Salam dostlar, əziz izləyicilər. Mən yazımı sona saxladım ki, ölkə paytaxtı haqqında bir yazı ilə möhürbənd edim. Post bizim topluluğun təşkil etdiyi Steemit Enagement Challenge ||💚||Season2, Week #1 ||💚|| 🛫🌏 Your travel manager ✈ müsabiqəsi üçün yazılır. Yarışa qatılan hər kəsə təşəkkür edirəm. Bu sezon bütün dünya Steemitçilərinə ev sahibliyi etdiyimiz üçün çox xoşbəxtik.

Bizim topluluq bilir, digər topluluqların yazarlarına bildirim ki, Bakı Azərbaycanın paytaxt şəhəridir. Ölkənin ən gözəl şəhəri və əhalinin ən sıx məskunlaşdığı ərazisidir. Bu postda şəhərin qədimli və ya tarixi haqqında uzun-uzadı yazmaq fikrim yoxdur. Mən bugün sizin burda səyahət bələdçiniz olacam, əgər Bakıya səyahət etmək istəsəniz mənim postum sizə haraları gəzmək və haralarda istirahət etmək olduğuna bir az da olsa yardımçı olacaq, zatən mövzumuzun da məqsədi bu idi.

Birinci və əsas önəmli məsələ- Azərbaycana, Bakı səyahət etmək istəsəniz heç zaman Azərbaycan Hava Yollarından bilet almayın, qiymətlər çox bahadır. Bu şirkət təkəldir, monopoliyadır. Çalışın digər ölkənin hava şirkətlərinin xidmətlərindən istifadə edin. Eyni qayda burdan öz ölkənizə qayıdanda da keçərlidir. AZAL- Azərbaycan Hava Yolları Bakıda keçirdiyiniz və istirahət etdiyiniz günləri burnunuzdan gətirə bilər.

Gəldiyiniz ölkədən təyyarə ilə gələcəksinizsə ilk görəcəyiniz məkan Heydər Əliyev adına hava limanı olacaq. Mümkün qədər şəhərin mərkəzinə taksi ilə gəlməyin, hava limanından şəhər mərkəsizə "exspress bus"lar xidmət edir. Hər yarımsaatdan bir şəhər mərkəzinə hərəkət edirlər. Və geri qayıtmaq üçün də bu xidmətdən istifadə etməyiniz məsləhətdir.

Bakı müasirliyin klassik üslub ilə yaxından təmas etdiyi bir şəhərdir, əsasasən bunu mərkəzdə hiss etmək mümkündür, qədim qala divarları içərisində tarixi özündə daşıyan şəhər və divarlardan kənarda yerləşən müasir şəhər abu-havası. Bakı liman şəhəridir. Xəzər dənizinin ən gözəl şəhəri. Bir Cənub şəhəri. Biz Bakını hər halı ilə sevirik. Neft qoxusunu, küləkli havasını. Bakı küləklər şəhəridir. Adı da ordandır. Badi-Kubə.

Bir şəhəri və ya ölkəni gəzərkən gecəni harda qalmaq və nə yeyəcəyin önəmlidir. Bakı bir gecəlik otelin qiyməti 50 manat- 30 dollar- indiki qiymətlə 130 steem xərciniz çıxacaq. Bu qiymətə yemək daxil deyil. Bakını gəzmək üçün hostellərdə gecələyərək daha çox görməli yerlərə pul xərcləsəniz faydalı olar. Bahalı restoranlardan da uzaq durmağınız məsləhətdir. Şəhər mərkəzi çox bahalıqdır.

Gəzinti maraqlı olsun deyə "BakuBus" və "Bakı metrosu" çox əlverişlidir. Pik saatlarda məsləhət deyil. Axşam saatlarında "basabas" başlayır.

Gəlirik mətbəxtə, Azərbaycan mətbəxti çox zəngindi. Mən deyərdim ki, dünyanın ən zəngin təamları bizim ölkədədir və çox dadlıdır. Siz ən azı "üç bacı dolması"-nın dadına baxmalısınız. Qara bacıdan başqa digər ikisini yemək məsləhətdir.

Çalışıb şəhər məzkəzindən bir az kənarda xudmani restoranlarda Bakının dadını çıxarasınız.

Dünyanın heç yerində Bakıda olan çay süfrələri ola bilməz. Ümumiyyətlə bizim ölkə insanı hər şeyin ən yaxşısını etməyə cəhd göstərən adamdı. "Qarın qardaşdan irəlidir" məsəli elə belə yaranmayıb ki. Çay dəsgahı sifariş etsəniz azı 50-100 manat arası "tərləyəcəksiniz".

Bir də bu şəhərə dronların gözü ilə səyahət edək. Video formatda. Gəlib, səyahət edib, peşman olmayacağınız bir diyardır Azərbaycan və onun göz bəbəyi Bakı.