හැමදේම ඔන්ලයින් ගන්න ඕනද?

අද මම ඔයාල එක්ක කියන්න යන්නෙ ඔන්ලයින් බඩු ගන්න එක සහ අපි විසින්ම ගිහින් බඩු ගන්න එක් අතරෙ වෙනස. මේ ගැන ඔයාල එක්ක බෙදාගන්න හිතුනෙ ලගදි මම ලබපු අත්දැකීමක් නිසා. ඔයාල දන්නවත් ඇති මම ලගදි මගේ මේසෙ වෙනස් කරා.ඉතින් මට ඕන උනා ඒ මේසෙට පුන්චි පැලයකුත් එකතු කරගන්න. මම ඉතින් මේ පැල ඔන්ලයින් ඕඩර් කරන්න පුලුවන් වෙබ්සයිට් ගැන හොයල බැලුවා.එහෙම සයිට් ගොඩක් තිබුනත් ඒවයෙ මිල රුපියල් 500 න් ඉහල තමයි තිබුනෙ. ඩිලිවර්ත් එක්ක බොහෝවිට රුපියල් 1000 කකට වඩා වියදම් වෙන්න තිබුනා.මේ දවස් වල රුපියල් 1000 ක් කියන්නෙත් ගොඩක් වටිනවනෙ. 🙄

ඉතින් ඔහොම ඉන්න අතරෙ අහම්බෙන් මම දැක්කා අපේ ටවුන් එකේ එක්තරා මල්පැල විකුනන කඩේක මේ වගෙ විසිතුරු පැල විකුනන්න තියෙනවා.පතොක් පැල උනත් විවිද වර්ගයෙන් තිබුනා. ඉතින් ඒ ගැන මතක තියාගෙන වෙනත් දවසක ඒ කඩේට ගිහින් පැලේක ගාන ඇහුවා. හිතාගන්නවත් බෑ පැලේ ගාන ඇහුවම. අවම මිල රුපියල් 80 ඉදන් උපරිම මිල රුපියල් 250 කට වගේ කිට්ටු වෙන්න තමයි මේ වගේ පැල මිල කරල තිබුනෙ. ඉතින් ආයෙ දෙපාරක් හිතන් නැතුව ඒ පැලේ ගත්තා. ඊලගට ඕන කරන්නෙ පෝච්චියක්. ගොඩක් දුරට මේවට බාවිත වෙන්නෙ පොඩි සුදු වගේ පෝච්චියක් නිසා එහෙම පෝච්චියක් ඒ කඩේ හෙව්වත් තිබුනෙ නෑ.

ඉතින් රුපියල් 80 කට පැලේත් අරන් ඊලගට ගියා සිමෙන්ති වැඩපලකට.ඒ කියන්නෙ සිමෙන්ති වලින් මල් පෝච්චි වගේ විවිද දේවල් හදන තැනකට. ගිහින් පුංචි පැලේට හරියන පෝච්චියක් හෙව්වා. සුදු පාට පෝච්චි තිබුනෙ නැතත් පැලේට ගැලපෙන පෝච්චියක් ඒ කඩෙන් හම්බුනා. ඒ පෝච්චියට වියදම් උනේ රුපියල් 100 යි. දැන් මේ පැලේට ඕන කරනව සුදු පාට ගත් කැට. ඉතින් මේව ගන්නෙ කොහෙන්ද කියල හිතනකොට අක්ක කිව්වා එයා කලින් මල් ගත්ත කඩේක තිබුන කියල.ඉතින් අපි එතනට ගියා. ඒ කඩේ එක එක වර්ගයේ ලස්සන ලස්සන ගල් වර්ග තියෙනවා. ඉතින් මගේ තීම් එක සුදු නිසා මම් සුදු පාට ගල් කිලෝ එකක් ගත්තා. ඒකට රුපියල් 150 යි ගියේ. පෝච්චියේ ගාන්න සුදු පාට ලැකර් එකකුත් ගන්න ඕන උනා. ඉතින් හාර්ඩ්වෙයා එකකින් ලැකර් ටින් එකක් ගත්තා. ඒකට වියදම් උනේ රුපියල් 140 යි. මේ වියදම වෙනස් වෙන්න තිබුනා සුදුපාට පෝච්චියක් තිබුනනම්.

හදන ගමන්

දැන් මගෙ පැලේට අවශය කරන හැම දේම මම ගත්තා. ඉතින් මේ ඔක්කොටම වියදම් වෙලා තියෙන්නේ රුපියල් 470 යි. ඔන්ලයින් ඕඩර් කරානම් දල වශයෙන් මට රුපියල් 800 කට වඩා වියදම් වෙන්න තිබ්බා. මම හිතන්නෙ මට රුපියල් 300 ක විතර ලාබයක් වෙලා තියෙනවා. මේක ලෝබ කම නෙවෙයි. අපිට පොඩ්ඩක් මහන්සි උනා නම් මේ විදිහට ගොඩක් වියදම් අඩු කරගන්න තිබුනා. ආ ඒ වගේම මේසෙ උඩ කෝප්ප වගේ දේවල් තියන්න ටේබල් මැට් එකක් මට ඕන කරපු නිසා ඒකත් මම ඔන්ලයින් බැලුවා. ඒවත් මේ වගේම ගොඩක් මිලයි. ඉතින් දවසක් වෙන් අවශ්‍යතාවකට ගාලු ගිය වෙලේ මන්ජරි එකට පොඩ්ඩක් ගිහින් ටේබල් මැට් එකක් හෙව්ව. රුපියක් 140 ක් වගේ මිලකට හොදම් නිමාවෙන් තියෙන ලස්සන ඩිසයින් එකකුත් එක්ක අඩි දෙකක වගේ දිගක් තියෙන ටේබල් මැට් එකක් හම්බුනා.

ටේබල් මැට් එක

ඉතින් කොහොම් හරි මේ හැම දේම පාවිච්චි කරලා මගේ පෝච්චිය ලස්සනට හදාගන්න මට පුලුවන් උනා ගල් වලට අමතරව පාට පාට බොත්තම් දෙක තුනක් වගේම් සිප්පි කටු ටිකකුත් දාල තව ටිකක් ලස්සන කරගත්තා.