කළු සුදු මල්

source

2002 වසරේ දී තිරගතවුණු කළු සුදු මල් චිත්‍රපටය මොහාන් නියාස්ගේ චිත්‍රපටයක්. උතුරේ කොටි සංවිධානයක මරාගෙන මැරෙන තරුණ සාමාජිකයෙක් සහ සාමාජිකාවක් විදේශිකයෙකු ඝාතනය කිරීමට නගරයට පැමිණීයාට පස්සේ ඒ ඉලක්කය සපුරා ගන්නා ආකාරය සහ ඔවුන් මුහුණ දෙන ගැටලු ගැන මෙම චිත්‍රපටයෙන් කතා කරනවා. මේ චිත්‍රපටියේ දිලීප් ගේ චරිතය කමල් අද්දරාඅරච්චි, නිර්මලාගේ චරිතය දිල්හානි ඒකනායක, මාලාගේ චරිතය යශෝදා විමලධර්ම, චතුරගේ චරිතය ලින්ටන් සේමගේ ආදී නළු නිළියන් රග දක්වලා තියෙනවා. කළු සුදු මල් චිත්‍රපටියේ තේමාව වෙලා තියෙන්නේ තම සංවිධානය වෙනුවෙන් දිවි පරදුවට තබා ඉටු කළ යුතු වගකීම, ඒ සඳහා ඔවුන් ජයගත යුතු අභියෝග සහ තම අරමුණ ඉටුකර ගැනීමේ දී මතුවන බැඳීම් ආදිය ගැන කියා පෑමයි. මේ චිත්‍රපටිය ආරම්භ වන්නේ සන්නද්ධ සංවිධානයක නායිකාවක් බෝම්බකරුවාට සහ බෝම්බ කාරියට තමන්ගේ ඉලක්කය සපුරා ගන්න නගරයට යන්න කලින් ඔවුන්ට දෙන අවවාද සහ ඉටු කළ යුතු වගකීම් පැහැදිලි කරලා දෙන දර්ශනයකින්. ඒකෙදි දෙන අවවාදය තමා ඒ දෙදෙනා අතර කිසිම විටකවත් ප්‍රේම සම්බන්ධයක් ඇති නොවිය යුතු බවත්, වැඩේ අවසන් වුණාට පස්සේ දෙන්නාම සියදිවි හානි කරගත යුතු බවත්, ඒ වන තුරු ඔවුන්ට අති සුඛෝපභෝගී ජීවිතයක් ගත කරන්න පුලුවන් කියලාත්.

source

ඉන් පසුව දිලීප් සහ නිර්මලා නගරයට පැමිණෙනවා. තම සංවිධානයේ නියෝගය මත ඔවුන්ට පැවිරිලා තියෙන්නේ අගනුවරදී විදේශකයෙකු ඝාතනය කර ජීවිතක්ෂයට පත්වීමයි. ඔවුන් තම ඉලක්කය සැලසුම් කිරීමේදී ඒකට ඔවුන්ට අවශ්‍ය පහසුකම් ජාලයක් නගරයේදී ක්‍රියාත්මක වෙනවා. ඒවගේම මේ සීමිත කාලයේදී ඔවුන්ට සැපවත් ජීවිතයක් ගත කරන්නට ද අවස්ථාව ලැබෙනවා. මේ අතර වෙනත් සන්නද්ධ සංවිධානයකින් පළා ආ සාමාජිකාවක් වන මාලා නම් තරුණියක් ද මේ දෙන්නාට එකතු වෙනවා. දිලීප සහ නිර්මලා එකිනෙකා එක්ක ගොඩක් සමීපව හිටිය නිසා නිර්මලාට දිලීප ගැන ආදරයක් ඇති වෙනවා. එහෙම උනත් දිලීප ඒ ගැන හිතන්නෙ නැතිව ඔවුන් පැමිණි කාරණය ගැන ම උනන්දු වෙනවා. මේ අතරේ ඔවුන්ගේ සැලසුමට විදුලි කාර්මිකයෙක් ඕන වෙනවා. නිර්මල ඒ සඳහා චතුර කියලා සිංහල තරුණයෙක් පොළඹවා ගන්නවා. ඒ ඔහුට වෑන් රථයක් අරන් දීල. කාලයක් ගතවෙනකොට නිර්මලා සහ චතුර අතර ප්‍රේමයක් ඇති වෙනවා. මේ සම්බන්ධතාවය ගැන දිලීපට ලොකු ඊර්ෂ්‍යාවක් ඇති වෙනවා. මේ හේතුව නිසා දිලීප් නිර්මලාට ආදරේ කරන්න පටන් ගන්නවා. මේ අතරේ ඝාතනයේ සැලසුම ද ටිකෙන් ටික ක්‍රියාත්මක වෙනවා. කාලයක් ගත ගත වෙනකොට දිලීප් නිසා නිර්මලා ගැබ් ගන්නවා. දරුවෙකු පිළිසිඳ ගැනීම ඔවුන්ගේ ජීවිත දෙස නවකෝනයකින් බැලීමට හේතුවන ශක්තිමත් සාධකයත් නිසා ඔවුන් ප්‍රචණ්ඩකාරී දේවල් වලින් ඈත් වෙලා ඈත් ඈත් වෙලා අලුත් ජීවිතයක් ගැන බලාපොරොත්තු තියාගන්නවා. ඔවුන් එහෙම හිතුවත් ඒ සඳහා ඔවුන්ට නිදහසක් නෑ. ඔවුන් සන්නද්ධ සංවිධානයේ කීමට ගරු කළ යුතුයි. මේ නිසා ඔවුන් සිදු කරන්නේ මේ වැඩේට චතුරව පොළඹවා ගැනීමයි. නිර්මලා කෙසේ හෝ චතුර රවටා ගෙන ඔහුගේම වෑන් රථයේ බෝම්බයක් සවිකර විදෙශිකයා ඝාතනය කිරීමට සැලසුමක් සකස් කරනවා. ඊට පස්සේ ඔවුන් හෙමින් හෙමින් ඒ සැලසුම් ක්‍රියාත්මක කරනවා. දිලීප් බෝම්බේ පිපිරෙන්න කලින් ගඟකට පැනලා ජීවිතය ගලවා ගන්නවා. මේ වගේ තවත් චිත්‍රපටියකින් අපි ඉක්මනටම හම්බවෙමු.