සල්ලි ආදරයට ගැටලුවක්ද????
ඉතිං ගොඩක් වෙලාවට අපි ඉස්සරහට යද්දී මුදල් ප්‍රධාන සාධකයක් වන අවස්ථා නොසෑහෙන්න හම්බවෙනවා.මානසික සතුට සල්ලි වලට ගන්න බැරි උනාට, ජීවිතයේ ගොඩක් අවස්ථාවන්වලදී සල්ලි මූලික වෙන අවස්ථා වැඩියි.අධ්‍යාපනය අවසන් කරලා රැකියාවකට සම්බන්ධ වීමත් සමඟ මුදල්වල වටිනාකම , සල්ලි හොයන්න තියෙන උනන්දුව තව තවත් වැඩි වෙනවා.ඉතින් මං තෝරගත්ත මාතෘකාවත් මේකත් එක්ක ටිකක් සම්බන්ධ වෙනවා.ගොඩක් වෙලාවට ආදර සම්බන්ධතාවයකට මුදල් බලපානවාද?? ඔයාලගේ අදහස මොකක්ද??හරි මං මගේ අදහස ඉදිරිපත් කරන්නම්.
මට අනුව නම් යන්නෙ එයාළගෙ ගෙදර අය බලන්න, මොකද එයාගෙ ගේ කොහොමද කියන එක මමත් හොඳටම දන්නවා අපේ ගෙදර අයත් දන්නවා.. 😇
බැඳලා ජීවත්වෙන්න සල්ලි අනිවාර්යයෙන්ම ඕනෙ, ඒකෙ ආයෙ තර්කයක් නෑ තමා, ඒකෙ තේරුම එයාට හොඳට සල්ලි තියෙන්න ඕනෙ කියන එකම නෙමෙයිනෙ, අනික එයාට මට වඩා වැඩිපුර තියෙන්නත් පුළුවන්නෙ, ඒ හන්දා මනුස්සයෙක් එක්ක ජීවිත කාලෙම ඉන්න සම්බන්ධතාවක් හදාගන්න ඕනෙ නම් මුලින්ම එයා ඉන්න තැන පිළිගන්න ඕනෙ, නැත්තං අනිත් කතාන්දර ඔක්කොම වචන විතරයි... 😌
දවසක් මගේ යෙහෙළියක් කියනවා එයාව බලන්න ආපු මනමාලයා කියනවලු දැන් එයා කරන ස්වයං රැකියාවෙන් ඉස්සරහට යන්නලු, නමුත් බැලුවම ඒ කොල්ලට ඕනවෙලා තියෙන්න එයාව ඉස්සරහට යවන්න නෙමෙයි එයා හොඳට සල්ලි හොයන කෙල්ලෙක් වෙන්නයි, අන්තිමට කොහොමහරි ඒ කසාදෙ උනේ නෑ..
සල්ලි නැති හන්දා ආදරයට ප්‍රශ්න එනවාම නෙමෙයි ඒත් සම්බන්ධතාවය කිසි හයියක් නෑ සල්ලි පොඩ්ඩක් හරහට ආපු ගමන් ආදර කතා ගැලවිලා යනවා..
සමහරවිට ඔයා ඇත්තටම ආදරණීය බැඳීමක් හොයනවා නම් ලේසි වෙන්නෙ නෑ, මොකද ගොඩක් අයට මේ ඔක්කොම පැටලිලා..