Yuxuda gəzənlər

Hər kəsə salam . Bir az ara vermişdim,dərslərə görə. Yenidən qəşəng bir mövzuyla qayıtdım ;)

Bildiyiniz kimi , dünya əhalisinin bir qismi yuxu pozuntusu kimi elmə daxil olan Somnambulizm(Lunatizm),başqa sözlə desək, yuxuda gəzmə sindromundan əziyyət çəkir .
Bu insanlar demək olar ki, çox həssas ruha və ya nevrotik hallara sahibdir.

Link

Yuxuda beyinin müəyyən hisslərində hərəki analizator, görmə və eşitmə analizatorları oyaq halda olur.
Somnambulizm zamanı insan dərin yuxuda olanda baş verir . Ayıldıqlarında heç nə xatırlamırlar. Xatırlasalar belə, tam reallığı əks etdirmir.

Link
Bu problem mənim bacımda da bir dəfə baş vermişdi . Atamın dediyinə görə , gecə durub görüb ki , bacım ayağa durub və çöl qapını açmağa çalışıb. Bir anlıq atam dəhtəşə düşüb ki, bu qız hara gedir belə . Bacımı çağırıb ,cavab verməyib. Atam yanına gedəndə görüb ki, özü -özünə danışır,qapını açmağa çalışır. Bacımı oyatmadan yavaş-yavaş yerinə aparıb. O gündən sonra atam bütün qapıları bağlayır ki, bacım birdən durub gedər. Yaxşı ki, bu hadisə bir dəfə baş verib . Hansı səbəbdən belə olduğu məlum olmadı bizə.
Səhər durub bacıma olanları atam danışıb. Bacım da heç nə xatırlamadığını və elə bir şey etmədiyini dedi. 😀Bir anlıq qorxmuşdum. Sonra gördüm daha belə halları olmur və rahatlaşdım.
Bu tip insanları oyatmağa çalışmaq düzgün deyil. Oyatdığınız zaman dəhşətə gələ və nevrotik halları arta bilər .
Dədə- babadan belə insanların ayağının altına çarpayıya yaxın yerdən nəm dəsmal qoyurlar . Duran kimi ayaqları nəm dəsmala dəyir və ayılırlar ,deyilənə görə.
Odur ki, belə problemi olan adam varsa yan-yörənizdə, nevroloqa aparın.Əks halda epilepsiya və daha təhlükəli sindromlara düçar ola bilər..Bu günlük bu qədər .
Elmlə qalın ,sağlam olun ;)