Better Days...

හුඟක් කාලෙකින් ආයෙම ආවෙ සුපුරුදු බැඳීමෙන් පිළිගනී කියන විශ්වාසය තියෙන නිසා. හැමෝම හොඳින් නේද..? ඇත්තටම මට නම් පහුගිය ටිකේ පොඩි දේවල් කීපයක් නිසා ඔළුවෙ ලොකු පීඩනයක් තිබුණ. කිසිම වැඩක් කරන්න නොහිතෙන තරමට.. ඒ නිසාම කොහේ හරි ගිහින් හිත නිදහස් කරගන්න ලොකු උවමනාවක් තිබුණ.

අපි හැම අවුරුද්දෙම පෙබරවාරි 28ට කලින් නොතාරිස් බලපත්රය අලුත් කරන්න ඕනි. මගේ පදිංචිය අනුව මං අයත් වෙන මහාධිකරණ කලාපෙ නුවරඑළිය. ඉතින් ඒ වැඩේට නුවරඑළි යන එකේ දවසක් එහෙ ඉඳල පොඩ්ඩක් ඇවිදල ආවොත් හොඳයි නේද කියල විශ්වයි මායි කතා වුණේ මාසෙකට විතර කලින්. මොකද ගිනිගත්හේනෙ කිව්වම නිකන් නුවරඑළියෙ වගේ තමයි උනාට ගිනිගත්හේනෙ ඉඳල කිලෝමීටර හැටක් හැත්තෑවක් යන්න ඕනි. මම නුවරඑළි ගිහින් තියෙන්නත් දහම් පාසල් තරඟ වලටයි Notary License අලුත් කරන්නයි විතරයි.

ඉතින් එහෙම කතා වුණු දවසෙ ඉඳන් අපි නවතින්න තැන් හෙව්ව. අපි දෙන්නගෙ හිත ගියෙ ටිකක් වෙනස් තැනකට. ඔයාල මේ තැන ගැන සමහරවිට අහලත් ඇති.. ඒ තමයි Redwood Cabin. ලීයෙන් හදපු Rustic theme එකට යන පුංචි Cabin එකක්. ලස්සන පුංචි මල් වත්තක් මැද්දෙන් තමයි Cabin එකට ඇවිදගෙන යන්න තිබුණෙ. ඇස්වලට හරිම සනීපයි.

Cabin එක ඇතුළෙ ටිකක් අඳුරු උනාට හරි අමුතු ලස්සනකුත් තිබුණ. ඉතින් අපි දෙන්න ෆොටෝ ගත්ත. එන ගමන් අරන් ආපු පුංචි පුංචි කෑම ජාති කෑව. වරද්ද වරද්ද හරි හිතේ හැටියට සිංදු කිව්ව. ඇතිවෙන්න Strawberry කෑව. ජීවිතේ ලස්සනම දවසක් ඒ Cabin එකේ ගතවුණා කිව්වොත් හරි. ඒ දවස ගැන තවමත් ලෝබ හිතෙන තරම්ම...

ඔයාලටත් ඒකාකාරී ජීවිතේ පුංචි වෙනසකට ගිනිගහන නගරෙන් ඈත්වෙලා මේ සීතල කොළපාට පරිසරේට ඇවිත් බලන්න. හිතට ලොකු නිදහසක් දැනෙයි. අපිට වගේම..

එයාලට Cabins දෙකක් තියෙනව. අපි නැවතුණේ Normal Cabin eke. තව Luxary Cabin එකකුත් තියෙනව. ගණන් වල ලොකු වෙනසක් නෑ. හැබැයි අපි දාපු Booking එකේ අවුලක් නිසා අපිට Luxary Cabin එකේ ඉන්න උනේ නෑ. ඉතින් ඔයාල යනවනම් හරියටම Booking එක දාල Confirm කරල යන්න.

අපි පහුවදා එන ගමන් ඇවිදින්න ගිය තැන් ගැන ආයෙ දවසක කියන්නම්...