❤Club100🦾 || THE DIARY GAME Better Life// Qısa hekayələr. Ordan-burdan // 17.04.2022

Salam dostlar, bugün necəsiz? Yazacağım yazı bir az ordan-burdan olacaq. Başlığı soradan dəyişdim. Eləcə "Qısa hekayələr" idi. Həftəbecər edəcəm. Yaxın oturun, çayınızı, qəhvənizi alın da gəlin.

Ernest Heminquey qədər yazıları ilə insana təsir edən az sayda ədəbiyyat adamı var, yazar və yazıçı başqa şeydir, ədəbiyyat adamı başqa şeydir. Adam müharibə mözvuarını daha yaxşı işləmək üçün müharibəyə gedir, vuruşur, düyanən düzəninə, insanlığa nifrət edir. Yazılarında da bu öz əksini tapır.

Romanlarını, böyük əsərlərini qoyaq bir kənara adam bir cümləlik hekayələrin yaradıcısı hesab olunur və bir cümlədə ifadə etdiyini insan günlərcə düşünür, təsirindən çıxa bilmir. Yadımda qalan bir neçə "bir cümləlik hekayə"sini yazacam. Sizə də maraqlı olar yəqin ki.

"Uşaq çəkmələri satılır, geyinilməmişdir."
"Sərnişinlər, indi sizinlə danışan kapitan deyil."

Bu fotoya bayaq xeyli baxmışam, uzun zamandır özümə baxmamışdım, saçlar ağarıb, üz qırışır, deyəsən qatar gedir. Ernest Heminquey dayımın da belə bir qısa hekayəsi var.

"Özümü yaşa dolmuş təsəvvür edirdim. Yaşa doldum. Təsəvvürüm itdi."

Yenə @isa545 parkda peyda oldu, adam məni qarabaqara izləyir. Parka gedirəm, ordadır, Steemitə girirəm, burdadır.

Birini gün ərzində bir insanı bir dəfə görürsüzsə, təsadüfdür. İkinci dəfə görürsüzsə, şübhələnin, üçüncü dəfə görürsüzsə qorxmağa başlayın.

Adamı gün ərzində beş dəfə görürəm. Artıq nələrsə yolunda deyil.

Mesaj gəldi ki, "Qayalı" marketdə endirim var, getdik. Sabun aldım, evə gələndə özümü Cəbiş müəllim kimi hiss edirdim. Mən bir daha sabun bişirməyəcəm.

Bugün əksərimiz yaşamımızdan gileyliyik, düşünün ki, əksəriyyət xəyal edir bizim yaşadıqlarımızı. Belə düşünəndə motivasiya alıram, yenidən dirilirəm və formatlanıram.

Günü axşam etdim, uşaqlarla park gəzintisi, sonra çay süfrəsi. Sonra yenidən piyada şəhərin o başından bu başına var-gəl etmək. Çoxlarının xəyal etdiyi həyat bəlkə budur?

Həyatda da, sevgidə də xoş sədalara köklənin!!! Musiqiyə qulaq asın, səssizliyə öyrəşdirin özümüzü, toplumda tək qalmağı bacarın, özünüzü tapacaqsız.