İş həftəsinin sonu

Hamıya salamlar. İndidən gözəl həftəsonu diləyirəm hamıya. Bu gün cümə günü, iş həftəsinin son günüdür.

Artıq yeni daxil olduğum işdə ikinci həftəni də geridə qoyuram. İkinci həftənin sonunda artıq deyərdim ki, işin detallarını, triklərini böyük ölçüdə tutmuşam. Ona görə növbəti həftənin daha rahat keçəcəyinə inanıram.

Misal, anladığım triklərdən biri o oldu ki, gərək vaxtın olduqca növbəti həftənin işlərini bu həftədən hazırlayansan, beləcə növbəti həftə heç də çətin keçməyəcək.

Çətinlik demişkən, bu həftə bütün günü ayaq üstə olduq. Şəhid məzarına ziyarət, məktəblərdə təqdimat, təbliğatdan tutun da, həftənin sonunda üzərimizə yüklənən böyük məsuliyyətə qədər.

Böyük məsuliyyət dediyim, növbəti həftənin 2-ci günündə rayon səviyyəli, rayonun bütün yüksək vəzifəli insanlarının qatılacağı tədbir olacaq və bu tədbirin hazırlanmasını, çıxışların mətni, dekoru mən də daxil, 3 nəfərə həvalə ediblər. Açığı, maraqlı təcrübə olacağına inanıram, bir az təşkilatçılıq, planlama işlərini də yaxından öyrənmiş olacam.

Bir müddətdir, daha dəqiqi, 8 gündür, Steemitdə olmadım, ola bilmədim. Desəm ki, yalnız işlə əlaqədar idi, yalan olar. Heç özüm də bilmirəm, niyə belə oldu. Keçid dövrü yaşadım konkret.

Bundan sonra buralarda aktiv olmağa çalışacam, 4-5 gün olmadım, ortalıq dəyib bir-birinə. :D

Bu arada, bu postu telefonla paylaşıram. Alışmağa çalışacam. Bu vaxta qədər telefondan post paylaşmamışam desəm, inanarsızmı?! :)

Hər kəsə xoş günlər.