Hindi story ( Do anjane anjanome )

Do anjane anjanome

Starting by strange 1

Do anjane anjanome

10 saal ho gaye hai aaj pure 10 saalo Ke baad tazi hawa ka ehsaas ho raha hai dhimi dhimi hawa ki chuan se Mann ko ek alag hi bal mil raha hai aaj khud ko ajad mehsoos kar pa raha hu ..
Bus ki side khidki ke sit pe baitha bahar se aati hawa ke jhoke chehre ko chhute huye gujar rahi thi tabhi pehli baar usko dekha tha bus stop pe khadi bus ka intezar kar rahi thi. uski udti julfe uske masum chehre ko tang karti, uski gulabi dupatta hawa me lehrata hua safed salwar kamij me khadi jaise koi apsara main jaise usi ek pal me kho sa gaya tha .. Bus ke rukte hi wo bus pe chadhi sayad aaj kismat kuch pal ke Liye hi sahi mujhpe meherban thi wo bus pe chadhi tab sirf ek hi seat khali tha wo tha mere pass wala..
Uski aur meri najre mili lekin najre tik nahi payi usne najre hata li aur mere pass hi baith gayi..uspal pehli baar jivan me Maine apne andar garmi mahsoos ki ya sayad aaj pehli baar kisi khubsurat ladki ko dekha tha ..
Buss ki jurney jaisi hoti hai waise hi rahi lekin WO pal mere liye kisi bardan se kam na tha har bit te pal ke sath bus ke hilnese hamari bahe takrati aur mere andar armano ka jaise ek mahal sa banta jata lekin sayad mera mahal tas ka mahal tha bus ke next stop pe pahuch te hi wo uth gayi aur utar gayi ..main bas dekhta raha mere gale se ek sabd bhi nahi nikal paya kehta bhi kya jab khud ki asliyat ka khayal aaya to jo pal abhi bite wo bhi ek toufa hi laga isse Jada jindagi sayad hi kabhi mujhe de paye yehi soch ke khamosh raha lab chup rahe ankhe apna rasta talashti rahi jab tak wo in ankho ke samne se ojhal nahi ho gayi ..
Dil ke Arman dil me hi dabaye do stop baad hi mera stop agaya main utar gaya..
Mera mohalla kitne saalo baad dekha hai kuch khas nahi badla wohi salim bhai ki chai ki tapri
Wohi ganda nala wohi tuta hua rasta gaddhe se bhare huye wohi purane Ghar wohi aurto ki chillam chilli pani ke nal ke pass .
Kuch dur hi do Ghar chod mera chota sa Ghar aaj kitne salo baad ma se milunga in Das salo me ma har mahine Milne aati thi pata nahi 6 mahine ho gaye kiu nahi aayi pata lagane ka bhi koi upai nahi tha bimar to nahi ho gayi koi aur tha bhi kaha dekh rekh kar sake pitaji to mere janm ke 2 saal baad hi chal base ma ne dusri shadi nahi ki mujhe apne bal pe pala lekin phir wo hadsa ho gaya ma akeli rah gayi kitni royi meri ma kismat ki mari thi pata nahi aur koi hai bhi ki nahi mere pariwar me Dada dadi aur koi na pitaji ne na kabhi kaha tha na mane kabhi bataya pitaji ek auto driver the aur ma Ghar me hi telaring ka kaam karti thi ..
Main galio ko par kar jab Ghar ke pass pahucha to Ghar pe tala laga hua tha kuch ajeev lag raha tha gharke samne saaf safayi nahi thi gate bhi ganda tha ..mujhe chinta hone lagi main wohi khada idhar udhar dekh raha tha tabhi pass ke Ghar se mohan chacha nikle aur pucha..kon ho bhai yaha kiu khade ho..