حضرت خالد بن ولید کا اپنے رب تعالیٰ پر یقین

میرے اسٹیم اٹ کے تمام دوستوں کو میری طرف سے السلام علیکم کیسے ہیں سب دوست امید ہے آپ سب لوگ خیر خیریت سے ہونگے

صدیق اکبر رضی اللہ تعالیٰ عنہ کے دور خلافت میں مسلمانوں کا لشکر حضرت خالد بن ولید کے زرِ کمان تھا اور آپ کا لشکر اس وقت مختلف ممالک میں فتوحات حاصل کر رہا تھا اور اللہ تعالیٰ کی فتح کے پرچم اُٹھارہا تھا۔ اسی دوران انہیں ایک شہر حیرہ کے باغیوں کی شرارت و عہد شکنی کی خبر ملی یہ خبر پاکر حضرت خالد بن ولید رضی اللہ تعالیٰ عنہ نے حیرہ کا رُخ کیا۔ جب حیرہ شہر والوں نے بہادران اسلام کی آمد کی خبر سنی تو اہل حیرہ اپنے قلعوں میں گھس کر قلعہ میں بند ہوگئے

حضرت خالد بن ولید رضی اللہ تعالیٰ عنہ نے سب قلعوں کو چاروں طرف سے محصور گھیر لیا اور کئی روز تک قلعوں کو گھیرے رکھا اور لڑائی اس لئے نہ چھیڑی کہ شاید یہ لوگ راہ راست پر آجائیں لیکن جب حضرت خالد بن ولید نے ان لوگوں کی طرف سے کوئی ایسی بات نہیں دیکھی تو حضرت خالدؓ نے حملہ شروع کر دیا اور شہر کی آبادی اور اس کے اندر کنسیوں پر قبضہ کرلیا اور پھر حضرت خالد بن ولید کے قبضہ کرلینے کے بعد ایک نہایت ہی بوڑھا آدمی عمرو بن عبدالمسیح جو کہ نہایت بوڑھا پیر فانی تھا، اپنے قلعہ سے نکلا تو مسلمانوں نے اسے حضرت خالدبن ولیدؓ کے سامنے پیش کیا۔ حضرت خالد بن ولید نے جب عمرو بن المسیح کی طرف دیکھا تو اس سے پوچھا تمہاری عمر کتنی ہے
تو اس بوڑھے نے کہا سینکڑوں سال اس بوڑھے کے ساتھ اس کا ایک خادم بھی تھا مسلمانوں نے جب دیکھا تو اس خادم کے پاس ایک زہر کی پڑیا نکلی پڑیا دیکھا کہ حضرت خالد بن ولید نے اس سے پوچھا اسے کیوں ساتھ لائے ہو

اس نے کہا ”اس خیال سے کہ اگر تم نے میری قوم کے ساتھ اچھا سلوک نہ کیا تو میں اسے کھا کر مرجاﺅں اور اپنی قوم کی ذلت و تباہی نہ دیکھوں“

حضرت خالد بن ولید رضی اللہ تعالیٰ عنہ نے اس پڑیا سے زہر نکال کر اپنی ہتھیلی پر رکھا اور اس بوڑھے سے کہنے لگے کہ جب تک میرے رب کا حکم نہ ہو تو کوئئ نہیں مرتا
جب تک انسان کا وقت پورا نہ ہو تو زہر بھی اپنا کچھ اثر نہیں کرسکتا یہ کہہ کر حضرت خالد بن ولید نے وہ زہر پھانک لیا۔ اس بوڑھے کافر نے یہ اعتقاد اور خدا پر اعتماد کا منظر دیکھا تو حیران رہ گیا اور وہ تمام لوگ بھی حیران رہ گئے جو قلعوں سے نکل آئے تھے ۔ عمرو بن المسیح کی زبان سے تو یہ کلمہ بے اختیارنکل گیا کہ جب تک تمہاری شان کا ایک شخص بھی تم میں موجود ہے تم اپنے مقصد میں ناکام نہیں رہ سکتے

Special Thanks

@yousafharoonkhan
@rashid001 @jlufer and @janemorane
@r2cornell