Filipino-Poetry : "Payo"

Wag hayaang lamunin ka ng iyong nakaraan
Pasasaan ba't hihilom din ang pusong nasugatan
Pagmamahal sa sarili muna ang dapat na pagtuonan
Bago pagmamahal sa iba'y ipagsabuyan

Andali lang sabihin noh?
Pero ang hirap gawin alam ko
Kaya lang wala na tayong magagawa
Kundi umabante na lang at wag nang ngumawa

Kung pwede nga lang ibalik ang mga pangyayari
Itatama ang pag-ibig na nagdulot ng pighati
Pipiliting pana ni kupido'y waksiin
Nang maling pag-ibig ay maiwasan na rin

Pag nakita ko talaga si kupido
Uuwi talaga siyang kalbo
Siya'y sasabunutan ko
Dahil sa match-making niyang palyado

Akala niya ba andaming masaya pag siya'y pumalya?
Oo, marahil masaya sa una kasi ganon naman palagi diba?
Pero kalaunay nagiging mahapdi na at nagkakasakitan pa
Dahil relasyon ay nagkakalamat na at wala nang patutungahan pa

Pero andun na tayo kaibigan
Kalimutan na ang dapat kalimutan
Mag pokus sa kasalukuyan
At isiping may magandang bukas na sayo'y nakalaan

_{Nagbabasa ako sa mga #uloghugot post kanina... Kaya ako'y nakapagdesisyon na magsulat muli ng isang tulang may kinalaman sa pag-ibig hehe ngunit ito'y iba na sa mga dating nagawa.}

_{To join and be part of the gratefulvibes family on discord, click here}

_{To join and be part of the Steemitserye Steemitdora Full Force on discord, click here}