ကျောက်ကပ်အတွက် ဆေးတစ်ခွက်

ကျမ်းမာရေးအတွက် ပြန်လည်မျှဝေပါသည်

မြန်မာနိုင်ငံတွင် တိုင်းရင်းဆေး အဖြစ်အသုံးပြုနိုင်သော သစ်သီးဝလံများ ပေါများစွာရှိနေသည်။ လူတို့သည် တန်ဖိုးနည်းသောဆေးနည်းဆိုလျှင် အထင်သေးစွာသုံးစွဲရမှာ အလွန်ဝန်လေးတတ်ကြသည်။ ထို့ကြောင့် ဤဆောင်းပါးဖြင့် ကိုယ်တွေ့ကြုံခဲ့ရသော ဆေးနည်းတစ်ခုကို ရေးသား ဖော်ပြရခြင်းဖြစ်သည်။

ကျွန်မတို့ နေ့စဉ်စားသုံးနေသော အသီးအနှံများထဲမှ ကျောက်ဖရုံသီး၏ အကျိုးအာနိသင်ကို ဖော်ပြပေးချင်သည်။ ကျွန်မ၏ခင်ပွန်းသည် ကျောက်ကပ်ရောဂါကို ပြင်းထန်စွာခံစားခဲ့ရသည်။ ဆေးခန်းပေါင်းများစွာကို
ပြသခဲ့သော်လည်း ဆေးထိုးစဉ် ခဏသာသက်သာခဲ့သည်။ တစ်နေ့ ကျွန်မ၏မိတ်ဆွေက အမျိုးသားခံစားနေရသောရောဂါအကြောင်း စကား စပ်ပြောမိရာ ကျောက်ကပ်ရောဂါနှင့် ပတ်သက်လျှင် ကျောက်ဖရုံသီးဖြင့် အမြစ်ပြတ်နိုင်ကြောင်း အကြံÓဏ်ပေးသောကြောင့် ကျောက်ဖရုံသီးကို ဂျစ်ဖြင့်ခြစ်ကာ ဆားအနည်းငယ်၊ သကြားသင့်တော်ရုံထည့်၍ ဖျော်ရည် အဖြစ်ပြုလုပ်ပြီး နေ့စဉ်နံနက်တစ်ခွက် ညတစ်ခွက် အမြဲသောက်သုံး ပေးသောကြောင့် မခံမရပ်နိုင်အောင်ခံစားနေရသော ဝေဒနာသည် နှစ်ပတ် ခန့်အကြာတွင် ယူပစ်သလို သက်သာပျောက်ကင်းသွားသည်ကို လက်တွေ့ ကြုံခဲ့ရသည်။ ကျောက်ဖရုံသီးသည် ကျောက်ကပ်ရောဂါသာမက ဆီးလမ်း ကြောင်းတွင် ကျောက်တည်ခြင်းများကိုလည်း ပျောက်ကင်းစေကြောင်း သိခဲ့ရသည်။

ဆီးလမ်းကြောင်းတွင် ပိတ်ဆို့ နေသော ကျောက်များကိုပင် အရည်ပျော်စေသည်မှာ အမျိုး သားကြောင့် လက်တွေ့ကြုံခဲ့ ဖူးပါသည်။ ထို့ကြောင့် ဆီးနှင့် ပတ်သက်သော ရောဂါများတွင် လည်း ကျောက်ဖရုံသီးကို လိုအပ် သလို စားသုံးပေးခြင်းဖြင့် ငွေကုန် သက်သာ လူမပင်ပန်းဘဲ ရောဂါ ပျောက်ကင်းစေသည်။ ထို့ကြောင့် မြန်မာ့စိုက်ပျိုးရေးမှ ထွက်သော သီးနှံများသည် ကျန်းမာရေးအတွက် အထူးကောင်းမွန်သော အစား အစာများဖြစ်သလို အလွန်အသုံး ဝင်သော ဆေးစွမ်းကောင်းများ လည်းဖြစ်သည်။ ကျောက်ဖရုံသီးကို ကြော်ချက်၍လည်းကောင်း၊ ဟင်းချိုအဖြစ်လည်းကောင်း နှစ်သက်သလို ချက်ပြုတ်၍လည်း စားသုံး နိုင်သည်။ ထို့အပြင် ကျောက်ဖရုံသီးအနုကိုလည်း တို့စရာအဖြစ် စားသုံး နိုင်သည်။ ဝေဒနာခံစားရသောရောဂါအတွက် ငွေကုန်ကြေးကျသက်သာသည့်
ဆေးကောင်းတစ်လက်ပင်ဖြစ်သည်။

နွယ်မြက်သစ်ပင် ဆေးဖက်ဝင်ဟူသော စကားနှင့်အညီ မြန်မာနိုင်ငံတွင် ပေါက်ရောက်နေသော အပင်များသည် တိုင်းရင်းဆေးအဖြစ် အသုံးဝင်လျက် ရှိသည်ကို အသိနည်းနေသေးသည်။ နိုင်ငံခြားဆေးများကိုသာ အလေးထား သုံးစွဲနေခြင်းကြောင့် ဘေးထွက်ဆိုးကျိုးတို့ကို တောရွာများသာမက မြို့ပေါ် ၌ပင် ခံစားနေရခြင်းဖြစ်သည်။ နိုင်ငံခြားမှတင်သွင်းသော ပဋိဇီဝဆေးများ သည် အခန့်မသင့်လျှင် ဆိုးကျိုးများဖြစ်ပေါ်စေပြီး အထူးသဖြင့် ကျေးလက် ဒေသနှင့်တောင်ပေါ်ဒေသတို့တွင် ကျွမ်းကျင်ဆရာ ဆရာမများ ရှားပါးနေ ခြင်းကြောင့် အစာလည်းဆေး၊ ဆေးလည်းအစာဟူသောစကားကို မေ့လျော့ လျက် ဆိုးကျိုးအချို့ကို ကြုံတွေ့နေရခြင်းဖြစ်သည်။ ကျောက်ကပ်ဝေဒနာ သည် လွန်စွာခံရခက်သော ဝေဒနာဖြစ်ကြောင်း ခံစားရဖူးသူတိုင်း သိရှိပြီး ဖြစ်သည်။ ယောက်ျားတွင် ဆီး၊ မိန်းမတွင် မီးဟူသော စကားနှင့်အညီ အမျိုးသမီးများအတွက် မီးယပ်ရောဂါသည် အသက်အန္တရာယ်နှင့် ရင်ဆိုင်ရ သကဲ့သို့ အမျိုးသားများအတွက် ကျောက်ကပ်ရောဂါသည်လည်း ဆိုးရွားစွာ ခံစားရကာ အသက်အန္တရာယ်နှင့် နီးစပ်ကြောင်း ဝေဒနာခံစားရဖူးသူတိုင်း သိရှိပြီးဖြစ်သည်။

ကျောက်ဖရုံသီးတစ်လုံးလုံးသာမက အရွက်၊ အမြစ်ပါ ကျောက်ကပ် ရောဂါအတွက် အသုံးဝင်နေပါကြောင်းကို အသုံးပြုနိုိင်ရန် စာဖတ်သူတို့ထံ တင်ပြအပ်ပါသည်။

ခင်မေတ္တာ(မြန်မာစာ)