Salam, dostlar, necəsiz? Ümid edirəm ki, hər şey yolundadır. Keçək əsas mətləbə.

Steemit platforması bildiyimiz qədəri ilə əsasən blog yazarlığı üzərinə hesablanmışdır. Bəs biz necə edək ki, bizim yazdığımız bloga oxşayan yazılarımızı bir allahın bəndəsi oxusun. Bu arada deyim ki, Steemit platformasında paylaşdığınız yazılar Google axtarış matorunda ilk sıralarda çıxır. Bu da bizə üstünlük verir ki, blog yazarlığımızı Steemit üzərindən edərsək bizi daha çox oxuyan və fikirlərimizə münasibət bildirən həddən artıq olar. Müəyyən bir çevrəni öz ətrafımızda toplamağa imkan yaradır bizə Steemit. Və Steemiti bu qədər tərifləyəndən sonra keçib sözümün mustafasına.Çayınızı, suyunuzu hazır edin, getdik.

Blog yazarlığında və oxucu kütləsi toplamağın kilid nöqtəsi- Mövzu seçimi. Elə bir mövzu seçməlisən ki, sən oxucunu yazında sonuna qədər saxlaya biləcək gücü o yazında əks etdirməyi gözə alırsan. Açıqlayım, əgər seçdiyiniz mövzu ölkə gündəminə uyğun olarsa daha uğurlu mövzu seçmisiniz deməkdir.

photo

İkinci məsələ, elə bilin ki, aş bişir və o aş aşqarasız necə olar? Bərbad olar.
Mövzuya ad seçimi. Mövzu seçməyə nə var ki, oğul istəyirəm ağlında olan mövzuya ad qoysun. İndi yazın bu yerində arxa fonda musiqi verin, Dədə Qorqud gəlsin, ad qoyuruq.

Cəlbedici başlıq çox vacibdir. Məsələn, təkrar olsa da deyəcəm, "Bir qəhvənin sirri" adlı yazı daha cəlbedicidir, elə deyilmi? Bu ad belə olsa idi "Qəhvə hazırlamaq üçün nələri bilmək lazımdır?". Kimsə bu yazıya reaksiya verməzdi. Aşağı-yuxarı hər kəs bilir ki, qəhvə necə hazırlanır. Yazı başlığı oxucuya deyir ki, mən içərimdəki mövzu başqadır, sən məni oxumalısan. O filmdə necə deyir? "Elşən, sən hələ məni oxumamısan, mənsiz quşların dilini bilmək olmaz". Bəlkə də "quşlar" da bir başqa mənada işlənib, Elşən cavan oğlan idi, Mətanət də heç özünə görə deyildi.
Araşdırmalara görə başlıq altı sözdən ibarət olarsa daha çox izləyici, oxucu çəkir özünə. Üç sözdən ibarət başlıqlar isə idealdır.
Statistika deyir ki, hər 10 nəfərdən 2 nəfəri başlığı oxuyandan sonra yazını oxumağa qərar verən şəxsdir. Elə bilin ki, bazara yumurta almağa gəlib, kənarda gözünə əla xiyar dəyir, 3kq da ondan alır. Nə də olsa bu ölkədə ən yaxşı yetişən tərəvəz xiyardır. Gərək onu da yaxşı bazarlayıb sata biləsən.

(Yazımın bu yerində sizin burada xiyar, pomidor parnikinin reklamı ola bilərdi. Sloqana bax, "Biz əkirik, siz yeyin, yesəz də, yeməsəz də xiyardır".)

Blog yazarlığında işin ən əyləncəli yanı fotolardan yerində istifadə etməkdir. Mövzuya aid olmayan foto daxil etmək sizin bloggerlik həyatınızı hər an bitirə bilər. Biri şərh bölümünə yazar ki, heç hənanın yeridir?

Son olaraq bəs blog yazılarımızı harda paylaşsaq daha çox insana səsimiz çatar? Heç kəs öz ayranına turş deməz və Steemit platformasını məsləhət görərdim. Daha nə yazım ki, gələsiz buralara? Günün sualı bu olsa gərək.
Di salamt qalın, Steem alın.

Photography by @revan746

#club100 #steemexclusive #photography #life #steemitazerbaijan