3rd ODI of Sri Lanka vs Australia 🥳🇱🇰

ශ්‍රී ලංකාව සහ ඔස්ට්‍රේලියාව අතර තරග පහකින් සමන්විත එක්දින තරගාවලියේ තුන්වන තරගය ඊයේ කොළඹ ආර්. ප්‍රේමදාස ක්‍රීඩාංගනයේදි පැවැත්වුනා. ඒ වන විට තරගාවලිය 1-1 ලෙස සම තත්වයේ තමයි කණ්ඩායම් දෙකම ඊයේ තරගයට පිවිසුණේ. ඊයේ තරගයේදි ශ්‍රී ලංකා කණ්ඩායමේ යම් වෙනසක් වී තිබුනා. ඒ අබාධයකට ලක්වූ ධනුෂ්ක ගුණතිලක වෙනුවට නිරෝෂන් දික්වැල්ල කණ්ඩායමට කැඳවා තිබුනා. ඕස්ට්‍රේලියානු කණ්ඩායමේ වෙනස්කම් 3 ක් සිදුවී තිබුනා. ඒ ස්ටීවන් ස්මිත්, පැට් කමින්ස්, මිචෙල් ස්වෙප්සන් වෙනුවට කැමරන් ග්‍රීන්, ජයි රිචර්ඩ්සන් සහා මිචෙල් මාර්ස් ඊයේ ක්‍රිඩා කලා.

ඒ අනුව කාසියේ වාසිය දිනු ඔස්ට්‍රේලියානු කණ්ඩායම ප්‍රථමයෙන් පන්දුවට පහර දීමට තීරණය කලා. ඒ අනුව ඔස්ට්‍රේලියානු කණ්ඩායමෙන් ශ්‍රී ලංකා කණ්ඩායමට ලකුණු 292ක ඉලක්කයක් හිමිවුණා. පන්දු යැවිමේදි ශ්‍රී ලංකා කණ්ඩායම වෙනුවෙන් ජෙෆ්රි වැන්ඩසේ කඩුළු තුනක් බිද හෙලිමට සමත් වුනා. ඔස්ට්‍රේලියානු කණ්ඩායම වෙනුවෙන් Travis Head නොදැවි ලකුණු 70ක් සහ නායක Aaron finch 62ක් ලබාගැනිමට සමත් වුනා.

පිළිතුරු ඉනිම ක්‍රීඩා කල ශ්‍රී ලංකා කණ්ඩායමේ පළමු කඩුල්ල ලෙස නිරෝෂන් දික්වැල්ල දැවි යාමෙන් පසුව පැතුම් නිෂ්ෂංක සමග එකතු වූ කුසල් මෙන්ඩිස් ශ්‍රී ලංකා කණ්ඩායම ජයග්‍රාහණය දක්වා රැගෙන යාමට සාර්ථක සම්බන්ධතාවයක් ගොඩනැගුවා. එහිදි කුසල් මෙන්ඩිස් පාදයේ ඇතිවූ ආබාධයක් නිසා පිටියෙන් ඉවත් වන විට නොදැවි ලකුණු 87ක් රැස්කරගෙන සිටියා. සිය මංගල එක්දින ශතකය රැස්කල පැතුම් නිෂ්ෂංක ලකුණු 137ක් ලබාගැනිමට සමත් වුනා. එම ලකුණු සංඛ්‍යාව වාර්තා වෙන්නේ ශ්‍රී ලංකා පිතිකරුවෙකු ඔස්ට්‍රේලියානු කණ්ඩායමට එරෙහිව රැස්කරගත් ඉහලම ලකුණු සංඛ්‍යාව ලෙසයි.

ඒ අනුව මෙම තරගය ජය ගැනිමත් සමග ශ්‍රී ලංකා කණ්ඩායම 2-1ක් ලෙස තරගාවලියේ පෙරමුණ ලබා ගැනිමට සමත් වුනා. එම ජයග්‍රහණය වාර්තා වුනේ කොළඹ ආර්. ප්‍රේමදාස ක්‍රීඩාංගණයේ පැවති ජාත්‍යන්තර එක්දින තරගයකදී කණ්ඩායමක් හබාගොස් ජයගත් ඉහළම ලකුණු සංඛ්‍යාව ලෙසයි. ඒ වගේම ශ්‍රී ලංකා කණ්ඩායම ඔස්ට්‍රේලියාවට එරෙහිව හබාගොස් ජයගත් ඉහළම ලකුණු සංඛ්‍යාවද මෙය වෙනවා.

ඒ වගේම පැතුම් සහ කුසල් එක්ව ගොඩ නැගු ලකුණු 170ක සබඳතාවය වාර්තාවෙන්නේ ශ්‍රී ලංකා පිතිකරුවන් දෙදෙනෙකු ඔස්ට්‍රේලියානු කණ්ඩායමට එරෙහිව දෙවෙනි කඩුල්ල වෙනුවෙන් රැස්කළ ඉහළම ලකුණු සබඳතාවය ලෙසයි.