Təzə play listim var. Dünya vecimə də deyil.

Nihat bərdəli prodakşn təqdim edir.

Dünən gecə yarə namə yazdım, görən necədi məndən uzaqlarda..
Bir dəfə heç halımı soruşmazmı, qalmışam əllərdə ayaqlarda.

Dünəni bu gün anlatmaq varmış kaderimizdə. Bizim dildə "qədərimiz" olmalı, o da pis səslənir. Fikrimizi türkcə ifadə edəndə fikrin bədii-estetik gücü artmış olur. Ətiniz tökülsün, aşkitolar!!!

Azərbaycanda sevgililərin 99%-i telefona qarşı tərəfin adını " Aşkım" qeyd edib. Bizim dildə "Sevgim" olur? Siz bilərsiz, oxumuş adamlarsız.

"Eksklüziv olaraq saray nöqtə az saytı üçün".( bu yersiz haşiyələr fonda olan musiqidəndir)

Əəəə, niyə ölmürsüz?
Ədəbiyyatda iqtibas deyilən bir termin var, bu gün bir az iqtibas edəcəyəm. İntihar silsiləsindən.

Salam, qatar, darıxıram, bu təklik
Yenə məni üzüyumşaq tanıdı.
Yenə Mamed, yenə soyuq, yenə mən
Yenə yerim pəncərənin yanıdı

Qatarda yol yoldaşı ola, o da yıxıla yata. Vallahi böyük dərddir. 45 dəqiqəlik yolda çənə tərpətməyə bir allahın qulunu tapmayasan.

Uzaq-uzaq səhralarda
Karvan ola, yol olaydı
Mən ya karvan gözləyəydim
Ya karvanda qul olaydım

Adı çəkiləş şəxs Mameddir(@raul93) , bu bədbəxtinin çiyninə əl vurmaq istəyirsən, görürsən yatıb.

Vuraydım bir dost çiyninə
Bir cüt ağır əl olaydım
Qumu küləkdə sovrulan
Boz, tikanlı çöl olaydım

Yazının bu yerində müasir Azərbaycan ədəbiyyatından yazacam. Mənim yazılarını izlədiyim, fikirlərinə hörmət ilə yanaşdığım yetəri qədər müasir Azərbaycan yazarı var. Və düşünürəm ki, bu yazarlar gələcəkdə ədəbiyyat dərsliklərində öz yerini tapacaq.

(Qısa haşiyə. Mən Mameddən adam düzəldəcəm. Ya o məni dəli edəcək, ya da mən onu adam edəcəm. Bildiyiniz "qara kurtkalı qaqa tipi". Bu siqaret çəkməyinə bax hələ, bunun yaşıdları it-pişik saxlayır. "Tı duruq, ya duruq, mı kriminallı kruq" adamın dinlədiyi budur. Bizim Yusif ilə yaxşı tutur söhbətləri.)

Ağ tük tapdım arasından saçımın
Qoparmadım, saxlamışam, çoxalsın
Otuz ildə cavan qalıb, neynədim?
Canı çıxsın, saçlarımın, qocalsın.

İqtibas etdiyim şəxs Günel Mövlüd idi. Onu sevməyən ölsün.

Özüm üçün siyahı tutmuşam və ümid edirəm ki, mənim bu yazımdan sonra sizlər də müasir Azərbaycan ədəbiyyatı ilə maraqlanacaqsınız. Bəlkə də bir çox müəlliflər və əsərləri ilə yaxından tanışsız.

Əli Əkbər- "Emiqrant", Günel Mövlüd- "Düşərgə", Seymur Baycan-"Mənim mübarizəm"(silsilə cildlər), "Başıdan bezən adam", Cəlil Cavanşir-"Eşq və intihar", Aqşin Yenisey-"Tarix və tale", Rasim Qaraca-"Zülmətdə bir alatoran", Şərif Ağayar-"Ağ göl", Kamal Abdulla-"Sehirbazlar dərəsi". Kimlərin əlavəsi varsa aşağıda qeyd edə bilər.

Uzun siyahım var, mənim düşüncəmdə olmaya bilərsiz. Amma müasir düşüncə həmişə sərt təndiqlərə məruz qalır. Klassik ədəbiyyat da bir yerə qədərdir. Stop!!!

Biri gəlib yazacaq ki, bizdə ədəbiyyat yoxdur. Axı sən nə vaxt müasir ədəbi yazarlar ilə maraqlandın ki?!!
Razıyam, Azərbaycanda ədəbiyyatın fotosu aşağıdakı kimidir. Amma ölüb də demək olmaz. Bir az çöldə qalıb. Kəramət Böyükçölün "Çöl" romanı kimi. Siyahıya Kəraməti də salmış oldum.

Bu yerdə @nurengizbagirova müəllimənin səsləndirdiyi şeiri paylaşmasaq olmaz.