April Memories of us 💫🌼

මේ මාසේ තවත් අලුත් මාසයක් අද උදා වුනා. ඒ විදිහට අපිටත් නොදැනීම මේ අවුරුද්දේ මාස 4ක් ගෙවිලා අවසන් වුනා. කාලය කියන දේ කොච්චර ඉක්මනට ගෙවෙනවද කියලා තේරෙන්නේ එක මාසයක් ඉවර වෙලා අලුත් මාසයක් පටන් ගන්න කොට තමයි. ඒ විදිහට මාසයක් ගෙවුන නිසා මට හිතුනා ගිය මාසේ අපි දෙන්නා ගත කරපු පුංචි මතක කිහිපයක් මේ විදිහට අරගෙන එන්න.

ඉතිං ගිය මාසේ මුලම අපිට හොද මතක හිටින පාඩමක් ලැබුනා. අපි දෙන්නා සමාන්‍යයෙන් Tik tok එකේ මොකක් හරි හොද කෑමක් හරි, කෑම කඩයක් හරි දැක්කොත් අපි දෙන්නට ඉතින් ඒක try කරලම බලන්න හිතෙනවා. හැබැයි අන්තිම පාරට ඒවා බලලා ගියපු experience එකක්වත් අපිට හරි ගියේ නෑ. ඉතිං ඒ විදිහට අපි ගිය මාසේ ගියා tik tok එකේ ගොඩක් අය කෑම හොදයි කියලා දාලා තිබ්බ පිළියන්දල තිබ්බ කඩයකට. අපි ඉතින් කෝකටත් කියලා එක කෑම එකක් අරගෙන කන්න හදනකොටම අපිට එහා පැත්තේ හිටපු එක මනුස්සයෙක් කෑගහනවා ඇහුනා. ඒ මොකද කියනවනම් එදා තිබ්බ චිකන් එක කන්න කඩනකොට එකෙන් කුණු ගදක් එනවා. ඒ කියන්නේ චිකන් එක පරණ එකක්. අපිටත් ඉතින් හොද වැඩේ කියලා අපිත් ඒ කෑම එක දාලා ඒ කඩෙන් ආවා.

දැන් ඉතිම් කොහොම හරි කන්නත් ඕනේ නිසා අපි තව කඩයක් හොයාගෙන ගියා. එතනින් අපි ගත්තා Pork nasi gorang එකක්. ඒකනම් ඇත්තටම ගොඩක් රසයි. පිලියන්දල තියෙනවා යාල 777 කියලා ඒ කඩේ කෑම ගොඩක් රසයි. ගොඩක් සෙනගත් එනවා. ඒ වගේම තමයි එයාලගේ customer service එකත් හොදයි.

ඊට පස්සේ ඉතින් ආවේ සිංහල අලුත් අවුරුද්දනේ. මේ පාර නම් අපි එහෙම ලොකුවට ලැස්ති වුනේ නෑ. අම්මලාට, පවුලේ අයට ඇදුම් ගත්තා. ගෙදරට අවශ්‍ය කරන බඩු එහෙමත් අවශ්‍ය ප්‍රමාණයට ගත්තා. මේ පාර ඉතිම් අවුරුදු නැකත් රෑ තිබ්බ නිසා අපි කිරි ඉතුරුවපු එක විතරයි කලේ. අවුරුදු කෑම මේසය ලෑස්ති කලේ ඊලග දවසේ උදෑසන.

ඉතිං අවුරුදු ඉවර වෙලා දවසක්වත් යන්න උනේ නෑ, 15 වෙනිදා wife ගේ අම්මා අසනීප වෙලා එයාව කළුබෝවිල හොස්පිටල් එකට ඇතුලත් කලා. සති එකාමාරක් විතරම අපිට ගත කරන්න වුනේ හොස්පිටල් එකත් එක්ක තමා.

Wife ගේ අම්මව ගෙදර එක්කගෙන ආවට පස්සේ අපි ගෙදර පොඩියට දානයක් ලැස්ති කලා හාමුදුරුවෝ හතර නමකට. මියගිය පවුලේ අය සහ අපේ අම්මලට අශීර්වාද කිරිමේ අරමුණෙන් තමයි අපි ඒ දානය සුදානම් කලේ. ඉතින් අපිට එම කටයුත්ත ඉතාමත් හොදින් කරගන්න පුලුවන් උනා.

ඊට පස්සේ ගිය සතියේ දවසක wife අපේ ගමේ තියෙන ළමා සමිතියක ඉන්න ළමයින්ගෙන්, ළමයින් 15 දෙනෙක්ට නොමිලේම ඉංග්‍රිසි seminar එකක් කලා. ඒ එම සමිතියෙන් ලැබුන ආරාධනවක් නිසා. ඒකත් ඉතාමත් සාර්ථකව කරගන්න පුලුවන් උනා කියලා කියන්න පුලුවන්. මොකද මුළු seminar එක පුරාවටම මම එතන හිටපු නිසා මම දැක්කා ළමයි ගොඩක් උනන්දුවෙන් ඇහුම්කන් දිගෙන අවබෝධයෙන් ඉගෙන ගත්තා කියලා. අවසානේදී ඒ ළමයි ලස්සන feedback එකකුත් අපේ ටීචට දුන්නා.

ඉතින් ඔය විදිහට අන්තිම දවස් ටිකෙත් අපි නිදහස් වෙලාවට පුලුවන් විදිහට එලියට ගියා. මේ විදිහට තමයි අපි දෙන්නගේ තවත් ලස්සන මාසයක් ගෙවිලා ඉවර වුනේ.

Thank you for reading...🖊️