Virata Parvam(2022)

හැමෝම හොදින් ඇති කියලා හිතනවා මේ දවස් වල. හොඳයි කියලා කියන්නත් බෑ ඉතින් මේ දවස් වල රටේ තියෙන්නේ ප්‍රශ්න විතරයි නේ.. ඉතින් හැමෝටම ප්‍රශ්න. ඉතිං කාලෙකට පස්සේ ෆිල්ම් එකක් ගැන ලියන්න තමා හැදුවේ. ජොබ් එක නිසා හුග කාලෙකින් නිදහසේ ෆිල්ම් එකක් බලන්න උනෙත් නෑ. ෆිල්ම් එකක් හොය හොය ඉන්නකොට අහම්බෙන් වගේ සායි පල්ලවීගේ අලුතෙන් ආපු ෆිල්ම් එක දැක්කා මං. ඒක දැක්කාම මොන වැඩේ තිබ්බත් නොබලා ඉන්න හිතුනේ නෑ.

ඉතිං ෆිල්ම් එකේ නම තමයි Virata Parvam. සත්‍ය කතාවක් ඇසුරින් නිර්මාණය කරලා තියෙන මේ චිත්‍රපටිය 2022 ජුනි 17 තමයි නිකුත් වෙලා තියෙන්නේ. ඒ වගේම තමයි Drama/Historical කාණ්ඩයට තමයි මේ චිත්‍රපටිය අයත් වෙන්නේ. IMDB 8/10 අගයක් සහ 84% ක ගූගල් පරිශීලක මනාපයක් ලබාගන්න මේ ෆිල්ම් එක සමත් වෙලා තියෙනවා. Udugula Venu කියන අධ්‍යක්ෂකවරයා අධ්‍යක්ෂණය කරලා තියෙන මේ චිත්‍රපටිය මේ වන විට ඉන්දීය රුපියල් කෝටි 12ක බොක්ස් ඔෆිස් අදායමක් උපයාගැනිමට සමත් වෙලා තියෙනවා.

එතකොට මේ ෆිල්ම් එකේ ප්‍රධාන චරිතය නිරූපණය කරන්නේ සායි පල්ලවී. මේ ෆිල්ම් එකේ නම් සායි පල්ලවීගේ Acting ගැන අමුතුවෙන් කියන්න ඕනි නෑ. රගපානාවා කියලා කියන්නත් බැරි තරම්. ඒ තරම් හොඳට රඟපානවා. අනෙක් ප්‍රධාන චරිතය නිරූපණය කරන්නේ Rana Daggabati.

මේ ෆිල්ම් එකත් අරගලයක් ගැන කියවෙන කතාවක්. එකේ ආදරයක අරගලයක් වගේම මිනිස්සුන්ගේ අරගලයක් ගැන තමයි තියෙන්නේ. ඉස්සර ඉන්දියාවේ ඉදලා තියෙනවා නක්සල්ලා කියලා අරගලයක් කරපු පිරිසක්. මේ පිරිස ඒ කාලේ ඉන්දීය ආණ්ඩුව සහ පොලිසිය විසින් සමාන්‍ය ජනතාවට කරන වධ හිංසන වලට එරෙහිව තමයි සටන් කරලා තියෙන්නේ. මේ පිරිස සහ පොලිසිය අතර නිතරම වගේ සටන් ඇතිවෙනවා. ඒ හැම සටනක්ම තුවක්කු වලින් තමයි කරන්නේ. මෙයාලා ඒ නිසාම කැලේ තමයි වැඩි පුරම හැංගිලා ඉන්නේ. මේ පිරිසට ජනතාවගෙන් ලොකු සහයෝගයක් තිබිලා තියෙනවා.

ඉතිං මේ කතාවේ ප්‍රධාන චරිතය තමයි වෙල්ලනා. එයා ඉපදෙනෙත් මේ දෙපිරිස අතර ඇතිවන ගැටුමක් මැද්දේ තමයි. වෙල්ලනා කියන්නේ පොඩි කාලේ ඉදන්ම හිතුවක්කාර කෙල්ලෙක්. මෙයා දවසක් නක්සල්ලා කණ්ඩායමක නායකයෙක්ගේ පොතක් කියවනවා. එදා ඉදන් කවදාවත් දැකලා නැති රාවණා දලාම් කියන නායකයාට වෙන්නලා ආදරේ කරන්න පටන් ගන්නවා.

ඒ ආදරේ නිසා වෙන්නලා තමන්ගේ දෙමම්පියනුත් අතැරලා ගෙදරින් යනවා. රාවණාව හොයාගෙන යන ගමනේදි වෙන්නලාට හීනෙකින්වත් හිතපු නැති විදිහේ කරදර ගොඩකට මුහුණ දෙන්න ඇයට සිද්ධවෙනවා. ඒ මොනබාධකය ආවත් වෙන්නලා එයාගේ අධිෂ්ඨානය අතැරියේ නෑ. අවසානේදි එයා නක්සල්ලා කණ්ඩායමේ සමාජිකාවකුත් වෙනවා. ඒත් කතාව අවසානය නම් දුක හිතෙන විදිහට තමයි ඉවර වෙන්නේ. ඒ නිසා මේක බලන්නම ඕනේ ෆිල්ම් එකක්. ආදරේ ගැන වගේම ජිවිතේ ගැනත් ලස්සන පාඩම් ගොඩක් ඒ කතාවේ තියෙනවා. කතාව බලාගෙන යනකොට හිතෙයි ඇත්තටම මේ වගේ ආදරය කරන මිනිස්සුත් ඉන්නවද කියලා ❤️