ඇදිරි නීතිය

ඉතින් යාලුවනේ අද රටටම ගොඩක් විශේෂ දවසක්.ඒකට හේතුව ඔයාල හොදටම දන්නවනෙ. රටේ ප්‍රධාන මැතිවරණයක තීරණාත්මක ප්‍රතිඵල ලැබෙන දවසක් තමයි අද. මේක කොච්චර දුරට තීරණාත්මකද කියලා දැනටවත් චන්දෙ බලන ඔයත් මමත් හොඳටම දන්නවා.ඉතින් කෙටියෙන් සාරාංශයක් දෙන්න ගියොත්, මෙවර ඡන්ද ප්‍රතිඵල එන්න නම් සෑහෙන්න වෙලාවක් ගත වුණා.පොඩි කාලේ ඉඳන්ම ආසම වැඩක් තමයි රෑට නිදිමරාගෙන චන්ද ප්‍රතිඵල අහන එක.ඉතින් මේ පාර වෙනසකටත් එක්ක යාළුවොත් එක්ක එකතු වෙලා ඡන්ද ප්‍රතිඵල අහන්න හිතුවා.ඉතිං ඒ විදිහට යාලුවෙකුගෙ ගෙදරට එකතු වුන අපි මධ්‍යම රාත්‍රියේ ලබාදීමට නියමිතව තිබූ චන්ද ප්‍රතිඵල අහන්න හිටියත් ඡන්ද ප්‍රතිඵල වල සෑහෙන ප්‍රමාදයක් තිබුන නිසා එක එක්කෙනා නින්දට වැටුණත් ආසාව හින්දම මායි තව කොල්ලෙකුයි නිදි මරාගෙන හිටියේ පැයකට සැරයක් වගේ එන තැපැල් චන්ද ප්‍රතිඵලත් හරි උද්යෝගයෙන් නරඹමින්.

ඉතින් මේ වගේ වෙලාවකදී ජනාධිපති විසින් එදින රාත්‍රී දහයේ සිට පසු දින අලුයම හය වෙනතුරු, ඇඳිරි නීතිය ක්‍රියාත්මක කළේ මැතිවරණ ප්‍රචණ්ඩ කියා කිසිවක් සඳහන් නොවී තිබියදී වීම විශේෂත්වයක්.ඒ විතරක් නෙවෙයි නැවතත් අලුයම හයේ සිට දහවල් 12 වනතුරු ඇදිරි නීතිය දීර්ඝ කළේ ගොඩක් පුද්ගලයන්ට ප්‍රශ්නාර්ථයක් ඉතුරු කරමින්.කොහොමහරි රටේ නීතියට ගරු කරමින් ඇඳිරි නීතිය කාලයේදී මිනිසුන් නිකරණය ගැවසීම , පොදු ස්තාන වල රැදී සිටීමෙන් වැලකී සිටීම නිසා, පාරවල් පාළුවට ගිහින් තිබුණා.ඉතින් කොහොමහරි ඒ විදියට ඇදිරි නීතිය දහවල් 12න් අවසන් වූ අතර මට ගෙදර එන්නත් පුලුවන් උනේ ඊට පස්සෙ 😅.ඉතින් යාලුවනේ ගොඩක් වෙලාවට ඊලග article එක නව ජනාධිපති කෙනෙක් නව පාලනයක් යටතේ තියෙන රටක ඉදන් ලිවීමට වෙන අකාරයක් තමයි දැනටනම් පේන්න තියෙන්නෙ🙂.