Tumhare Sheher Ka Mausam Bara Suhana Lage

A Beautiful Ghazal Presented By Bazm-e-Kain.

Poet : Qaiser-Ul-Jafri

Tumhare Sheher Ka Mausam Bara Suhana Lage,

Mai Ek Shaam Chura Lu Agar Bura Na Lage.

Tumhare Bas Me Agar Ho To Bhul Jao Mujhe,

Tumhe Bhulane Me Shayad Mujhe Zamana Lage.

Jo Doobna Hai To Itne Sukoon Se Doobo,

Ke Aas Pass Ki Lahron Ko Bhi Pata Na Lage.

Na Jaane Kya Hai Kisi Ki Udaas Aankhon Me,

Wo Munh Chupa Ke Bhi Jaaye To Bewafa Na Lage.

Tu Is Tarah Se Mere Saath Bewafai Kar,

Ke Tere Baad Mujhe Koi Bewafa Na Lage.

Tum Aankh Moond Ke Pi Jao Zindagi Qaisar,

Ke Ek Ghoont Me Mumkin Hai Badmazah Na Lage.