Nandito Lang Ako || isang Pilipinong tula
"Nandito Lang Ako"
Damdamin na pilit itago
Halata ang pagdurusa
Dahil ito aking nakita
Ngayon ika'y naghihinagpis
Sapagkat nasaktan nang labis
Ngunit bakit nga ba
Patay na patay ka sa kanya
Mahal na mahal mo siya
Kahit ang sakit na
Sa pakikinig sa mga sinabi
Ng iyong matabil na labi
Maraming beses na inulit
Mga bagay na masasakit
Na parang di mo makakaya
Makuhang maging masaya
Buksan sana ang puso mo
At papasukin mo naman ako
Nandito lang ako sa tabi
Maging araw man o gabi
Isang tawag mo lang naman
Ika'y handang damayan
Ang kailanman ibibigay sa'yo
Dahil ganyan ang pag-ibig ko
Naway naghandog sa inyo ng aliw ang nabuo kong tula. Muling balikan ang mga nakaarang tula na aking isinulat.
* * * * * Filipino Poetry * * * * *
* * * * * English Poetry * * * * *