Friends

Masa masa,kamoe ubeut
Crita bacut,dalam mideun
Ithee batat,bak rumoh beut
Keunong cinut,sabe bak rhung

Sinyak Fikar,paleng jeuheut
Oeh geu sinut,sabe ji plueng
Paleng bangai,wate bak beut
Keunoeng paleut,sabe bak keung

Laen si Krue Krue ,pieh saboh buet
Jitren uyup,tingoeh geu kheun
Keu alasan,ka saket pruet
Dahai jak pup,rukok magnum

Yg that lucu,wate woe beut
Jih rhet uyup,pah bak rinyeun
Ngen ija krong,aju teulheup
Ata yup pruet,kadeuh mandum

Lhe goe minggu,kureung bacut
Tan dijak beut,suwah yak tung
Cukup malei,dih ngen dek cut
Deuh keuraleup,kana jumpung

Siyak Homhai,paleh meu dreut
Jiseumeungeut,rata ureung
Cukop sulet,han jeut keu buet
Peugah pre beut,keuh wap ujeun

Pernah sigoe,hai phan rateup
Oeh te woe beut,poh sikureung
Kheun lam kawan,yeh pat geunteut
Laju meu crup,kamoe meu plung

Beh pu tadoeng,menyoe genteut
Panyang linut,hai phan jangeun
Meu cruu meuplung,ceupap ceupeup
Na yang teu sut,siloep uneun

Ban ka rayeuk,kamoe man peut
Kajeut keubut,mandum mandum
Hana teuboeh,yak meuranteup
Tan le jeuheut,akai meu glung

Peurle peugah,yang makeuseud
Neujoek bak beut,aneuk mandum
Ngat bek rugoe,uroe hadeup
Keunoeng azeub,cukop suum

Kruu seumangat,nikmat maujud
Poe teuh makbud,geubi mandum
Kasep haba,katroeh ban heut
Katroh maksud,haba sunyung