අහස කියන්නෙ කලාගාරයක්.. 😍 - 5% For SL Charity

Free වෙලාවට අහස දිහා හිස් බැල්මෙන් බලාගෙන ඉද්දි වළාකුළු අස්සෙන් එක එක රූප පේනවා. මම නම් ඒකට ඇබ්බැහි වෙලා වගේ. Free වෙලාවට විතරක්ම නෙමෙයි කොහෙ හරි යනකොට කොච්චර හදිසි ගමනක් වුණත් පුරුද්දට වගේ අහස බැලෙනවා.

ඔෆිස් ගිහින් ගෙදර එන වෙලාවට මඟ දිගටම උඩ බල බල එන්නෙ. 🙊 ඉර බැහැගෙන යන වෙලාවට හවස අහසෙ පුදුම ලස්සනක් තියෙන්නෙ. උඩින් තියෙන photo එකයි පහළින් තියෙන photo එකයි capture වෙලා තියෙන්නෙ එකම තැනකදි. ඒක දැක්කෙත් දැන් මමත්. ගෙදරට හැරෙන පාරෙදි තමයි ගත්තෙ. එක එක දවසට පාට පාටින්. 😍 කොච්චර බලන් හිටියත් එපා වෙන්නෙ නෑ. ඒක භාවනාවක් වගේ.

මෙතන තියෙන ෆොටෝස් ඔක්කොම වගේ මන් ඔෆිස් ඇරිලා ගෙදර එන ගමන් එක එක දවස් වල ගත්ත ඒවා. 🙊 අපේ ගෙදර තියෙන්නෙත් ටිකක් විතර කන්දක් උඩට වෙන්න වගේ. ඒ නිසා ඈත අහස ලස්සනට පේනවා.

ඒවගේම මන් ගොඩක් ආසයි වහින වෙලාවට මනෝ පාරක් දාගෙන වැස්ස දිහා බලන් ඉන්න. අපේ කලබලකාරී මනස සන්සුන් කරන්න පුලුවන් බෙහෙතක් තමයි වැස්ස කියන්නෙ. ඒ වගේම වහින වෙලාවට හොඳට නිදාගන්නත් පුලුවන්. 🙈

ඔය ඈතින් තියෙන්නෙ අපේ තාත්තගෙ වගාව. 😇 මන් වෙන දවසක ඒ ගැන කියන්නම්කො. තාප්පයක් වගේ වැට දිගටම හැදිලා තියෙන්නෙ දඹල වැලක්. අතරින් පතර මල් එකක් දෙකක් තියෙනවා. තාම මල් හැදෙන්න පටන් ගත්තා විතරයි. ඉස්සරහට ගමකට දඹල දෙන්න පුලුවන් වෙයි. ඊට පස්සෙ ඉතින් ගෙදරත්, තෙලට , කිරට, මිරිසට, සම්බෝලෙට හැම විදිහටම කන්න වෙයි. 🙄 උඩ තියෙන ෆොටෝ එක ගත්තට පස්සෙ මට හිතුනා නිකමට වගේ ඒ පැත්තට යන්න. වැස්ස ටිකක් අඩු වෙනකම් ඉඳලා මන් ගියා දඹල වැල ළඟට. ඒකෙ දඹල කරල් ටිකක් හැදිලත්. 🙊 ලොකූ වැලක් නිසා පේන්නෙ නෑ. හැංගිලා තිබුණෙ. මේ ටික කැඩුවෙ අද උදේ. බැලුවෙ නැත්තම් අපරාදෙ. 🙄 දඹල සීසන් හැස් අරයිව්ඩ් !!! 😂🤘

අපේ වත්තෙ පලතුරු, එලවළු වර්ග එහෙම ගොඩක් තියෙනවා. ඒවා ඉදිරියෙදි ඔයාලට බලා ගන්න පුලුවන් වෙයි. එතකන් හැමෝම පරිස්සමින් ඉන්න. සුභ දවසක් !!!

ස්තුතියි !❤️