💚💙🤎💛Club100|| THE DIARY GAME Better Life.|| Qaxa səyahət və gürcülər. İlisu // 29.07.2022 🔥 BURN STEEM. 25% beneficiary to @null

Salam dostlar, yay gələndə hamı kimi biz də küyə düşüb getmişdik rayonlara. Əslində biz azərbaycanlıların istirahət düşüncəsi whatsappa harda olduğu ilə bağlı foto və ya video paylaşmaqdan o tərəfə keçmir. Biz istirahəti də qohum-əqrəba, qonşu, dost-tanış üçün edirik. Məsələn, filan yerdəyik, filan şəlalədəyik. Bu kimi paylaşımlar. Özü üçün istirahət etmək mədəniyyətini yəqin ki zamanla qazana biləcəyik.

Qaxa getmişdim. Bir gürcünün evində qalmalı oldum. Qax rayonunun Qaxbaş kəndində. Kəndin və Qax rayonun əhalisinin çox hissəsi gürcülər, ruslar, avarlar və Azərbaycan türklərindən ibarət imiş. "İnternational" bir ortamda yaşamaq çox maraqlı olmalıdır. Ləhcə olaraq Şəki camaatı kimi danışırlar. Müşahidələrimə görə gürcülər çox aqresiv idi. Digər millətlər daha səmimi və qonaqpərvər idilər. Əgər bir bölgəni tanımaq istəyirsənsə mütləq həmin ərazinin bazarına getməlisən. Bazarda olan mənzərəyə görə deyə bilərəm ki, yaşamalı regiondur.

---

Təbiəti çox möhtəşəmdir. Açığı mənim alışdığım və illər ilə gördüyüm mənzərələrdir. Ailə üçün maraqlı gəlirdi.

Mənə maraqlı olan əhalinin həyat tərzi və məşğuliyyəti idi. Elə rayonun girişində olan kilsə hər kəsə deyir ki, burda əsasən xristianlar yaşayır. Çox heyif ki, dağların arasında olan kilsənin fotosunu çəkə bilmədim.

Ev sahibi gücrü xala bizə heç çəkinmədən çaxır təklif etməsi başqa bir mədəniyyətdir. Bizim camaatda belə şeyləri həzm edəcək level hələlik yoxdur. Həyətdə üzüm çardaqları və altında çaxır küpləri var idi.

---

Mənim yadımda qalan ən yaxşı hadisə axşamlar samovarı qaynadıb, çay dəmləmək idi. Ən gözəl içki.☺☺

Sıra ilə Zaqatala, Şəki və Oğuzdan da postlar yazacam. Hər kəs whatsapp üçün foto çəkərkən mən də Steemit üçün maraqlı məqamları yaddaşa həkk etmişəm. Zaman uçub gedir, bizə qalan gəzmək və görməli yerləri görməkdir. Həyat qısadır, görməli olduğumuz yerlərin siyahısı isə daha çoxdur.

Belə bir yerdə və belə bir həyətdə qalan gücrü niyə qocalsın ki? Məsələn, gedib Kürdəmirdə, Saatlıda, İmişlidə yurd-yuva quran ata-babalarımız utansın.

Steem alın, bizimlə qalın.

Photo by @revan746

#burnsteem25 #club100 #thediarygame #steemexclusive #betterlife #lifestyle #steemitazerbaijan #tr