The Diary Game / Better Life 3.Season 30.07.2021

Son zamanlar yaranmış yeni vərdişim sayəsində bu gün də telefonda quraşdırdığım saatdan daha erkən oyandım. Telefonda bütün sosial şəbəkələri "kontrol" etdikdən sonra, nəhayət qalxaraq günə başladım.

Bu gözəlliyi də sizinlə paylaşmaq istədim:

Hər gün, növbəti gün nələr edəcəyimi yazmasam, səhər oyananda yarım saat həyatı sorğulayıb əhvalımı maksimum aşağı salıb elə qalxıram yataqdan. Ona görə də mütləq növbəti günün "to do" listini axşamdan yazıram.

O qədər unutqanam ki, bu listə ən sadə şeyləri belə yazmağa məcbur oluram.
Və bu arada texnologiya nə qədər inkişaf edirsə etsin kağız və qələmi heç nəyə dəyişmərəm:)) O ki, işləri həll etdikcə "həll olundu" mənasında işlərin önündəki kvadratları "tikliyirəm" ha, bax o möhtəşəmdi.

İlk olaraq Alba'mın yeməyini verdim.Rica elədim şəklini də çəkdim🌝

Poza da verir hələ bir :))

Sırada özüm varam. Səhər yeməyi olmazsa olmaz mənim üçün. Səhər yeməyi yemədiyim günü nə yaşaya bilirəm nə də o gündən zövq ala bilirəm. Öz xüsusi və monoton səhər yeməyimi də çox sevirəm. Hər səhər ilk dəfə imiş kimi həzz alıram yeməyimdən. Ümumiyyətlə mən təkbaşına etdiyim hər şeydən çoox böyük, sonsuz bir zövq alıram.

Sonra dünəndən ağlıma gələn bu balacanı hazırladım:)

Dünəndən hey düşüncələrimi məşğul edirdi ki, niyə məni hazırlayıb yemirsən?)

Bunu hazırlayarkən də türklər demiş: "klasik" ev işlərini həll etməyə başladım bir yandan.
Günün sonrasını isə yenə türklər demiş "doğaçlama" yaşadım.