ආසියානු කුසලානය

ම්ම්ම් ඔයාලට එකපාර හිතෙන්න ඇති මොකද මේ ආසියානු කුසලානයක් ගැන මන් කියන්න යන්නෙ කියල. ඇත්තටම යාලුවනේ කට්ටිය වැඩි අවදානයක් නැති උනාට කාන්තා ආසියානු කුසලානයේ තරග මේ වෙනකොට ආරම්භ වෙලා තමයි තියෙන්නෙ.ඔව් ඔව් ක්‍රිකට් රසිකයන්ට ක්‍රිකට් එපා වෙලා තියෙන මේ කාලෙ පොඩිහරි සතුටක් ගෙන ඇවිත් තියෙන්නෙ කාන්තා ක්‍රිකට් ක්ණ්ඩායම ලබගත් පෙරලිකාර තරග ජයග්‍රහණ සහ තරගාවලි ජයග්‍රහණ. ඔවුන් දකුණු අප්‍රිකාව ,නවසීලන්තය සහ බටහිර ඉන්දීය කොදෙව්ව වැනි ප්‍රබල කණ්ඩායම් පරාජය කරන්නත් සමත් වුනා. ඉතින් ඒ නිසාම කාන්තා ක්‍රිකට් තරග නරඹන්න ක්‍රිකට් රසිකයන්ගේ තියෙන කැමැත්ත ද ටිකෙන් ටික වැඩි වුනා.ඒවගේම තවත් විශේෂත්වයක් වුණේ ශ්‍රී ලංකා කාන්තා ක්‍රිකට් කණ්ඩායමට පිරිමි කණ්ඩායමට වඩා අනුග්‍රහකයන් ඉදිරිපත් වීමයි.කොහොමින් කොහොම හරි ශ්‍රී ලංකා කාන්තා ක්‍රිකට් කණ්ඩායමේ මෙම පිබිදීම ඇත්තටම සතුටට කාරණයක්.ඉතින් අද ලියන්න යන්නේ කාන්තා ආසියානු ක්‍රිකට් තරගාවලිය ගැනයි.

මෙවර තරගාවලියට සත්කාරකත්වය දක්වන්නේ ශ්‍රී ලංකාවයි.ඉතින් තරගාවලිය ඊයෙ ආරම්භ වුණා.ඒ වගේම ඊයේ කාගේත් අවධානය දිනාගත් ඉන්දියාව සහ පාකිස්ථාන අය අතර තරඟයද පැවැත්වුණා.එම තරඟයෙන් පහසු ජයග්‍රහණයක් ලබා ගන්නට ගියවර ශූරයන් වූ ඉන්දීය කණ්ඩායම සමත් වුණා.ඉතින් ශ්‍රී ලංකාවට පළමු තරඟය රිලෙස බංගලාදේශය සමඟ අද තරග වදින්න හැකිවුණා.එම තරඟයෙන් පහසු ජයග්‍රහණය ලබාගන්න ශ්‍රී ලංකා කාන්තා කණ්ඩායම සමත් වුණ.ඒ විශ්මි ගුණරත්නගේ විශිෂ්ට අර්ධ ශතකයක්ද සමඟින්.මෙවර තරගාවලියට කණ්ඩායම් අටක් ඉදිරිපත් වෙනවා.ඒ ඉන්දියාව, ශ්‍රී ලංකාව ,පකිස්ථානය ,බංගලාදේශය, මැලේසියාව නේපාලය එක්සත් අරාබි එමීර් රාජ්‍යය සහ තායිලන්ත කණ්ඩායමයි.තරංගාවලිය සති එකහමාරක් පුරාවට දිව යන අතර අවසන් තරගය 26 වනදා ක්‍රියාත්මක වීමට නියමිතයි. ඉතින් ගියවර අනුශූරයන් වූ ශ්‍රී ලංකා කණ්ඩායමට මෙවර ශූරයන් වීමට හැකි වනු ඇතැයි ශ්‍රී ලංකා ක්‍රිකට් රසිකයින් දැඩිසේ අනුමාන කරනවා.ඉතිං තරගාවලියේ ඉදිරි තරඟ ගැන හැකි අයුරින් ඉදිරිපත් කරන්න මම බලාපොරොත්තු වෙනවා.එහෙනම් ඊළඟ article එකෙන් හමුවෙමු.ඔයාලට සුභ දවසක්.