තවත් විශිෂ්ට ජයක්
ඉතින් යාලුවනේ මේ දවස් කියන්නෙ නම් ශ්‍රී ලංකා වාසීන්ට ටිකක් නුහුරු නුපුරුදු ගතියක් තියෙන , රටේ යම්කිසි වෙනසක් සිදුවෙමින් යන කාලයක් වගේම ශ්‍රී ලංකාවේ ක්‍රිකට් රසිකයින්ට උන්මාදය තව වැඩි කරන කාලයක්.ඉතින් එංගලන්ත සංචාරයේදී අමිහිරි තරගාවලි පරාජයක් ලැබුවත් අවසන් තරගය එංගලන්තයට එරෙහිව දක්ෂ අයුරින් ක්‍රීඩා කොට වසර දහයකට පසු එංගලන්තයේදී ටෙස්ට් තරඟ ජයක් ලබාගැනීමට ශ්‍රී ලංකා ක්‍රීඩකයින් සමත් වුණා.ඒ ලද ජයග්‍රහණයත් සමග ශ්‍රී ලංකාවට පැමිණි අපේ ක්‍රීඩකයන්ට ඊළඟට යෙදුනේ ප්‍රබල නවසීලන්ත කණ්ඩායම සමග ටෙස්ට් තරඟ දෙකකින් යුත් තරගාවලියක්. ඉතින් මේ තරගාවලියට නවසීලන්තයේ ප්‍රබලම කණ්ඩායම නම් කොට තිබූ අතර තරග දෙකම පැවැත්වුණේ ගාල්ල ජාත්‍යන්තර ක්‍රීඩාංගනයේ.ඉතිං කවදත් ශ්‍රී ලාංකික ක්‍රීඩකයන්ට වාසි සහගත තණතිල්ලක් සහිත ගාල්ල ජාත්‍යන්තර ක්‍රීඩාංගනය මෙවරත් ඒ අයුරින්ම වාසි සහගත වුණේ දඟපන්දු යවන්නන්ට පාරාදීසයක් බවට පත්කරමින්.
ප්‍රථම තරඟය ප්‍රබල අයුරින් පරාජය කළ ශ්‍රී ලංකා කණ්ඩායම දෙවන තරඟයට පිවිසුණේ තරග දෙකම ජයගෙන අභිමානවත් ලෙස තරගාවලිය අවසන් කිරීමටයි.එලෙසම නවසීලන්ත කණ්ඩායම අවමානයෙන් බේරීමට මෙම තරඟයවත් ජයගැනීමේ අරමුණින් තරගයට පිවිසුණු නමුත් කාසියේ වාසිය ජයගත් ධනංජයද සිල්වා නවසීලන්ත කණ්ඩායමේ සියලු බලාපොරොත්තු බිඳ දැමුවේ පැතුම් හැරුනු කොට පළමු පෙළ පිතිකරුවන් සියල්ල ප්‍රථම දවස් දෙක පුරාවට නවසීලන්ත කණ්ඩායමේ පන්දු යවන්නන්ව දැඩි වෙහෙසට පත් කරමින්.ඒ අයුරින් කඩුලු පහක් දැවී ලකුණු 602 ක් ලබා ඉනිම අවසන් කරේ වාර්තාවන් කිහිපයක් ද ශ්‍රී ලංකා ක්‍රීඩකයින් තම නම ඉදිරියේ ලබා ගනිමින්.අවසන් දින දෙක තුන කොහොමත් දඟ පන්දු යවන්නන්ට වාසි සහගත බව දන්නා ශ්‍රී ලංකා ක්‍රීඩකයින් ඉන් සියලු ඵල ප්‍රයෝජන ලබා ගත්තේ නවසීලන්ත කණ්ඩායමේ පළමු ඉනිම ලකුණු 88ට සීමා කරමින්.නැවතත් දෙවන ඉනිම ක්‍රීඩා කිරීමට පැමිණි නවසීලන්ත කණ්ඩායම ඊළඟ පරාජයෙන් බේරීමට දැඩි උත්සාහයක පෙළඹුණු නමුත් නවක ක්‍රීඩක නිශාන් පීරිස් සහ ප්‍රභාත් ගේ ප්‍රබල පන්දු යැවීම හමුවේ නවසීලන්ත පිතිකරුවන් දැඩි පීඩනයට ලක් වුනේ ඒ ඉනිමත් ලකුණු 360ට සීමාවෙමින්.ඒ අනුව දෙවන තරගයත් ඉනිමකින් සහ තව 154 ක දැවැන්ත ජයග්‍රහණය ලබා ගැනීමට ශ්‍රී ලංකා කන්ඩායම සමත් වුණා.