කම්මැලි දවස්

![Screenshot_20220508_084748.jpg]()

හැමෝම සතුටින් කෙසේවෙතත් පරිස්සමෙන් ඇති කියල හිතනව . කලින් දෙක තුනේම ලිව්වෙ රටේ තත්ත්වෙ සහ මිනිස්සු ගැනනෙ ඉතින් අද ටිකක් වෙනස් දෙයක් ගැන ලියන්න හිතුව . විශේශයෙන් කියල ලියන්න දෙයක් නැති නිසා මේ දවස් ටික ගෙවන හැටි ගැන ලියන්න හිතුව. අපි හිටපු සයිට් වැඩ ඉවර වෙන්නත් කලින් නවත්තන්න වුනා RDA එකෙන් ගෙවීම් කෙරූ නැති නිසා එක සයිට් එකක් නෙවෙයි අපේ ආයතනයේ සයිට් තුනක් ඒ විදියට වැඩ නැවතුනා. Training ඉන්න අපිට ඒක ලොකුවට දැනුනෙ නැති උනත් ඒ ප්‍රශ්නය නිසා අවාසනාවන්ත විදියට රැකියා පනහකට් වැඩි ප්‍රමාණයක් නැතිවී ගියා. ඒ මිනිස්සුන්ට හදිසියේම වෙනත් රස්සා හොයාගන්න සිදුවුනා. කොහෙන් ගියත් රටේ ප්‍රශ්නය අදාල වෙනව ඉතින් . ඉතින් සයිට් එකක් හොයල දෙනකන් අපිට ඉන්න වෙන නිසා මේ දවස් ටික ගෙදරට වෙලා ඉන්න සිදුවුනා. ඒකත් ලේසි වැඩක් නෙවෙයි. දවස් දෙකක් තුනක් කඩේට වෙලා ඒකෙ වැඩ ටික බලන් හිටිය. ඒත් දිගටම ඕක කරන්නද ඒ නිසා මාර කම්මැලිකමෙන් තමයි මේ දවස් ටික ගෙව්වෙ .

දවසක් දෙකක් යාලුවොත් එක්ක සෙල්ලම් කරන්න ගියත් ඒකත් වෙනද වගේ නෙවෙයි .දැන් ගොඩක් කොල්ලො නෑ ඒ වගේම දැන් ඉතින් බෝලයක් ගන්නත් බෑනෙ රුපියල් දාහක්නෙ , එක දවසක් ගහල බෝලෙ පැලුනොත් හිත හදාගන්න ලේසි නෑ ඉතින් දැන් 😂. කොහොමහරි ඊයෙ දවසනම් ෆිල්ම් එකක් බලල අමාරුවෙන් ගෙවාගත්ත. ඉතින් ෆිල්ම් එකනම් ගොඩක් කාලෙක ඉදන් එනකන් බලන් හිටපු එකක් KGF 2 . පලවෙනි එක බැලුවම වැටුනු රහ නිසා දෙවෙනි එක එනෙකන් තිබ්බෙ අමුතුම පිස්සුවක්. මේකත් පලවෙනි එකට දෙවෙනි වෙන්නෙ නෑ. ඉවර වෙනකන් අසාවෙන් බැලුවෙ. හිතපු නැති අවසානයක් තිබ්බත් ෆිල්ම් එකනම් නියමයි . Rating එහෙමත් නමයයි ගානක් තිබ්බ. ඉතින් බලන්න කියල reccomand කරන්න පුලුවන් ෆිල්ම් එකක් 😍.