වන සිදුවීම් පවා දකින්න ලැබුණා. විශේෂයෙන් ම වතුකරය වගේ දුෂ්කර පැතිවල මෙය ඉතාමත් බරපතල විදියට මම දැක්කා. මේ හේතුවෙන් නීතිය පිළිබඳ මගේ දැනුම විවිධ අංශ ඔස්සේ බෙදා හරින්න මම හිතුවා.
පහළින් දැක්වෙන්නේ පසුගිය වසර කිහිපයේ මෙරට අපරාධ සිදුවීම් ප්‍රතිශතාත්මකව ගත්තම.
දණ්ඩනයට ඇති බියත් නීතිය ගැන ඇති දැනුමත් වර්දනය කරනවා නම් මේ අපරාධ අවම කරගන්න පුලුවන් කියල මම ගොඩක් විශ්වාස කරනවා.
ලංකාව තුළ ක්‍රියාත්මක වන නීතිය රෝම - ලන්දේසි නීතියේ මෙන්ම ඉංග්‍රීසි නීතියෙත් මිශ්‍රණයක්. මේ සම්මිශ්‍රිත නීතියේ අපරාධ පමණක් නෙවෙයි සිවිල් අංශවල ද නීතිය දැන සිටීම ඉතාමත් වැදගත්. නඩු කටයුතු පවත්වාගෙන යෑමට මහේස්ත්‍රාත් අධිකරණය, දිසා අධිකරණය, මහාධිකරණය, අභියාචනාධිකරණය, ශ්‍රේෂ්ඨාධිකරණය මෙන්ම කම්කරු විනිශ්චය සභා නමැති අධිකරණ ධූරාවලියක් ලංකාව තුළ ක්‍රියාත්මක වෙනවා. ඉදිරියේදී මේ අංශවලින් සෑම දෙනාටම වැදගත් එදිනෙදා ජීවිතයට අවශ්‍ය නීති පිළිබඳ දැනුවත් කරන්න මම බලාපොරොත්තු වෙනවා.
ඉදිරියේදී එදිනෙදා ජීවිතයට අවශ්‍ය නීතිමය කරුණු ගැන සවිස්තරාත්මක දැනුමක් ලබා දෙන්න මම බලාපොරොත්තු වෙනවා.
ස්තූතියි.
#steemsrilanka #law #life #knowledge #criminal #civil #steemexclusive
මිනිස්සු කියන්නේ නොයෙක් හැකියාවන් තියන පිරිසක්. පාලනයක් ඕනෙ වෙන්නේ ඒක නිසා. පාසලෙන් නීතිය උගන්නන එක ඉතාම සුදුසු වැඩක්. පොඩි කාලෙදිම වැරදි කරන්න බයක් ඇති කරන එක හොදයි. පස්සෙ අමාරුවෙ වැටෙනවට වඩා..👌
@imanthadd ow eththenma .
නීතිය ගැන දැනුවත් භාවය වැදගත්.
මේක ඉතාමත් වටිනා කාර්යයක් වේවි.
@thisarani96 ස්තූතියි. ❤️