මගේ ස්ටීම් මිතුරන් හැමදෙනාම හොදින් ඇති කියලා මම හිතනවා. කාර්‍යබහුල සතියක ආරම්බයත් සමගම මම බලපු ලස්සන movie එකක් ගැන Steem Sri Lanka ප්‍රජාව සමග ඔයාලා එක්ක බෙදාගන්න හිතුවා
.jpeg)
Image source
ඉතිං අපි හැමෝම ආසකරන movies හැදෙන අපේ අසල්වැසි ඉන්දියාවේ තමයි මේ ලස්සන movie එක නිශ්පාදනය කරලා තිබෙන්නේ. මෙකේ ප්‍රධාන රංගන ශිල්වපීන් වන්නේ අපි කවුරුත් ආදරය කරන තරුවක් වන රිතික් රෝෂන් හා දීපිකා පදුකෝන්. මෙම චිත්‍රපටය එලි දක්වලා තියෙන්නේ ජනවාරි මාසයේ. ඉතිං ඉන්දියාව හා පාකිස්තානය අතර පවතින යුදමය ගැටුම් මූලීක කරගෙන ගුවන් හමුදාවේ ගුවන් නියමුවන්ගේ වික්‍රමාන්විත මෙහෙයුමක් ගැන තමයි මේකේ ප්‍රදාන මාතෘකාව වන්නේ.
.jpeg)
Image source
ඉතිං ඉන්දියාවට පාකිස්තානය විසින් එල්ල කරන විවිධ වූ ප්‍රහාර ඔස්සේ ඔවුන් සාම ගිවිසුම් කඩකරමින් මනුෂ්‍ය ඝාතන රැසක් හා ගුවන් හමුදා සාමාජිකයන් ගමන් ගන්නා රථ පෙලකටද ප්‍රහාර එල්ල කරමින් ජීවිත හානි හා දේපල හානි රැසක් සිදු කරමින් ඉන්නවා එවැනි අවස්තාවක පකිස්තානයට විරුද්ධව සටන් ආරම්භ කරන්න එරට රජය හා ගුවන් හමුදා නිලධාරීන් තීරණය කරනවා. එතැන් ඉදන් තමයි මේ movie එකේ හොදම ත්‍රාසජනක කොටස් ආරම්භ වෙන්නේ.
.jpeg)
Image source
ඉතිං මේ කතාවේ රිතික්ට ගුවන් හමුදාවේම කලින් පෙම්වතියක් ඉදලා තියෙනවා. එයා මෙහෙයුමක් අතරතුර රිතික්ගෙ වරදකින් ජීවීතයක්ෂයට පත්වෙනවා. ඊට පසුව තමයි යලි මෙහෙයුමක් ආරම්භ කරන්න ඉන්දියන් ගුවන් හමුදාව සතු හොදම ප්‍රහාරක ගුවන් නියමුවන් පස්දෙනා ගෙන්වලා කණ්ඩායමක් හදන්නේ.ඒ කණ්ඩායම් රිතික් හා දීපිකා දෙන්නම ඉන්නවා.
මෙහෙයුම් කරන් යන එක දිනයකදී රිතික්ගේ කණ්ඩායම් යහලුවන් දෙදෙනෙක් සමග පාකිස්තාන දේශසීමාවට ඇතුලු වෙනවා.එසේ ඇතුලු වන්නේ පාලන අංශයේ අවසරයකින් තොරව. එම අවස්තාවේදී රිතික්ගේ අනිකුත් මිතුරන් දෙදෙනා පාකිස්තානුවන්ගේ ප්‍රහාරයට ලක්වෙලා එම යානාව සමග පාකිස්තානු දේශ සීමාවට කඩා වැටෙනවා.
.jpeg)
Image source
ඉතිං ඒ අවස්තාවෙදී ඒ නියමුවන් දෙදෙනා පාකිස්තානුවන්ගේ අත්තඩංගුවට පත්වෙනවා. එහිදී ඔවුන්ට විවිධ වූ වද හිංසා වලට ලක්වෙනවා.එහෙත් ඔවුන්ගේ මෙහෙයුම් වල කිසි තොරතුරක් ඔවුන්ගෙන් ලබා ගන්න පාකිස්තානුවන්ට බැරි වෙනවා. අවසානයේ ඔවුන් දෙදෙනා මුදවා යවන බව ඉන්දියාවට පාකිස්තානය දන්වනවා. එහෙත් ඔවුන් රැගෙන එන්න ඉන්දියාව විසින් ගිය අවස්තාවේදී ඔවුන්ගේ එක් අයෙකුගෙ මල සිරුරක් පමණක් ඔවුන්ට භාරදී අනෙක් නියමුවා සිර භාරයේ තව දුරටත් තබා ගෙන පකිස්තානුවන් ඉන්දියාව මුලාවට ලක් කරනවා. ඉතිං අවසාන මෙහෙයුම විදියට අර සිරභාරයේ ඉන්න මිතුරා බේරගන්න හොදම නියමුවා වන රිතික් සහ ඔවුන්ගේ කදවුරු ප්‍රධානියා පිටත් වෙනවා. ඉතිං ඔවුන් මහත් පරිශ්‍රමයක් ගෙන එම කදවුරේ සිටින සතුරන් හා එම කඳවුර විනාශ කරලා තම මිතුරා බේරගෙන නැවත පැමිණෙනවා.
ඔන්න ඕක තමයි මේ movie එකේ සම්පූර්ණ කතාව.ඉතිං මේ movie එක බලලා නැති සියලු දෙනාට මුහුණපොත මාර්ගයෙන් දැනට මේ movie එක නැරඹීමට හැකියාව තිබෙනවා..
ස්තූතියි 🙏